حسن قاعد مكتبو عندو سلسلة مطاعم وهو بدير فيها ده غير الدكاكين و الشقق العندو
اثناء ما بقلب في اوراقو دخل عليو واحد من الموظفين اسمو سامي
سامي: كيف يا استاذ
حسن: اتفضل يا سامي انا الحمدلله انت كيف
سامي الحمدلله والله
حسن: اها في اخبار جديده
سامي: اي بت عاصم رقدوها مستشفي تاني وقالو احتمال كبير يسفرها للعلاج برا بسسس
حسن: بس شنو
سامي: شايف ادهم ليو يومين بمشي ليها في المستشفي
حسن: ادهم ولدي؟
سامي: اي ادهم ولدك اول مره كان معاو ريفال واسي حاليا هو هناك بس براو ما معاو زول
حسن: الود ده ما ناوي يجيبه علي بر لكن انا بأدبو
............
ادهم قاعد مع سيرين لحدي ما خالتي سماهر جات وكان مواعيد الزياره قربت
سماهر: اها يا ولدي ما قصرت والله شكرا ليك بس بعد ده احسن تمشي عشان ابو سيرين و اعمامه حايجو لان الزياره مواعيده فتحت
ادهم: طيب تمام كويس نبهتيني انا ما حاسي بالزمن يلا استأذن بعد ده و بجيكم بعدين ان شاء الله
سيرين: ادهم عليك الله ما تتأخر علي بعدين
ادهم مسكه من يدها : حااضر من عيوني انتي اخدي الادويه بتاعتك في مواعيده واكلي كويس واخدي بالك من نفسك عشان خاطري
سيرين حاااضر
ادهم: يلا سلام
سماهر اول ما ادهم طلع قالت لي سيرين: يلا اتغطي كويس ولمن ناس ابوك يجو ما تتكلمي معاهم ولا اقول ليك اعملي روحك نايمه
...........
ادهم و هو طالع اتذكر د.نيرفان مشي ليها دقه الباب وكانت بعاين في صور اشعه قالت من جوه : اتفضل
ادهم فتح الباب و دخل عاينت ليو كده قالت ليو: مرحب اتفضل
ادهم: دكتورتنا كيف
نيرفان ختت صور الاشعه من يدها وبي ابتسامه كده: الحمدلله انت كيف
ادهم: الحمدلله
ادهم: والله يا دكتوره جاي اعتزر ليك انا قبيل انعلت زياده اللزوم و.....
قاطعتو
د.نيرفان: لا ماف داعي للاعتزار انا قدرت الحاله الانت كنت فيها وبعدين كان غلط غير مقصود مني انا فاكيد حاتحمل نتيجة غلطي
ادهم: لا والله ما غلط كبير يعني بس انا انفعلت شديد فانا اسف جدا والله
د.نيرفان: حصل خير ان شاء الله واسي سيرين كيف؟
ادهم: تسلمي علي تقبلك عزري وسيرين الحمدلله في تحسن ملحوظ جدا
د.نيرفان: الحمدلله ربنا يتم شفاها يا رب اسي دي صور الاشعه بتاعته و طلعت نضيفه الحمدلله
ادهم: يا السلام ياخ ده خبر حلو جدا الحمدلله
د.نيرفان: الحمدلله
ادهم: طيب انا استأذن وبعدين بجي اشوفه تاني
د.نيرفان: ان شاء الله اذنك معاك
..............
لبني قاعده في الصاله تحت وزعلانه من حركات ادهم و تتنطن براااها
لبني: انا تعمل لي كده يا ادهم اصبر لي بس الليله الا ما تجي البيت ده
حسن جاء داخل وبنادي فيها
لبني جاتو وهي زهجاانه
لبني: اي حسن مالك بتكورك كده القاها منك ولا من اولادك انا
حسن: انا الالقاها منك ولا من اولادك وينم ادهم و ريفال ؟
لبني: ريفال قاعده فوق و ادهم دي طلعت الصباح تاني ما جاء راجع
حسن: اي يرجع كيف اذا الاربعه و عشرين ساعه قاعد حارس لي بت عاصم الخرساء ديك
لبنيبي خلعه: سجمي كيف يعني الكلام ده
حسن: زي ما سمعتي كده اليوم كلو في المستشفي مع بت عاصم و سماهر عارفه يعني شنو بت عاصم وسماهر يا لبني عاصم الجرجرني وبهدلني في المحاكم الفضحني وقال انا سارق حقهم
لبني: لا ده كلو كوم والعملو الليله الصباح كوم تاني
حسن: عمل شنو
لبني: انا واقفه بتناقش معاو يتجاهلني و يمشي واناديو ما يعبرني القليل الادب و ده كلو عشان يجري لي بت عاصم الليله يصبر لي بس
حسن: اسمعيني هنا لمن يجي نهاااائي ما تسأليو ولا تتكلمي معاو
لبني: شششننو؟! ما اتكلم معاو والله زوول يتكلم غيري ماف ما ابقي لبني سيف الدين كان ما لطشتو كف يعدل ليو راسو ده ويبطل جري ورا بت عاصم و سماهر
حسن: يا مره اسمعي الكلام انا عندي معاو تصرف تاني نهائي ما تتكلمي معاو ولا تفتحي موضوع بت عاصم ده سامعه ولا لأ
لبني: انت عايز تعمل شنو فهمني اول
حسن: .........
