عماد في غضب: ماف حب قتل ليو زول حب شنو وكلام فارغ شنو البرقد مستشفي ده كل ده دلع بنات ساي
عادل: ياخ حرام عليك ياخ انت مالك واقف قصاد الخير همك كلو انو تنتقم من حسن
عماد: اي انتقم منو خلانا زي الشحادين ونحن صغار وهو متمتع بي حقنا وعايزني اخليو كده
عادل: كون انك تمنع زواج سيرين من ادهم ده ما انتقام انت كده بتكسر قلبهم بس ما اكتر
عماد وهو غضبان: انت اسكت خالص وريني قلبك ده عمل ليك شنو مشيت حبيت ليك واحده واتزوجتها وشالت اولادك وطفشت عمل ليك شنو قلبك وكتها نفعك بشنو؟ جاب ليك عيالك؟ امشي حل مشاكلك اول
هنا عماد لعب علي وتر حساس لانو زي ما حكي زوجتو شالت اولادو وطفشت سنين طويله ما شاف اولادو ولا عارفم حيين ولا ميتين
عاصم: ده كلام شنو ده يا عماد ياخ مية مره كلمتك لمن ازعل ما تقول اي حاجه وان شاء الله يلقي اولادو ويفرح بيهم
عادل كلام عماد فتح ليو جرح هو كان بحاول يتناسو عشان كده ما اتكلم مع عماد ولا رده عليو لانو اخوهو الكبير بس كل العملو قام طلع من بيت عاصم وهو بمسح في دموعو
عاصم: ده كلام ده يا عماد ما كان في داعي لي كلامك الجارح ده
عماد: جارح ولا ما جارح دي الحقيقه وماف حاجه غطست حجرو غير الحب الهو بتكلم عنو ده
عاصم: ياخ الحقيقه نحن كلنا عارفنها ماف داعي تقوله يعني
عماد: ده ما موضوعنا اسي سيرين ما تعرس الولد ده وانا خطبتها لي خالد ولدي وانت عارف كده
عاصم: ياخ البت قالت ما عايزه خالد وانا ما حاجبرا وبعدين انت نسيت كلام خالد في المستشفي ولا شنو
عماد: دي حركات عيال ساي هم الحايمشونا ولا نحن الحانمشيهم بعد يتزوجو يحبو بعض
عاصم: لا يا عماد الدكتوره قالت سيرين ما مفروض تتعرض لي ضغط نفسي يعني حتي لو ما عرست ادهم ما حاجبرا تعرس خالد و دي كلها اقسام
عماد قام علي حيلو وهو زعلان
عماد: قسما عظما يا عاصم سيرين دي تديها لي بت حسن انا تاني ما داخل ليك بيت
عاصم: عماد ده كلام شنو ده يا اخوي انت جنيت ولا شنو !!!
عماد ما رده عليو وطلع
عاصم الهموم عليو ذادت وما عارف يعمل شنو
........
ريفال اتصلت علي ادهم كتييير بس كان معزوم عرس صاحبو والجوطه ما سمع التلفون
لمن رجع ريفال كانت نايمه ومن السهر صحت 11 ولقت ادهم ماف وبقت برضو تتصل عليو وتلفونو مشغول
والتلفون كان مشغول مع سيرين وورتو انو ابوها وافق وهو فرح شديد ريفال رسلت ليو رسايل بس هو ما قراها
.........
ادهم طوالي اتصل علي عمو عاصم وقال ليو انو جاي عليو بعد ساعه
عاصم اتصل بي عادل و ما كلم عماد عشان تفاديا للمشاكل
.............
ريتال شالت القروش من امها و مشت لاقت صحباته شلت الجامعه ومعاهم اولاد زملانم
قعدو وطلبو بيتزا و فطاير وتشيز كيك وبقو ياكلو ومبسوطين
يسرا نفسها تشيل رقم ادهم بس ما لاقيه فرصه
قامت قالت لي ريتال: يا ريتا ممكن اعمل مكالمه من تلفونك ما عندي رصيد في تلفوني
ريتال: اووكي دقيقه افتح ليك النمط
ريتال فتحت النمط لي يسرا و انشغلت مع اصحابه ويسرا استغلت الموقف وفتشت رقم ادهم وشالتو وعملت روحه اتصلت بي رقم وقفلت وأدت التلفون لي ريتال
وانبسطو ورجعو البيت
.........
ادهم مشي قابل اعمامو عادل و عاصم
عاصم: بس يا ادهم نحن عندنا شروط قبل اي حاجه
ادهم: خير يا عمي اي شئ تقولو عليو انا موافق عليو وابصم بالعشره كمان
عادل: ههههه كدي اعرف الشروط اول بعداك وافق
ادهم: هههه جدا
عاصم: اول حاجه واهم حاجه بتي ما ليها دعوه بي اهلك
ادهم: كيف يعني؟!
عاصم: يعني ما تجبرا علي انها تمشي لي امك واخواتك ا
حياته تكون منفصله عنهم تماما
عادل: انت لو عايز تمشي في اي وكت لي اهلك امشي بس ما تجبرا انها تمشي معاك انت عارف المشاكل الحاصله يا ولدي ودي بتنا ولينا الحق نخاف عليها
ادهم فكر كداااا وقال: حاضر اها والشرط التانني
عاصم: البت لازم تكمل جامعته وقرايته ما تحرمم منها
واخر حاجه: ما تزعله ولا تخليها تتعرض لي ضغط نفسي لانو الدكتورا قالت اي حاجه ممكن تاثر علي صحته
ادهم: وانا موفق
عادل: علي بركة الله مبروك يا ولدي بعد ده ابدا جهز نفسك للعرس
ادهم انبسط جددآ واخد ونستو معاهم وطلع مشي بيتم وكان مبسوووط لاقي ريتال في الباب وهي داخله البيت وشو اتغير ومزاجو كمان اتغير
ويتبع......
