ادهم: يعني اخليها كده يا ريتال ولا رايك شنو
ريفال: يا ادهم اصبر شويه نشوف هم حايتصرفو كيف
ادهم: ما قادر ما قادر اشوفه بتتعذب كده واكون ساكت
ريفال: طيب انت اسي ماشي وين
ادهم: المستشفي
ريفال: طيب دقيقه امشي معاك
ريفال طلعت لبست عبايه ونزلت لقتو ركب العربيه ومشت ركبت معاو
وفي العربيه
ريفال: يا ادهم اسي نحن نمشي هناك نقول ليهم شنو
ادهم: ما عارف يا ريفال ما عارف بس لازم اشوفه بي اي طريقه
ريفال: هي في ياتو مستشفي:
ادهم: رنا قالت رقدوها في مستشفي امبريال
ريفال: انت جاااادي
ادهم: اي جادي ليي في شنو
ريفال: اخت نمارق صحبتي دكتوره شغاله هناك اسمه نيرفان
ادهم: طيب دي حاجه كويسه
ربنا يطمني عليها يا رب
ريفال: اميين يا رب
..........
عاصم طلع من المسجد و هو قلبو متطمن و مرتاح من كلام الشيخ و ما عارف الشيخ ده جاهو في الحلم و لا في الحقيقه
فلاش باك
عاصم رفع راسو لقي ماف قدامو زول ولقي روحو براااو في المسجد وبقي يتلفت ويعاين لعل و عسي يلقي الشيخ الكان بتكلم معاو بس ما لقي حاجه
مشي اتوضأ تاني وصلي صلاة استخاره و دعا ربو انو الحاجه الفيها خير تكون ليو ولي بتو
باك 🔙........
عاصم طلع و مشي لي غرفة سيرين وقبل ما يخش لقي عادل اخوهو و عماد قاعدين برا واشرو ليو انو يدخل طوالي
ودخل ولقي سيرين راقده ناايمه بعد اخدت المسكن و مركبين ليها درب و سماهر قاعده جمبها وبتبكي
عاصم جاء وقف جمب سماهر من غير ما يتكلم وضماها علي صدرو
عاصم: ما تخافي بتنا ليها رب كريم احن عليها مننا نحن
سماهر: عاين شكلها بقي كيف يا عاصم شوف السواد التحت عيونه ده عاين ليها سمرت و ضعفت كيف بتي بتموت في الدقيقه مية مره يا عاصم
عاصم وهو بمسح دموعو: لا ما تقولي كده انا حابدا اعمل الاجراءآت ونسافر بيها و نعالجه و تبقي كويسه ان شاء الله
سماهر: ان شاء الله
.......
أدهم وصل المستشفي هو وريفال بس وقفوهم في الباب ريفال قالت ليهم انهم تبع دكتورا نيرفان بعداك دخلوهم
بعد ما دخلو ريفال وقفت ادهم قالت ليو اصبر نمشي لي نيرفان
ادهم: انا ما قادر اصبر
ريفال: اصبر يا ادهم اي استعجال ما في صالحنا
ادهم و ريفال مشو الاستقبال وسالو من دكتورا نيرفان قالو ليهم انو عندها مرور ووصلوهم مكتبه وبقو قاعدين منتظرينها
...............
لبني قاعده في الصالون تحت تهري وتنكت في روحه ورابطه راسه بي طرحه من الصداع
لبني: احييي يا راسي وووب انا وووب علي ولدي الكبير بقي ما حاسي بي روحو بت عتصم دي اكيييد عملت ليو عمل اصصصلو جريهو وراها بالطريقه دي ما طبيعي
أيهم: يا امي قولي بسم الله عمل شنو والله البت دي مسكينه شديد انتي ظالماها ساي
لبني: اسكت انت ما عارف حاجه و ما عارف سماهر و عمايله اسالني منها انا
ايهم: طيب خالتي سماهر عرفناها ما بالضروي سيرين تكون زيها يا امي مع انو انا برضو ما شايف مرت عمي دي عملت حاجه قبل كده
لبني بي نهرا: يخلخل ضروسك انت كا عارف حاجه و كنت صغير مشي زي الناس ما مشيتو سماهري عقربه وبتها حاتكون طالعه ليها يعني حاتطلع لي منو
ريتال: اسي ده ما موضوعنا يا ماما خلينا في ادهم حاتسيبيو كده و بتك الهبله ديك واقفه معاو كمان
لبني: والله ما اخليو يعرس الخرسا كان اموووت كده ما اخلي يعرسه التلفون وينو ادوني ليو
ايهم: عايزه تعملي شنو يا امي
لبني: حاضرب لي ابوك يجي يشوف المصيبه دي ويحصل ولدو ده
..............
ادهم و ريفال قاعدين بعد شويه دكتوره نيرفانه جات داخله
بت جميله و راقيه ولمن شافت ريفال عرفته طوالي
نيرفان: روووفه كيييفك حبيبتي ان شاء الله كويسه
ريفال قامت سلمت عليها بالحضن: نوووفا ازيييو كيفك و اخبارك
نيرفان: الحمدلله انتي كيفك
ريفال: والله بخيير الحمد لله
نيرفان سلمت علي ادهم بس ادهم كان متوتر و ما شايف قدامو
ريفال: ده ادهم اخوي الكبير
نيرفان: مرحب بيك
ادهم: يا مرحب يا دكتورا
نيرفان: اتفضلو اقعدو ان شلء الله زيارتكم هنا لي خير بس
ريفال: لي خير ان شاء الله اها ما قلتي لي نموررقه كيف
نيرفان: كوييسه الحمدلله و خطوبته قربت لازم تشرفينا
ريفال: بالجد😍 ماشاء الله والاه مبروووك ليها انا طولت منها عشان كده ما عارفه اخباره
نيرفان: ههههه اي والله عقبالك
ريفال: اميين يا رب يلا نحن جاينك محتاجين مساعدتك
ويتبع.......
