عادل: انتو بس وافقو و حسن خلو علي انا
عاصم: عادل بلاي اطلع من الموضوع ده
عماد: انت يا عادل فهمك شنو وريني؟! حسن ده شال حقوقنا بعد ابونا اتوفي عشان كنا صغار واسي عايش ملك بي قروشنا
عادل: انا معاكم يا جماعه هو اكل حقوقنا واي شئ بس كمان ادهم ولدو ما ليو زنب في الموضوع ده
عاصم: زنبو انو ولدو وبلاي يا عادل اقفل الموضوع ده انا ما عايز نقاش فيو
عادل: طيب يا عاصم بي راحتك سيرين وينه؟
عاصم: قاعده جوه في غرفته
عادل مشي دقي باب الغرفه لي سيرين ودخل
عادل: بت اخوي السمحه
سيرين عمو عادل كيفك
عادل: تمااام الحمدلله انتي كيف
سيرين: الحمدلله يا عمو كوويسه الحمدلله
عادل: وشك ما عاجبني
سيرين: لاماف شئ بكون ارهاق من المزاكره بس
عادل: طيب يا بتي ع العموم انا عارف السبب بس والله اسي اتكلمت مع ابوك وعمك عماد وهم راكبين راسم شديد
سيرين: نحن ما لينا زنب يا عمو هم ليي بعاقبونا نحن
عادل: عارف والله و ده كلامي معاو بس تعالي نحسبه كده يا بتي
انتي لو اتزوجتي ادهم ده حاتمشي تقعدي مع امو واخواتو هناك صاح؟
سيرين: صاح
عادل: طيب حايعاملوك كويس؟ بتضمني الحاجه دي؟ انتي بتتذكري المشاكل الكانت بين لبني و سماهر زمان بتتذكري وكت اتشاكلو الكلام الإتقال شنو؟
سيرين: ايوا متذكره وانا ما لي دعوه بيهم انا البهمني ادهم بس
عادل: كيف ما ليك دعوه بيهم ديل اهلو انتي ما حاتقدري تفصليو من اهلو و في نفس الوكت حاتكوني عايشه وسطهم
سيرين: يعني يا عمو انا وادهم ما حانتزوج😭
عادل: والله يا بتي ما عارف الله واعلم الكاتبو ليك ربنا حاتشوفيو بس لازم تعملي حساب اي حاجه قبل ما تتعمل واي خطوه قبل ما تخطيها
سيرين: حاضر يا عمو
عادل ضماها عليو: ايوا كده خليك ثويه يا بتي وانا ما بحب اشوفك زعلانه
سيرين: ربنا يخليك لي يا عمو يااارب و ما يحمرني منك
عادل: يارب ولا منك
..........
تعالو نرجع بالزمن ورا شوويه يا جماعه
زماااااان لمن كان عاصم ابو سيرين صغيير واخووانو عماد و عادل كمان كانو صغار يعني عمر 10 و 8 و 7 كده حسن ود عمهم ده كان عمرو 22س والوكت داك حسن امو وابوهو متوفيين قام عمو جد سيرين حاج عبدالرحمن شالو رباهو لانو ود اخوه وكان بعاملو زي ولدو لمن
حسن كان شااااطر وبعرف لي شغل السوق ومررردح واشتغل مع عمو عبدالرحمن في السوق وكان بي زكائو بدخل مكاسب كبيره لي حاج عبدالرحمن وكان مبسوط منو شديد
لمن حسن وصل عمرو 25س كان بقي كبيير وواعي بس اولاد عبدالرحمن عمو كانو لسه صغار
عبدالرحمن عمل ليو توكيل عشان يقدر يتصرف لانو كان مرض وما قادر علي الشغل
وغي الفتره دي ام ناس عاصم حبوبة سيرين اتوفت اللي هي زوجت عبدالرحمن وخبر وفاته ده زاد المرض علي عبدالرحمن ونفسياتو بقت كعبه شديد
وشويه شويه عبدالرحمن المرض زاد عليو واتوفي
حسن استغله الفرصه لانو معاو توكيل رسمي من عمو انو يتصرف في الاملاك وده غير انو اولادو لسه صغار
واصحابو حرشوهو وباع اي شئ لي روحو وبقي هو المالك الوحيد للورث عبدالرحمن كلو وساب لي اولاد عمو البيت الهم عايشين فيو و معاو قطعة ارض بس
وشال الدكاكين الفي السوق وتلاته بيوت واراضي كتيييره ما ليها اولا ولا آخر
عاصم و عماد و عادل لمن كبرو وطالبو بي حقهم قال ليهم انو ما عندهم حق عندو والحاجان دي كلها عمله هو بي مجهودو
وهم كانو متاكدين انو ده حق ابوهم ومن هنا بدت نقطة الخلاف واتجرجرو في المحاكم و ما قدرو يثبتو حاجه
..........
يتبع
