عاصم: اها يا شيرين حاتنتظريو لبتين يعني ؟؟!!
سيرين: يا بابا انا متاكده انو حصلت ليو حاجه يستحيل ما يتواصل معاي بي ارداتو
عاصم: لو في ظروف منعتو من الجيه ما كان يضرب لينا يورينا يختنا في الصوره علي الاقل
سيرين: يا بابا الغايب عزرو معاو
عاصم: يا بت انا امثالك وكلامك ده ما بخشو راسي لو جاني زول وكويس طوالي بديك ليو
سيرين: يا بابا تاني حاتجبرني
سماهر: هووي يا عاصم بتي ما بتتجبر خليك عارف لو ما بي رضاها انا ما حاجبرا علي زول
عاصم: انا بجبرا اي مش كفايه خلت منظرنا زي السمسمه قدام الناس وقالت الا ادهم وفي النهايه ما لقينا منو شئ ادانا زومبه وطفش اسي تلقاو عايش حياتو بالطول والعرض ده كان ما عرس كمان
سماهر: برضو ما بجبر بتي علي زول هي ما دايراو مش كفايه الحصل ليها من ورا غصبانا ليها في اي حاجه
عاصم: كلمه واحده بقوله ليك ادهم ده تاني بعد ده كان جاني انا ما بديو بتي و منتهي
وطلع
سيرين بقت تبكي
سماهر: هوي انتي كمان الباكيه ليها شنو ابوك معاو حق
سيرين: بس يا ماما ما بتزوج واحد انا ما عايزاو
سماهر: اسمعيني هنا انتي حاتخلصي امتحاناتك بتين؟
سيرين: فاضل لي امتحانين بس
سماهر: خلصيهم وانا اسبوع كده ونسافر نمشي لي اخواني في دبي نغير جو مت الكتمه دي و نرتاح من نقت ابوك دي شويه
سيرين: بس يا ماما ادهم كان رجع؟
سماهر: ادهم شنو اكسر يدي دي من هنا كان ده ما مخطت من امو وابوهو عشان يبعدوه عنك
سيرين: معقول يا ماما؟!!
سماهر: اما مش قلت ليك لمن كان عايز يسافر الموضوع ده ما مطمني؟ منطقيها براااك يلا
سيرين: يبقي ادهم ما ليو زنب يا ماما
سماهر: ليو زنب ما ليو زنب دي ما شغلتنا المهم اسي خلينا نمشي نغير جو مع اخواني هناك انا بظبط امورنا لحدي ما انتي تنتهي
سيرين: طيب يا ماما
.................
ريفال عرفت انو حركة الشنطه الاتسرقت من ادهم دي مخططه من ابوها مع اصحابو وبقت عايزه تصل ادهم عشان توريو الحقيقه بس ما عارفه تصلو كيف
في النهااايه خشت غرفت امها بعد ما اطمنت انو امها خشت الحمام وشالت رقم ادهم في روسيا وطلعت مشت غرفته
تاني يوم ريفال مشت الجامعه ومن هناك اتصلت بي ادهم وحكت ليو بي أي حاجه وورتو انو ده كلو مخطط من امو وابوهو
ادهم: لاااا حولااااا لي يعملو كده امي و ابوي ديل ليي ما عايزين سعادتي اسي عمي عاصم برضو ما كان موافق بس فضل سعادت بتو علي سعادتو هو
ريفال: ده ما وكت تفكر فيو اتصرف تعال سيرين ما معروف الحاصل عليها شنو
ادهم: امشي كلميها يا ريفال وانا بتصرف ارجع سريع
ريفال: بابا مراغب خطواتنا يا ادهم ما بر اي حركه محسوبه علي
ادهم: خلاص تمام انا بتصرف
ويتبع.....
