د. نيرفان دقت الباب جاتم داخله و شايله النتيجه
د.نيرفان: معليش حاقطع ليكم ونستكم الظريفه دي
ادهم: اكيد بي وجودك حاتكون اظرف
د.نيرفان: تسلم كلك زوق
سماهر: اها يا بتي ان شاء الله النتيجه نضيفه طمنينا
د.نيرفان: والله ما عارفه اقول ليكم شنو لكن ع العموم الموضوع ما خطير شديد
ادهم وسيرين اتخلعو
سيرين: في شنو يا دكتورا انا عندي شنو
د.نيرفان: عندك اللتهاب وتكسر حاد في كريات الدم البضاء
سماهر: كدي يا بتي اشرحي لينا اكتر
د. نيرفان: طيب اول حاجه تشخيص المرض ده من الامور المعقده لانو اعراضو بتشبه اعراض التايفود و الملاريا و كده عشان كده تشخيصو صعب وما عرفو ليك في البدايه وانا طلبت منهم تشخيص دقيقه من المعمل حتي بعد داك اتعرف
ادهم: طيب املرض ده بصيب شنو بالضبط و نسبة خطورتو كيف
د.نيرفان: بصيب جهاز المناعه عند الانسان وايضا بعمل علي هتك الانسجه الدمويه هي خاله اشبه بتسمم الدم
ريفال: طيب يا دكتورا هو مرض خطيير يعني
د.نيرفان: هو فيو نسبه من الاخطوره اذا ما اتعالج بس اذا اتعالج ما فيو خطوره لكن اهمالو ده بزيد نسبة الخطوره
ادهم: وحانعالجو كيف
د.نيرفان: حانديها مضادات حيويه لحدي ما نعرف السبب الرئيسي للمرض وبعداك بنغير طريقة العلاج بنديها مضاد اسمو الكورتيكوستيرويد عشان نقلل من حده جهاز المناعه عندها ونوازن السكر الفي الدم
وعشلن ما يصل الكليه ويسبب ليها مشاكل في الكلي بس اهم حاجه انهت تنتظم في العلاج وتتغذي كويس واهم من ده كلو انو نفسيا تكون هادئه عشان العلاجات تمشي فيها كويس
سماهر: ووب علي يا بتي ده كلللو شايلاو ومتحمله😭😭
سيرين: انا كويسه يا ماما ياخ ما تعملي كده
د. نيرفان: يا خالتو ما تعملي كده احمدي ربك ده مرض مجرد ما تاخد علاجاتو خلاص بتبقي كويسه تعالي شوفي ناس السرطان و الايدز والفشل الكلوي ديل بتعذبو عذاب ما يعلم بيو الا ربنا
سماهر: الحمدلله يا رب علي كل حال
ادهم: طيب يا دكتوره ما احسن نسفره بره تتعالج
د.نيرفان: نشوف هنا معدل استجابته للعلاج كيف كان ماف استجابه انا براي حاقول ليك سفره برا
ريفال: حاتتابعي الحاله انتي يا دكتوره
د.نيرفان: ان شاء الله حاتابعه انا
ادهم: والله يا دكتوره ما قصرتي يديك العافيه يا رب
د.نيرفان: ويعافيك يا رب بس بعد ده لازم تطلعو لانو الزياره انتهت قبيييل وماف زول عارفكم هنا
سيرين مسكت يد ادهم : لا يا دكتوره ما تطلعي ادهم😢
د.نيرفان: والله علي عيني بس ما ينفع حبيبتي و عشان خاطرك وعشان خاطر انو ادهم جزء من علاجك انا حاديو بطاقه يقدر يدخل بيها في اي وكت
ادهم باسه في راسه وقال ليها: حبيبي خلاص انا بكره بجيك ما تخافي كل يوم حاكون معاك بس عشان اسي ما ينفع
سيرين: وعد انك حاتجيني بكره
ادهم: وعد يا روحي
سيرين فكت يدو
ريفال: غايتو نحن لينا الله ورقاد المظله لا زول بفقدنا ولا زول بخاف علينا😌
كلهم بقو يضحكو
سماهر: بكره انتي كمان يجيك نصيبك ان شاء الله و تفرحي
ريفال: ان شاء الله يلا يا سوسو مع السلامه بجيك تاني ان شاء الله
سيرين: ان شاء الله حبيبتي
وطلعو مشو بيتم
..............
بعد وصلو
لبني: تعالو لي هنا انتو الاتنين كنتو وين
ادهم: عليك الله يا امي انا مبسوووط خليني عليييك الله ما تعكنني علي
لبني: سبحااان الله البشوفك قبيل وانت وشك جايب اللوان ما يشوفك اسي احكو لي بالتفصيل مشيتو وين و عملتو شنو
ريفال: يا ماما ما مشينا حته لفينا بالعربيه وجينا بس
ريتال: يعني ما مشيتو المستشفي لي سيرين ؟؟!
ادهم: مشينا بس ما دخلونا عليك الله فضوها سيره وشوفو ليكم موضوع تاني
ايهم كان بلعب في البلستيشن
ايهم: ادهومي تعال اللعب ليك قيم معاي
ادهم بي حركه سريعه كده نطه من الكرسي ووصل ايهم وقال ليو: جيب جيب اليد التانيه الليله حاكفتك كفت صاح
ايهم: ههههه وييين معاك معلم ياخ
لبني بقت متحيرا ونفسها تعرف الحصل شنو
ويتبع
