لبني: ادهم قوم اصحي عاين لي هنا
ادهم وهو بغطي وشو بالغطاء : يا امي عليك الله خليني انا قافله معاي
لبني: طيب حاخليك كنت جايبه ليك خبر عن سيرين
بس مع قولة سيرين دي بلاي ادهم نطه وقف علي حيلو في ثواني هههههههههه الحب وجع قلب 💔
ادهم: قلتي شنو يا امي سسسيرين مالا ؟! الحاصل عليها شنو؟
لبني: ابوك قال لي سمع ليو كلام كدي
ادهم: كلام شنو يا امي عليك الله ما تحرقي روحي
لبني: قالو بقت خرساء صحي الكلام ده
ادهم اتخلع ونطت عيونو: شنو خرساء انتي كيف بتقولي عنها كدا يا امي
لبني: ده السمعتو انا اسي جيت اتأكد منك
أدهم: لا يا امي ماف كلام زي ده
وطوالي لبس هدومو وطلع و هو زااتو ما عارف نفسو ماشي علي وين .....
....................
سماهر حكت لي رنا الحصل سيرين
سماهر: اسي يا بتي هي قاعده جوه و الدكتورة النفسيه بتجيها كل كم يوم تقعد معاها مسااافه و تمشي
رنا بقت تبكي علي صحبته لمن بتتهند من البكي
سماهر: ما تبكي يا بتي الكاتبو ربنا حاتشوفو انا بكيت لااامن دموعي ديل نشفو
اسي كدي خشي ليها احتمال تتجاوب معاك
رنا وهي بتتنهد من البكي: لا يا خالتو انا ما بقدر اشوفه و هي في الحاله دي
سماهر: احسن تخشي ليها امكن تتجاوب معاك
رنا قامت علي ومشت علي باب الشارع وهي بتبكي وما شايفه قدامه اثناء ما هي طالعه اصتدمت بي خالد كان جاي يسلم علي سيرين
بس ما ركزت ليو في وشو وبقت ماشه في الشارع وهي ما عارفه روحه ماشه علي وين .......
....................
ادهم كان واقف بي عربيتو بعيد شويه من بيت ناس سيرين عسي ولعل يلقي ليو زول يطمنو
شاف رنا وهي طالعه من بيت ناس سيرين بس كان ظاهر عليها انها ما طبيعيه ادهم شافه كم مره في الجامعه مع سيرين عشان كده عرفه و طوالي نزل من العربيه وحصله
ادهم: يا رنا يا رنا يا رنا بس هي كانت ما سامعاو رجع علي العربيه وساقه ولحقه لمن وصله نزل وقفه
رنا: انت منو و عايز شنو
ادهم: انا أدهم يا رنا ما متذكراني
رنا وهي لسه العبرا خانقاها : كيفك يا ادهم تمام
ادهم: والله ما تمام يا رنا عايزك تطمنيني علي سيرين
رنا: طيب بس انا اتاخرت ممكن اديك رقمي واتصل علي بعدين
ادهم: اركبي انا بوصلك منها اختصر ليك الزمن ومنها تحكي لي الحاصل شنو
رنا اتردت في البدايه بس في النهايه ركبت معاو وبقت تحكي الحصل كلو لي ادهم
...........
لبني قاعده جات ريفال
ريفال: يا ماما ادهم وين
لبني: عايزه بيو شنو😏
ريفال: ادهم ليو كم يوم ما طلع من البيت و انا خايفه يكون عمل في روحو حاجه
لبني: لا ما تخافي ولدي عااقل
ريفال: طيب هو مشي وين
لبني: ما عارفاو انا كلمتو انو سيرين قالو بقت خرساء جن جنونو وطلع
ريفال بي خلعه: شنو شنو بقت خرساء كيف الكلام ده
لبني: كيف ما عارفه و ما تسأليني و احسن زاتو عشان ادهم يقتنع ويخليها اخر الزمن كمان اعرس لي ولدي وحده خرساء
ريفالبي زعل: ليي يا امي قلتي ليو كده
لبني: اي لازم يعرف عشان يصرف نظر عن البت دي فرصه وجات لحدي عندي
ريفال: انتي مش وافقتي بيها وقررتي تساعدي ادهم انو يتزوجه
لبني: اي صاح بس ده كلو عشان ادهم ما ينفسن انا اصلا ما عايزاها لكن بعد ده ادهم حايسيبه وهو مقتنع
ريفال: غايتو يا ماما الله يهديك بس
لبني: هوووي يا بت انتي عايزه تديني محاضرا في الاخلاق ولا شنو.
بهناك ادهم سمع الحكايه من رنا وكان متاثر جدا وحسه بالذنب وحمل نفسو مسؤولية الحصل ليها ده
أدهم: لا حولاااا انا ما قايل الامور حاتطور كده يا الله اعمل شنو انا اسي
رنا: انا شايفه انك تبعد منها يا ادهم سيرين بتتعذب بي سبب قربك منها اي نعم انتو بتحبو بعض بس حبكم ده بقي سبب عذابكم انتو الاتنين سيبو بعض وكل واحد يشوف حالو
ويتبع......
