ادهم: اها الحقيني بيو سريع
ريفال: انا عندي رقم خالتو سماهر نتصل عليها و نعرف الحاصل شنو
ادهم: بس انتي عارفه خالتي سماهر شايله معانا تقيل
ريفال: اي عارفه بس انا ما حاكلمه انو انا ريفال بقول ليها انا صحبة سيرين بس
ادهم: بس ممكن تفرز صوتك
ريفال: لا ما اظن لانو ما حصل اتكلمت معاها انا من كنا صغار
انت ما عارف اسم وحده من صحبات سيرين؟
ادهم: اي عندها صحبته اسمه رنا
بس ما تتصلي من رقمك اصبري انا عندي شريحه جوه الدولاب فيها رصيد اتصلي منها
ريفال: حلو جيبه يلا سريع
ادهم مشي جاب الشريحه وجاء طلع شريحتو وركب الشريحه التانيه
ادهم: روووفه ياخ است الشئ و اي شئ ما عارف اودي جمايلك وين؟؟
ريفال: بطل بكش يلا جيب سريع عشان نعرف الحاصل شنو انا وراي قرايه والله
ادهم: امشي جيبي تلفونك ماسفت اعبي الكرت ده
ريفال مشت جابت تلفونه وجات شالو رقم سماهر واتصلو وفتحوه اسبيكر
سماهر: الوو
ريفال مع محاوله منها لتغير نبرة الصوت: الوو السلام عليكم
سماهر: مرحب بيك منو معاي
ريفال: انا رنا صحبة سيرين كيف يا خالتو سماهر
سماهر: أحمد الله كوييسه يا بتي انتي كيف واهلك ان شاء الله كويسين
ريفال: الحمدلله كويسين
ريفال: يا خالتو انا بتصل علي سيرين و كا بترد علي خير ان شاء الله مالا
سماهر: والله سيرين مرقده في المستشفي عيانه شويه
هنا ادهم نطط عيونو بس طبعا ما قادر يتكلم
ريفال: سلااامته ان شاء الله مالا
سماهر: والله يا بتي اتناقشت مع ابوها و ود عمها وجاته زي حالة انهيار عصبي كده و اغمي عليها
اسي مرقدنها لسه نايمه منتظرنها تصحي
ريفال: لاا حولااا ربنا يشفيها ان شاء الله
سماهر: ان شاء الله
ادهم اشر لي ريفال بي انها تواصل في المكالمه وتعرف الحاصل شنو
ريفال: مالا يا خالتو اتناقشو معاها في شنو وصله للدرجه دي
سماهر: حايكون شنو غير موضوع زفت الطين داك مش هي حاكيه ليك؟؟
هنا ريفال كتمت الضحكه🤭 وادهم اتغاااظ
ريفال: يعني لسه هم ما موافقين
سماهر: اي ما موافقين وقالو عايزين يقلوها لي ود عمها
