رنا: انا شايفه انك تبعد منها يا ادهم سيرين بتتعذب بي سبب قربك منها اي نعم انتو بتحبو بعض بس حبكم ده بقي سبب عذابكم انتو الاتنين سيبو بعض وكل واحد يشوف حالو
أدهم: انتي كيف بتقولي كده انتي ما عارفه قدر شنو انا بحب سيرين والا ما كان قلتي كلامك ده
رنا: انا بقول كده عشان مصلحتكم
ادهم وهو متعصب: مصلحتنا اننا نكون مع بعض يا رنا ما اننا نبعد من بعض واسي دي ما مشكلتي انا همي كلو انو سيرين تبقي كويسه و تتكلم وترجع زي زمان بعداك يحلها الف حلال
رنا: ربنا يلطف بيها يا رب
ادهم : انتي شفتيها؟!
رنا: لا ما قدرت اشوفه وهي بالحاله دي
ادهم: طيب ممكن اطلب منك طلب
رنا: اتفضل
ادهم: ممكن كل فتره تمشي تزوريها وتطمنيني عليها لانو انا تاني ما عندي منفذ غيرك انتي
رنا: ان شاء الله بحاول امشي ليها
وهنا كانو وصلو
ادهم: علي فكرا انا اسف لانو خليت اختي اتصلت بي ام سيرين وقالت ليها انها انتي عشان كنت عايز اتطمن علي سيرين
رنا: اهاااا اي اي عرفت ع العموم ما مشكله
ادهم: شكرا ليك ما قصرتي ممكن تديني رقمك
واتبادلو الارقام و رنا نزلت مشت بيتم بس ادهم بقي قاعد مساافه يفكر يحل المشكله دي كيف!!!!
خالد قاعد ما خالتو سماهر بس سماهر كارهاو لانو مدا يدو علي سيرين وضربه
خالد: سيرين بقت كيف اسي يا خالتو سماهر
سماهر: كويسه الحمدلله😏
خالد: والله انا اسف يا خالتي سماهر لاني ضربت سيرين في وكت زعل بس هي استفزتني لمن علت صوته علي
سماهر بي زعل: اسمعني هنا انت ما مسؤول من سيرين ولا عندك حق انك تمد يدك عليها وتاني لو اتكررت ما تلوم الا نفسك
خالد: يا خالتي سماهر سيرين دي اختي كيف ما مسؤول منها البمسها بمسني انا بس انا غلطته لمن مديت يدي عليها و ان شاء الله تاني ما يتكرر
سماهر: الاخ بقعد مع اختو وبتفاهم معاها و يوريها غلطه من غير ضرب مش يملطش فيها يمين و شمال ويقول اختي
خالد: معليش انا اسف
سماهر: ما دام الاسف تشرب شنو😏
خالد: لا خليها مره تانيه ان شاء الله وبلغي اعتذاري لي سيرين
سماهر: ان شاء الله شرفت
خالد مشي وسماهر دخلت علي سيرين لقته بتتالم وماسكه بطنها
سماهر: سجمي يا بتي مالك
سيرين ما بتتكلم
سماهر لبست توبه وجرت تحصل خالد وخالد ما كان مشي بعيد وجاها جاااري
خالد: في شنو يا خالتي سماهر مالك
سماهر وهي مخلوعه: الحق سيرين يا خالد ما عارفاها مالا
خالد جرا علي الغرفه ولقي سيرين بتتالم و العرق نازل منها
وهبشه لقه جسمها موولع من السخونه جرا وقف امجاد وشالو سيرين وعلي المستشفي طوالي ودوها قسم الطوارئ..
........
ادهم رجع البيت لقي ريتال و ريفال ولبني قاعدين منتظرنو ومقلقين عليو بس هو كان باين عليو انو ما كويس
لبني: ادهم كنت زين انت قلقتنا عليك
ريتال: ده شنو يا ادهم كان تضرب لينا تطمنا عليك علي الاقل
بس ادهم ما رد علي وحده فيهم وطوالي طلع غرفتو وريفال طلعت وراهو وثبتت ناس انو ما يحصلوها امها قبل ما تطلع ليو
ريفال: ادهم الحاصل علي سيرين شنو وصحي الكلام القالتو ماما ده
ادهم: والله يا ريفال مصدع البندول وين
ريفال مشت غرفته وجابت بندول ونزلت شالت مويه وطلعت ليو
ريفال: اهو البندول وريني الحاصل شنو علي سيرين كلام ماما صاح ولا شنو يا ادهم اتكلم
ادهم: ما بالضبط كده يا ريفال سيرين فقدت النطق لكن ما بقت خرساء زي ما امي قالت امي وانتي عارفه طريقة تفكيره كيف
ريفال إتأثرت لي سيرين: مسكينه ياخ يا حليله .. بس الموضوع ماشي في تطور ولازم يتحسم يا ادهم عشان كلو جاي علي راس سيرين المسكينه دي
ادهم: مشكلتي انا مكتف يا ريفال ما قادر اعمل حاجه وريني بي يدي شنو بس اعملو وما عملتو
ريفال: لا بي يدك كتير يا ادهم الموضوع كلو في يدك انت
ادهم: كيف في يدي وريني
ريفال: طيب انا بوريك تعمل شنو
ويتبعع
