سيرين مشت المطبخ لقت امها ما اتكلمت معاها فتحت التلاجه وشالت ليها جبنه و مربي حشت و طلعت وامها مستغربه فيها
دخلت غرفته وامها جات وراها
سماهر: يا بت مالك انتي جنيتي
سيرين: مالي يا أمي
سماهر: مالك ما بتتكلمي معاي وحابسه نفسك الاربعه وعشرين ساعه جوه الغرفه
سيرين: لا ماف حاجه يا ماما بس زهجانه شويه
سماهر: زهجانه ولا زعلانه علي التافه الاسمو ادهم ده
سيرين: يا ماما ليي بتقولي عليو كده ما حصل يوم غلط عليك
سماهر: شوفي يا بت هوووي انا اي زول يجي من ناحيتم بكرهو وبعدين تعالي هنا انتي لو عرستي ادهم ده حايقعدك مع امو؟ والله ارميك البحر ولا اديك لي لبني
سيرين: يا ماما خلاص اقفلي الموضوع ده لانو اصلا ما حانتفق
سماهر: هو زاااتو عندو شنو عشان يعرس بيو الا كان قروش ابوهو دي من اتخرج قاعد زي العمل الرضي كده
سيرين: طيب يا ماما ربنا يسهله عليك الله اقفلي الموضوع ده
سماهر: ما بقفلو الا لمن تختنعي بس اسي انا ماشه عند خالتك سوسن جارتنا دي اقفلي الباب كووييس عليك اوع تفتحي لي زول انا معاي مفتاح
سيرين: حاضر يا ماما
......................
تعالو نتكلم شويه
اكتر شئ مؤلم انك بتكون حياتك مرهونه علي الناس وعلي الماضي ... اكتر شئ يوجع قلبك انك مرات بتكون بتتقطع من جوه و بتتعذب والعذاب ده كلو لي حاجه انت ما ليك يد فيها
والله اكعب عذاب في الدنيا هو عذاب الحب صدقوني ماف اوجع منو
بتلقي نفسك في دايره مقلغه وبتلفي حولين نفسك
بالنسبه للبنات غالبا قلبهم البتحكم فيو بمعني
انها حبت واحد بتتقاضي عن حاجات كتيره جدا وما بتشوف عيوبو وبتديو العزر لي أي شئ وحاجات ممكن تأثر عليها اذا اتزوجتو بس العقل هنا بكون في خالو سبات تااام والقلب هو الشغال
نحن بنعترف اننا عاطفيين زياده عن اللزوم بس لو حكمنا عقلنا بنشوف حقايق كتييرا غايه عننا
اسي في روايتنا دي سيرين عقلها غايب والقلب هو الحاضر لأنو لو فكرت شويه كان شافت خالتو لبني و عدم راضاها للزواج وانو هي مفروض عليها تتعايش معاها اذا بقت نسيبته
هل هي حاتكون مرتاحه وهل اخوات أدهم حايتقبلوها وسطهم و يرحبو بيها
دي كلها تساؤولات لو هي فكرت فيها كويس حاتعيد حساباته تانيه...
نرجع للروايه
بعد سماهر طلعت سيرين قعدت تفكر في كلام امها بس برضو حبها لي أدهم كان اقوي من اي حاجه
أدهم اتصل تاني
ادهم: اها اكلتي
سيرين: اي الحمدلله
ادهم: طيب الحمدلله تاني ما تجوعي نفسك
سيرين: حااضر
سيرين: ادهم انا عايزه أسألك سؤال
أدهم: اسألي
سيرين: نحن لو اتزوجنا حانقعد وين؟
أدهم: والله يا سيرين ما فكرت في الموضوع ده
سيرين: طيب خالتو لبني ممكن تتقبلني وسطكم
ادهم: ان شاء الله خلي كل حاجه لي اوانه
سيرين: .....
ويتتبع....
