ادهم: اها قولي
ريفال: اول شئ لازم نشخص مرض سيرين بالضبط هو شنو
ادهم: كيف نشخصو يعني نعمل شنو
حانجيب طبيب نفسي بمعرفتنا نحن ونقنع بيو عمي عشان يشخص لينا حالة سيرين بالضبط هي شنو
ادهم: كيف نقنع بيو عمي وحاندخلو بيتم كيف قولي كلام منتطقي ياخ
ريفال: هنا بجي دور رنا صحبت سيريين
يلا الدكتور ده حايكون همزة وصل بينا وبين سيرين
ادهم: يا ريفال سيرين بقت زي الما واعيه انتي مقدره الحاله الهي فيها
ريفال: ياخ انت ما تستعجل اصبر شويه
ادهم: اعا طيب قولي عملنا ده كلو بعداك البحصل شنو
ريفال: الدكتور الحانجيبو ده يقنع عمي عاصم انو ما يعاند سيرين في اي حاجه وانو ما يجبروها علي حاجه عشان تستعيد ثقته بي نفسها
وبي كده تكون الامور ظبتط😉 فهمتني؟!
ادهم: تفتكري انها ممكن تنجح
ريفال: الما بخليها تنجح شنو
واهم شئ انو حايكون همزة وصل بينك و بين سيرين
ادهم: والله فكرتك حلوه بس كدي خليني ارتب الموضوع في راسي كويس 🤔
ريفال: تمام
سيرين رقدوها المستشفي تاني واتصلو علي ابوها و اعمامه و جو جارين المستشفي عاصم لقي بتو تعبانه وحزن عليها شديد لانو شايفه بتتالم و ما قادر يعمل ليها حاجه
مشي الجامع وبقي يصلي و يدعي ليها و دموعو نازله وبقي يتزكر لمن كان بضربه ويكورك فيها عشان كانت بتقول عايزه ادهم وكيف كان بثور و ما بحس بي نفسو ولمن يجي بالليل يمشي الحمام يسمع صوت بكاها بس ما كان بشتغل بيها
واخر مره لمن جراها من شعرا و رماها في الارض
حسي بي نفسو انا كان قاسي عليها شديد وانو هو السبب في في انها توصل للحاله وانو دي ودي بتو الوحيده وهو كده بفقد فيها واخد ليو غفوه كده
وفجأه حسي بي يد بتربت علي ضهرو اتلفت لقي امام المسجد شيخ كبيير زول وقوور كده
الشيخ: خير يا ولدي مالك
عاصم: يا ابوي الشيخ انا ممكووون وقلبي ملاااان يا شيخ انا بين نارين ما عارف اعمل شنو؟!
الشيخ: لا حول ولا قوة الا بالله صلي يا ولدي صلي قدر ما تقدر واستغفر كتير و ارمي حمولك علي ربك هو قادر يزيح عنك كل هم
عاصم: ونعم بالله يا شيخ ونعم بالله
وبقي يبكي....
الشيخ: البكي ما برجع الفات بس انت حاول حصل الباقي قبل ما تفقد اي حاجه
عاصم عاين ليو كده وقال ليو: بتي يا ابوي الشيخ انا حافقد بتي الوحيده
الشيخ: بتك محتاجه دعاك صدقني و محتاجاك انت اكتر واحد حسسه بالامان حسسه انك في ضهرا و انك سندا مش تقسم ليها ضهرا النص
بتك محتاجه ليك تكون معاها ما ضدها فتح عيونك و احسبه صاح ارمي الماضي وراك عشان تشوف المستقبل طووول ما الماضي قدامك المستقبل ما حايظر ليك
عاصم سرح في كلام الشيخ
عاصم: بس يا ابوي الشيخ هي عايزه تتزوج ود ود عمي و ود عمي ده اكل حقوقنا وخلانا مشردين سنيين و سنين
الشيخ: دي كلها حاجات دنيا قال تعالي (انما المال والبنون فتنه) عاين قدامك و شوف مستقبل بتك و زيح الغشاوه من عينيك
عاصم : ادعي لي يا ابوي الشيخ ادعي لي ربنا يفرج همي
الشيخ: رببنا يفرج همك يا ولدي و ييسر امرك ويحفظ زوجتك و بنتك
وخته يدو علي راس عاصم و قال:
(اللهم انه عبدك جاء اليك مهموما و مغموما و خاشعا تائبا اسألك بإسمك العظيم الذي اذا دعيت به اجبت ان تفرج همه و غمه و ترزقه من حيث لا يحتسب انك انت الغفور الرحيم).
عاصم دنقر راسو وبقي يبكي ولمن رفع راسو ........
..................
رنا اتصلت علي خالتو سماهر عشات تطمن علي سيرين و عرفت انو سيرين تعبت وودوها المستشفي طوالي اتصلت بي ادهم و كلمتو
ادهم لبس هدومو ونزل من غرفتو وعيونو مليانه دموع لاقي امو واخواتو تحت
لبني بي خلعه: في شنو يا ادهم مالك
ادهم ما رده عليهم بس امو اصرت تعرف
ادهم و هو منفعل: سيرين يا امي سيرين
لبني: وووب علي من سيرين الجننتك و خلتك ما شايف غيرا دي
ريفال: با ماما ما وكتو سيرين مالا يا ادهم
ادهم: تعبت وودوها المستشفي
سيرين لازم تسافر تتعالج برا هنا ما قادرين يشخصو مرضه
ريتال: ادهم انت ما حاتقدر تسفره الكلام ده يقولو عمي عاصم ما انت
ادهم .......
ويتبع....
