د.نيرفان دخلت جوه واخدت خالتو سماهر علي جنب وشرحت ليها
سماهر: يعني اسي هم قاعدين برا يا دكتورا
نيرفان: اي قاعدين برا
سماهر: لكن كان عاصم عرف اني عملت كده من وراو ما حايخليني
نيرفان: ما حايعرف و غير كده سيرين محتاجه ادهم انا عايزه اعرف هي حاتتجاوب معاو ولا لأ لانو قريب شهر ما شافو بعض
سماهر: سمح يا بتي لمن نشوف اخر الموضوع ده
د.نيرفان: ههه لا كل خير ان شاء الله
وطلعت نادت ريفال و ادهم
ريفال دخلت اول و وراها ادهم
ريفال: اذيك يا خالتو كيفك تمام
سماهر: اهلا 😏 كيف يا بتي قولي لي عمتو احسن
ريفال كتمت الضحكه: طيب يا عمتو
ادهم دخل وطوالي مشي علي سيرين ما شاف زول تاني غيرا ولقاها بتعاين في اتجاه واحد
ادهم بقي يعاين ليها و دموعو جاريه شافه وهي منتهيه ولونه قلب وضعفت وهالات حول عيونه بس اتمالك نفسو وقشي دموعو ومسك يدها واتكلم معاها
ادهم: سيرين حبيبتي عايني لي انا ادهم
سيرين ما اتجاوبت معاو ولا اتحركت
ادهم: عايني لي يا سيرين عليك الله ما تسكتي كده انا ادهم يا سيرين اتكلمي معاي انا اشتقت اسمع صوتك
سيرين: .........
ادهم: سيرين احكي لي احكي حصل ليك شنو ابكي كوركي اعملي اي حاجه بس ما تسكتي كده
طيب تتذكري لمن كنت بوديك المول ونتسوق ونتفرج علي الحاجات وتقولي لي ما تعاين للبنات
ولمن مره مشينا الحديقه زعلتي مني عشان انشغلت بالتلفون منك وقلتي تاني انا ما حامشي معاك اي حته وانا قعدته اراضي فيك لمن رضيتي عضيتيني في يدي وقلت لي عشان تاني ما تتكرر
وبقي يبكي ويتكلم
طيب اتكلمي معاي يا سيرين قولي اي حاجه ان شاء تضربيني زاتو بس ما تسكتي كده انا بتعذب لمن اشوفك كده
طيب احكي لي الحصل عليك شنو لمن اخر مره نزلتك في البيت و مشيت احكي فضفضي بس اتكلمي عشان ترتاحي حبيبتي
سيرين اتاكدي لو حصلت ليك حاجه انا ما حارحمم والله ما برحمم بس انتي ابقي لي كويسه و انا تاني ما عايز شئ من الدنيا دي 😭😭
سماهر و ريفال و د. نيرفان كانو ببكو معاو واتأثرو شديد
سيرين دموعه بقت تنزل بس برضو من غير ما تتحرك
ادهم : لا يا سيرين ابكي بس بي صوت ما تكتمي في قلبك عايني لي في عيوني يا سيرين انا عارف انك بتقدري تتجاوزي محنتك دي
سيرين لو وجودي فحياتك حايعمل ليك مشاكل انا مستعد اطلع من حياتك بس انتي ابقي كويسه وانا حاعصر علي قلبي واخليك و ما اقرب منك تاني بس شرط انك تبقي لي كويسه لي انا و بس يا سيرين اخر طلب اطلبو منك ابقي لي كويسه وانا تاني ما حاقرب منك
سيرين سيرين ردي علي
دكتورا نيرفان غمزت لي ادهم وقالت ليو : ........
ويتبع
