لبني قاعده في غرفته وبترتب في دولابه جات ريتال قااشره وطالعه
ريتال: ماما اديني قروش طالعه مع صحباتي
لبني: صحباتك منو؟
ريتال: ابتهال و يسرا ماشين نتعشي في شيكانو
لبني: بنات برااكم كده تطلعو ده كلام شنو ده هووي يا ريتال ادهم لو عرف ما حايرضي و حايعمل مشكله عليك الله بطلي طلعاتك الكتيرا دي
ريتال: اوووفف اي حاجه ادهم ادهم كرهنا زاتو ادهم ده ياخ
لبني: يا بت ما تقولي علي اخوك كده كلها يومين و تشتاقي ليو تاني
ريتال: لي اشتاق ليو اذا قاعد معاي في البيت الاربعه و عشرين ساعه جنس غايتو😏
اللحظه دي ريفال فقدت شاحن الابتوب بتاعه وجايه لي ريتال عشان تسأله وسمعت كلام امها مع ريتال بس ما استعجلت و دخلت وقفت تسمع فيهم
لبني: ابوك قال حايسفرو
ريتال: يسفرو وين ولشنو
لبني: حاوريك بس اياااك تكلمي اختك مكسوفت الرقبه ديك
ريتال: طيب ما بوريها
لبني: ابوك قال حايسفرو روسيا لحدي ما بت عاصم دي تقنع منو نهااائي وتعرس بعداك برجعو
ريتال: كيف الكلام ده يا ماما وحايقنع ادهم كيف
لبني: ادهم ما عارف حاجه ابوك مفهمو انو هو عندو حاجات مفروض يستلمه ليو ويرجع طوالي بس مفهم اصحابو هناك انو يقعدوهو ويشغلوهو معاهم
ريتال : واااااو بابا ده Very Clever
لبني: يعني شنو Very Clever دي؟ يا بت هيي اوع تكوني بتنبذي في ابوك يا قليلة الأدب دي اخرت الدلع
ريتال: ههههه لا يا ماما Very Clever يعني زكي جدا
لبني: ايوااا كان كده خلاص
ريفال: اتخلعت من ملامم ومشت غرفته من غير ما تتكلم ولا تقول حاجه
................
سماهر: عاد بعد كلام الشيخ ده يا عاصم حقو توافق علي ادهم واسعد بتك انا زااتي لا بدور لبني ولا بدور حسن بس عشان سعادت بتي بس انا حاوافق
عاصم وقف علي حيلو: والله يا سماهر ما عارف استخرت كم مره خلاص لو بتعرفو ليو تلفون كلمو خلي يجي يقابلني والفيها خير ربنا يقدمو
سيرين فرحت وقامت نطت من السرير وحضنت ابوها وقالت ليو: ربنا ما يحرمني منك يا رب
عاصم اتخلع وقال ليها: يا بت انتي يعني كنتي منتظره اني اقول كده عشان تنطقي
سماهر: هههه الفرحه تنطق الحجر
سيرين: والله يا بابا ما بقدر اعيش من غيرو ربنا يفرحك زي ما فرحتني
عاصم:ههههه اميين جمعا و ربنا يفرحك دوام يا رب
وطلع اتصل بي عماد و عادل وقال ليهم تعالو
عماد و عادل جو وقعدو في الصالون و عاصم كلمم بي قرارو عماد اتضايق جدا
عماد: ده كلام شنو ده يا عاصم ده وعدك لي انت مش قلت بي عضمت لسانك انو بتك تجدعه البحر ولا تديها لي ود حسن
عاصم: يا عماد براك شفت بتي لمن منعت الزواج وحرمتها من الجامعه حصل ليها شنو اسيبه تموت يعني
عماد بي غضب: ماف حب قتل لي زول حب شنو وكلام فارغ شنو البرقد مستشفي ده كل ده دلع بنات ساي
ويتبع.....
