صباحات الله بي خيرا .....
سماهر من صحت الصباح عاصم ضرب ليها
عاصم: سيرين لصبحت كيف
سماهر عاينت لي سيرين وقالت: والله لسه يا عاصم الحال في حالو ادعي ليها بس
عاصم: لا حول ولا قوة الا بالله كدي انتي عايزه حاجه قبل ما اجيكم لانو مواعيد الزياره لسه ما جات
سماهر: لا ما عايزين حاجه سلامتك بس
عاصم: خير ان شاء الله مع السلامه
سماهر: مع السلامه
سيرين: لي يا ماما ما طمنتيو وقلتي ليو انا بقيت كويسه
سماهر: اوووعك تكلميو ابوك هسي ضميرو قاعد يصحي وبقي بحاسب في نفسو وحاسي بالذنب اتجاهك لو عرف انك بقيتي كويسه كانك يا زيد ما غزيت حايرجع زي اول و حايرفض ادهم
سيرين: كيف يعني يا ماما
سماهر: يعني اسي عشان انتي تبقي كويسه هو مستعد يعمل اي حاجه فهمتيني
سيرين: اهااا فهمت
هم بتكلمو كده ادهم اتصل بي خالتو سماهر و صبح عليها و سأله من سيرين و طمنتو وادتو سيرين
سيرين: ادهم
ادهم: حبيبي انا
سيرين: لي اتاخرت علي كده
ادهم: اديني ربع ساعه بالكتير و اكون معاك
سيرين: اي بس ما حايدخلوك لانو وكت الزياره ما جاء
ادهم: لا انا عندي بطاقه ادتني ليها د.نيرفان بدخل بيها
سيرين: طيب كويس لانو بابا لسه ما جاء ما عايزاك تتصدم معاو
ادهم: انا حامشي قبل ما هو يجي
سيرين: علي فكره ما ما مورتو اني اتكلمت وبقيت كويسه
ادهم: ليي
سيرين ورت ادهم بالحصل والكلام القالتو امها و اتفق معاهم في الراي
أدهم بعد ما قفل من سيرين لبس هدومو وشال مفتاح العربيه وجاء نازل لاقي امو واخوانو بشربو في الشاي بالكيك
لبني: خير مالك قاشر كده ماشي وين
ادهم: لي سيرين
لبني: يا ود انت عايز تجنني سيرين دي بقت خرساء يعني تاني ما ينفع تتزوجه
ادهم: يا امي انا اسي كنت بتكلم معاها دي اشاعات ساي
لبني: هي لكن يا ......
ادهم ما اشتغل بيها و طلع
لبني: ادهم يا ولد انا بتكلم معاك
ادهم ركب عربيتو وفااات
لبني بقت تكورك وتجوط : شفتو الولد القليل الادب ده انا يتجاهلني كده اصبر لي يا ادهم كان ما أدبتك ما ابقي لبني سيف الدين
ريفال: يا ماما ....
قاطعته: انتي بزات ما تتكلمي معاي انا كارهاك من امس وكت ابيتي تحكي لي الحصل شنو معاكم زحي مني كده
وشالت طرحه وربطته في راسه🤕 وبقت تندب حظها: كررر عليييك يا لبني يا الربيتي و كبرتي و علمتي وتجي بت مفعوصه زي بت سماهر دي وتخلي ولدك زي المجنون لا وكمان يتجاهلني!!!انا لبني سيف الدين اللمن اتكلم مع رجال بي شنبات يقيفو ويضربو لي تعظيم سلام يجي ولدي المن بطني يتجاهلني كده 😭 ووووب علي انا ووب علي احي راسي عايز يتفجر🤒🤕 الحقوني الدكتور البندول وينو واااي انا
ريتال: يا ماما قولي بسم الله ما تعملي كده الموضوع ايزي يعني ما خطير
لبني: انتي العرفك شنو انو ما خطير العرفك شنو انتي ياختي انتي خليك في ايزي و ريلاكس والكلام الفارغ بتاعك ده انا ولدي يتجاهلني كده انا بت سيف الدين يتجاهلني كده اصبر لي يا ادهم
ايهم براحه كده مع ريفال : اوووف ياخ شكلها الدراما بتاعت امي بدت
ريفال: ههه اي اي غايتو ماما دي الله يهديها ساي ارح نطلع فوق ساعه كده و بتهدا
ايهم: فوق شنو انا طالع خالي ليكم البيت ده كلوكلو اصطفلو مع بعض
ريفال: بختك والله😢
لبني انتبهت ليهم و بي هرشه كده : يا بهايم انتو بتتهامسو في شنو
ايهم: احححم لا لا بس قلت ليها ماشي الجامعه عندي كم حاجات عايز اصوره
ريفال: اي قال كده وانا عندي مزاكره والله ماشه ازاكر يا ماما
لبني: امشو يا ام قلوبن ميته دي اخرت تربيتنا وتعبنا
😂😂😂😂
ادهم وصل المستشفي وقبل ما يخش علي سيرين دخل لي د.نيرفان قعد واتكلم معاها
ادهم: طيب يا دكتورا العلاج بياخد زمن
د.نيرفان: لا ما كتير انا بس محتاجه نتيجة الفحص الاخير واديها علاجات بالوريد وبعداك بطلعه بس اهم شئ الراحه النفسيه
ادهم: طيب عايز منك حاجه تانيه معليش كترت عليك
د.نيرفان: لا ياخ معقول تحت امرك
ادهم: تسلمي ياخ بس ما عايزك توري عمي انو سيرين بقت كويسه
د.نيرفان: اووكي اوكي قبيل خالتو سماهر شرحت لي
ادهم: طيب حاجه تاتيه كمان لازم تفعمي عمي و اعمامي انو لازم ينفزو ليها اي حاجه و ما يعرضوها لي ضغط نفسي اكدي عليهم في الموضوع ده
د.نيرفان: حاااضر
ادهم: يحضر ليك الخير ان شاء الله يلا انا امشي اشوف الزوله دي
د.نيرفان: اتفضل
ادهم مشي لي سيرين ودقي باب الغرفه و ماف زول رده تاني دقه الباب برضو ماف زول رده فتح الباب ولقي........
يتبع........
