لبني و حسن اتصدمو من كلام ادهم وما مفتكرين انو دي تكون ردت فعلو
ادهم ما نزل شنطتو طلع فوق لالم باقي حاجاتو وطلع لبني قعدت تبكي وتولول وتلوم في حسن
لبني: شفت شفته اخرت عمايلك اها خسرناو خسرنه ادهم يا حسن ان شاء الله تكون انبسطته
حسن كان متوتر وما اتكلم طلع من البيت واتصل علي مدثر واتشاكل معاو
.......
ادهم مشي قعد مع واحد صحبو مؤجر شقه قال ليو انا حادفع معاك الايجار بالنص بس صحبو اسمو اسامه قال ليو بعد ما تشتغل ادفع معاي اسي اقعد سااي و ما بيناتنا
ادهم انبسط شديد من صاحبو وقال ليو: انا عارف المثل البقول (كان اخوك عسل ما تلحسو كلو) بس انا طمعان فيك انك تساعدني القي شغل كويس
اسامه: تفتش شغل ليي انا عندي شركه هندسيه بديته يادووب تشتغل معاي فيها انا بي راس المال وانت بي مجهودك
...........
ادهم ما فضل ليو الا يعرف سيرين الحاصل عليها شنو
في يوم مع المغرب كده مشي بيت ناس سيرين وبقي يدق في الباب بس ماف زول فتح عايز يركب عربيتو كده ويرجع شاف عاصم وقف عربيتو طوالي مشي عليو
ادهم: يا عمي
عاصم: مرحب
ادهم: ليي السلام المسيخ ده انا جاييك في بيتك
عاصم ما رده عليو وبقي يفتح في باب بيتو
وفتحو ودخل وادهم دخل وراو
ادهم لاحظ انو البيت فااضي لانو الانوار كلها كانت مطفيه عاصم فتح النور وقال ليو: اتفضل
ادهم قعد وعاصم شغل المكيف وقعد الكرسي المقاصد ليو
عاصم: خير
ادهم: خير يا عمي وين خالتي سماهر و سيرين؟
عاصم: وعايز بيهم شنو؟ انت كلامك معاي انا ما معاهم هم
ادهم: في شنو يا عمي انا قبل ما اسافر انت كنت معاي كويس الحصل شنو
عاصم: وكمان بتسأل؟! انت مشيت وقلت عدو لي ليي ما سالت ولا وريتنا الحاصل عليك شنو قلت اسبوع بالكتير وتاني اخبارك انقطعت مننا وعايزني اكون زي اول
ادهم: انت ما عارف الحصل لي شنو هناك انا يستحيل اعمل كده ساي
عاصم: ولا عايز اعرف ده شي بخصك انت لانو انت عارف كويس انو انا اصلا ما اضيان بيك بس عشان خاطر بتي رضيت وفي النهايه ختيتني في موقف بايخ بقينا ما عارفين بتنا دي مخطوبه ولا مرهونه ولا انت زاااتك عايش ولا ميت ولا الحاصل شنو
ادهم: يا عمي انا اسف والله ما كده بس.....
قاطعو
عاصم: بعد ده خلاص تاني ما بنفع اسف انا اديتك فرصه وانت خزلتني واسي سيرين اتخطبت لي ود خاله امشي شوف ليك بت تانيه غيرا و غشها واكسر قلبه
مهمتك مع سيرين تمت بنجاح
