نريفان: خير ان شاء الله
ريفال: عندنا بت عمنا راقده هنا في امبريال ما قادرين يشخصو حالته عايزاك تشوفيها وتكشفي عليها بي نفسك
نيرفان: بس كده طواالي حبيبتي غاليه و الطلب رخيص بس هي ماله
ادهم: سيبيني المره دي انا احكي يا ريفال
نسيب ادهم يحكي ونشوف سيرين الحاصل عليها شنو
عاصم و عماد و عادل و خالد قاعدين في المستشفي و زعلانين عليها و ما عارفين يعملو شنو
عادل: اسمع هنا يا عاصم لازم نسفرا البت دي ما بتقعد هنا
عماد: اي احسن سفرا و منها تبعد من ود حسن ده وتنساو بالمره
خالد: لا يا ابوي ما تبعدوها منو
كلهم عاينو ليو
عماد: ده كلام شنو ده يا ولد
خالد: ما تستغربو من كلامي صدقوني سيرين دواها أدهم
عادل: الله يكملك بي عقلك يا ولدي
عاصم: والله انا متحير ما عارف الصاح وين!!
خالد: صدقوني يا جماعه والله سيرين دي دواها ادهم لو عايزنها تبقي كويسه زوجوها لي ادهم لو عايزين تخسروها ابعدوها عنو
عماد: انا مش قلت ليك اني خطبت ليك سيرين وعاصم وافق
خالد: سيرين ما فيها عيب و انا ما رافضه بس رجولتي و كرامتي ما بتسمح لي اتزوج وحده قلبها مع زول تاني يا ابوي سيرين و ادهم ما بحبو بعض بعشقو بعض والعشق أسمي درجات الحب
عادل: اي يا عاصم خالد معاو حق انت لو عايز ما عايز تخسر بتك زوجه لي ادهم وصراحه لو انت عندك استعداد تخسرا نحن ما عندنا استعداد
عماد اتضايق من كلامم: انتو هبل ولا شنو اها حتي لو نحن وافقنا حسن ما حايوافق انتو نسيتو نحن جرجرنا في المحاكم وبهدلناو كيف ده غير الجرايد و الصحف البقت تكتب عن القضيه بالبونت العريض
عادل: يستاهل لانو كده اخد جزاءو واتفضح و مال الحرام وما بدوم وباكر الحقيقه تظهر بس دي ما قضيتنا نحن قضيتنا ادهم و سيرين
عاصم بي تعصب: خلاص اسكتو انا ما قادر افكر راسي عايز ينفجر خلوني استخير تاني لحدي ما اشوف البحصل شنو
خالد: ماف وكت يا عمي تفكر انا رايي تحسم الفارغه دي وبعد داك أدهم يقنع ابوهو بي طريقتو دي ما قضيتنا
عادل: انا متفق معاك
اللحظه دي جاء واحد قال ليهم: معليش يا جماعه الزياره انتهت
عاصم خشي لي سماهر وكلمه انو ماشين وحايجو بكرا وطلع ساق اخوانو و مشي
.............
ادهم حكي لي دكتوره نيرفان كل حاجه
نيرفان: ياا الله لي كده ياخ الناس بقت تفكيرا عقيم جدا وتفكيرم رجعي دي حاجه انتو ما ليكم يد فيها
ادهم اتنهد تنهيده كبييرا كده : والله ده الحصل يا دكتورا انا اسي عايز منك تشخصي لي حالة سيرين ووريني لو محتاجه سفر ولا لأ وبالجد فقدت النطق ولا الحاصل شنو بالضبط ويارييييييت لو خليتيني اشوفه بي اي طريقه
نيرفان: حاااضر والله من عيوني الاتنين ادوني اسمه بالكامل
ادهم: سيرين عاصم محمد
د.نيرفان اتصلت علي الرسيبشن وعرفت هي راقده في ياتو غرفه بالضبط
نيرفان: خليكم هنا دقيقه امشي اشوف معاها منو واشيل عينات دم منها واجي راجعه
ادهم: كويس بس ما تتاخري علينا
ريفال: شكرا ليك يا نوفا لانك حاتساعدينا
نيرفان: العفو ولوو
وطلعت
ادهم: الحمدلله طلعت بت حلال والله
ريفال: احم اخت صحبتي و كده
ادهم: خلاص ما تتبوري لينا
ريفال:ههههه
بعد مسافه جات راجعه
ادهم: اها يا دكتوره طمنيني
نيرفان: شلت عينات دم منها و رسلتها لي معمل برا المستشفي انا بتعامل معاهم وطلبت منهم يستعجلو في النتيجه
لقيته صاحيه بس ما بتتكلم معاها امها ما فتحت معاها الموضوع لكن ارح معاي انا حاخش قبل ما تخشو انتو وبفهمه الوضع و ان شاء الله تتقبل وجودكم
ادهم: ما قصرتي يا دكتورا شكرا ليك
ريفال: والله ما قصرتي
نيرفان: يا جماعه انتو مالكم بتشكرو كده انا ما عملت حاجه واسي ارح نمشي ليهم
ادهم: ارح
وصلو الغرفه
نيرفان: كدي دقيقه امهد.ايها قبل ما تدخلو
ريفال: طيب نحن بننتظر هنا
ويتبع......
