سيرين خلصت امتحاناته وسافرت دبي مع امها
اخوان سماهر اتنين محمود و محمد
محمود الكبير عندو ولدين هشام و حسام
ومحمد عندو بتين و ولد نورهان و نارمان و الولد عمر نورهان بس القدرها الباقين كلهم اكبر منها عدا عمر كان اصغر واحد
سيرين مشت قعدتت مع خاله محمد عشان بناتو صحباته ومرا تمشي عند ناس خاله التاني و كده
..............
ادهم اصحاب ابوهو هم الدسو الشنطه منو فكر بينو وبين نفسو وهو عارف انو لو سألم حاينكرو
بس خلاهم يطلعو يمشو شغلم
فتش البيت كلو وما لقي حاجه اتحير وبقي يفكر يعمل شنو ويحل المشكله دي كيف
............
سيرين بالا كلو مع ادهم ما عارفه الحصل عليو شنو جاته نورهان لقته قاعده مهمووومه
نورهان: سوسو يا سوسو الواخد عقلك يتهنا بيو
سيرين: ااححح الحمدلله بس يا نورهان لازم نحمد ربنا في السراء و في الضراء
نورهان: احكي يا بت مالك و الحاصل عليك شنو من جيتي انتي ما عاجباني ما يكون موضوع ادهم ده
سيرين بي خلعه: انتي عرفتي كيف؟
نورهان: عمتو سماهر حكت لينا
سيرين: ههه طيب كويس انا اصلا كنت عايزه احكي ليكم والله
نورهان: طيب ده المزعلك يعني؟
سيرين: انا مقلقه عليو يا نور لو اطمنت عليو بعداك اي شي هين ما عارفه اعمل شنو بعد ما امورنا وضحت وقلت الحمدلله سفريتو دي جات بوظت اي شئ
نورهان: الغايب عذرو معاو لكن الموضوع واضح يا سوسو دي خطه من امو وابوهو عشان يبعدوهو عنك
سيرين: اها والحل
نورهان: انسيو لانو حتي لو اتزوجتو ما حاتكونو مرتاحين
سيرين: انساو؟! الكلمه دي ساااهله عندك كده؟ كيفانساو يعني كيف انسي حبيب عمري انا متخيله حتي اني اكون لي غيرو
نورهان: الزمن كفيل ينسيك ماهو انتي ما حاتربطي نفسك بيو كده طول عمرك اها يعني كان ما جاء راجع حاتكوني قاعده كده
سيرين: لا برجع ان شاء الله انا حاسه انو واقع في مشكله
نورهان: غايتو ربنا يسهله عليك
سيرين: امين يا رب
..............
ادهم قاعد و متحير و ما عارف يعمل شنو بعد شويه جاء داخل واحد من الشباب القاعدين معاو في الميز اسمو هيثم ولمن شاف البيت مقلب كده اتخلع
هيثم: ابو الشباب خير مالك مقلب الدنيا دي كده هههههه
ادهم كان سرحان و ما رده عليو
الود بي كل ظرافه لمه الحاجات كلها وخته اي شي في محلو ومشي استحمي وجاء لقي ادهم قاعد في حتتو وسرحان
هيثم: يا باشا في شنو مالك خير؟
ادهم: والله واقع لي في مشكله كبيرا خلاص
هيثم: خير يا زول مالك
ادهم: بس اوعدني انك ما تحكي لي زول
هيثم: احكي واعتبرني ما سمعت حاجه
نسيب ادهم بحكي لي هيثم
ونشوف سيرين
قاعده في الغرفه جات اسمهان
اسمهان: سوسو يلا يلا البسي سريع
سيرين: في شنو؟
اسمهان: هشام اتصل علي وقال لينا البسو جاي يسوقنا يفسحنا😍
سيرين: والله ما عندي مزاج امشو انتو
اسمهان: بطلي بياخه ياخ هم اصلا عاملين الطلعه دي ليك عشان يفرقو ليك
سيرين: والله ما عندي مزاج عليك الله خلوني براحتي
نورهان جات داخله الغرفه وسمعته
نورهان: لا يا سوسو عليك الله ما تبيخيها لينا يلا يلا قومي ارح
..............
ادهم حكي لي هيثم الحصل كلو هيثم بقي يفكر كده وقال ليو
هيثم: انت عارف عمك مدثر ده عندو حتتين بخت فيها حاجاتو
ديل اكبر احتمال انو يكون خاتي شنطتك في واحد منو
ادهم بي شغف: وين ؟!
هيثم: اول مكان عندو خزنه جوه كده دي بخت فيها اي حاجه
وتاني بخت حاجتو المهمه شدييد في شنطه حديد كده خاتيها فوق في السطوح
ادهم: اها والفهم شنو نصل للحاجات دي كيف
هيثم: مفتاح الشنطه الحديد خاتيو في سلسلة مفاتيح كده وطووالي في شنطة اليد بتاعتو
ادهم: طيب نحن ما نشوف الخزنه اول
هيثم: لا الخزنه بي ارقام نحن نشوف شنطة الحديد اول لو ما لقيناها بعداك نتصرف نشوف الخزنه
ادهم: ظااابط يا معلم والله ما عارف اقول ليك شنو
هيثم: ما بيناتنا ياخ نحن اخوان
ويتبع.....
