سيرين و سماهر اتخلعو من ردة فعل خالد
خالدبي نبره حاده: صوتك صوتك ده ما يعلي علي فاهمه ولا لأ😡
سيرين ما اتكلمت جرت علي غرفته و هي بتبكي امها مشت لحقته
خالد قعد في الكرسي وهو زاتو ما عارف نفسو عمل كده كيف ولا ليي قام طلع من البيت وهو طالع لاقي عاصم عمو
عاصم:خالد كيفك
خالد وهو مرتبك كده: ععمي كيف تمام
عاصم: تمام الحمدلله مالك مستعجل كده
خالد: لا بس لاحق لي مشوار مهم
عاصم: ياخ اجل المشوار و تعال اشرب معاي جبنه
خالد: خليها مره تانيه يا عمي مستعجل والله جيت سلمت علي خالتي سماهر و سيرين وطالع سريع مره تانيه
عاصم: خلاص كده بكون طالبك جيه تاني
خالد وهو ماشي : ان شاء الله
خالد وهو ماشي علي المواصلات بفكر
(انا كيف عملت كده ياخ انا عمري ما مديت يدي علي وحده من اخواتي اقوم امدها علي بت عمي!! بس هي كمان استفذتني!! لكن كمان من حقها تختار الانسان الهي عايزاو،، ااااخ ده شنو العملتو انا ده)
....................
سيرين كانت بتبكي بكي هستيري وامها بتحاول تهدي فيها ابوها سمعه و جاء داخل عليهم
عاصم: غي شنو البت دي مالا بتبكي كده
سماهر: عليك الله يا عاصم ما وكت اسئله شوف طريقه سكت بيها بتك دي
عاصم: جاوبي علي سؤالي البت دي مالا؟!!
سماهر: اقول ليك شنو ولا شنو اتناقشت مع خالد ود اخوك و خالد ضربه كف
عاصم بي دهشه: خااالد يا وليه انتي مجنونه ولا شنو خالد شنو البضرب كف ده خالد ده زول مسكين ساي
سماهر: والله ده الحصل عايز تصدق صدق ما عايز انت حر
عاصم: وخالد يضربه ليي السبب شنو
سيرين هنا اتدخلت: انت يا بابا بتحبني ولا لأ
عاصم: يا بت ده سؤال ليك ده
سيرين: طيب ليي تقيف قصاد سعادتي انا يا بابا سعادتي مع....
قبل ما تتم كلامه ابوها هرشه
عاصم😠: اوووعك تنطقيها لو تعيشي طوول عمرك تعيسه ما حاعرسو ليك فاهمه ولا لأ وكان ده السبب الخلي خالد يضربك خلي يضربك لو كسر ليك راسك انا ما حسألو
سماهر: هووي يا عاصم كيف يعني يضربه ما عندو حق يمد يدو عليها
عاصم" اسكتي انتي كلو منك شابكاني بتي الوحيده بتي الطلعت بيها من الدنيا لمن بوظتيها بالدلع
سماهر: انا البوظتها ولا انت الشغال تنفذ ليها في ليها طلباته من فتحت عيونه ديل وانا كنت بحذرك انو ما تنفذ ليها طلباته عشان اليوم الما حاتنفذ ليها الحاجه الهي عايزاها ما حاترضي ليك وأهو اليوم البتكلم عنو جاء
استحمل يلا
وقامت طلعت
عاصم جرا سيرين من شعرا و هي بتكورك
عاصم: قسما بالله اربيك من اول و جديد شفتي الجامعه تاني ماف ليك تقعدي تساعدي امك في البيت هنا
ورماها في الارض ومشي
سيرين بقت تبكي وقفلت باب اوضته عليها
تاني يوم سماهر مشت دقت ليها باب اوضته بس سيرين ما ردت عليها اليوم كلللو حابسه نفسها في الغرفه لا اكل لا حمام ولا صلي سماهر استغربت و مشت لي عاصم
سماهر: يا عاصم قوم شوف البت دي مالا
عاصم: مالا يعني خليها تتخمد في اوضته
سماهر: لا يا عاصم ما تبقي قاسي قدرده في النهايه دي بتنا
عاصم: شفتي دلعك ده هو المبوظه
سماهر: هي لكن اخليها تموت اسي انا ما عارفه الحاصل عليها شنو جوه من امس تاني ما طلعت
وبقت تبكي
عاصم عاين ليها كده: اوفففففف منكم
ومشي دقه الباب لي سيرين
عاصم: يا بت افتحي الباب ده
سيرين: .........
عاصم: يا بت انا بتكلم معاك افتحي الباب ده قبل ما اكسرو ليك في راسك
سيرين برضو ما ردت
سماهر: ووب علي يا عاصم بتي مالا
عاصم بقي يكسر في الباب
ولقي سيرين.......
ويتبع......
