سماهر: عاجبك كده يا عاصم ؟! عاجباك الحاله الوصلت ليها بتك دي وريني عاجباك
ياخ انعل ابو القروش الخلتك ما شايف قدامك غيرا لي بتعمل كده عشان حسن اكل حقك زمان وريني ؟
وعاينت لي عماد وواصلت
سماهر: وريني انت يا عماد عشان شنو انتو بتعملو كده عاجباكم الحاله الوصلت ليها سيرين انتو ما بتخافو الله وده كلو كوم وملطشتكم للبت كوم تاني الماشي و الغاشي يملطش فيها ويسمعه فارغ
اسي سيرين فقدت النطق واحتمال تاني ما تطق لحدي ما تموت يا عاصم سيرين انتو قتلتوها و هي حيه ان شاء الله بعد ده تكونو ارتحتو و خالد يا عماد بعد الحصل ده لو عايزه ما حايعرسه يعرس ليو وحده خرساء ليي زنبو شنو
عاصم: خلاص اسكتي انا بتي حاسفرا برا وحاعالجه ان شاء الله ان شاء الله اخسر قروشي كلها
سماهر: هههه قروش قروش شنو يا عاصم سيرين بين يدين ربنا صلي و ادعي ليها بس ماف قروش حاتنفعك.
قالت كلامه ودخلت علي سيرين ولقته بي نفس النظره الخلته بيها ودموعه نازله مشت قعدت جمبها و حضنته وهي بتبكي
سماهر: ما تخافي يا بتي ما تخافي يا حشاي ماف زول حايجبرك علي حاجه انتي ما عايزاها علي جثتي لو عملو كده بس انتي ابقي لي كويسه
..................
ادهم جابو ليو حقنه مهدئه وريتال ادته ليو لانو هي بتقرا طب وبتعرف تضرب حقن
هدأ شويه كده وناام
...................
وعدا اسبوع وسيرين طلعوها من المستشفي بس ماف اي تحسن من ناحيته جابو ليها اخصائين نطق وعلم نفس بس ما قدرو ياخدو منها حق ولا باطل شخصو مرضه انو حالة اكتئاب ولازم تتعالج عند مختص نفسي بس ما كان في تحسن في حالته
....
رنا فقدت سيرين وبتتصل عليها تلفونه مقفول وقررت تزوره في البيت بعد خلصت محاضراته طوالي مشت لي سيرين في البيت فتحت ليها سماهر الباب
رنا: خالتو سماهر كيفك انا رنا صحبت سيرين
سماهر: اهلا يا بتي حبابك اتفضلي
رنا دخلت وقعدت في الصالون
رنا: ويين سيرين ليها تمنيه يوم ما جات الجامعه وتلفونه مقفول
سماهر باستغراب: اجي يا بتي انتي بتنسي ولا شنو
رنا: انسي شنو يا خالتو
سماهر: انتي مش اتصلتي علي و انا وريتك انو سيرين راقده في المستشفي
رنا: أنا😳
سماهر: اي انتي مش انتي رنا؟
رنا: اي فعلا انا رنا بس رقمك اصلا ما عندي كيف اتصل عليك يعني
سماهر اتحيرت: بري والله في وحده ضربت وقالت لي انا رنا صحبت سيرين
رنا هنا استوعبت انو ممكن يكون ادهم عمله ماف زول غيرو واتداركت الموقف
رنا: اهاااااااا اي اي اي صاح والله صاح انا اتصلت عليك والله معليش يا خالتو مع القرايه و الامتحانات بقيت بنسي كتير
سماهر: اجي يا بتي عاد نسيان قدر ده لكن
رنا: ههههه معليش والله انا طوالي بقيت بنسي كده اها واسي سوسو بقت كيف
سماهر: والله يا بتي ما عارفه احكي ليك شنو ولا شنو بس سيرين حالته صعبه والله😭
رنا: لا يا خالتو ما تبكي كدي احكي لي بالتفصيل الحصل شنو؟!
نخلي خالتو سماهر تحكي لي رنا ونشوف ادهم وعيلتو بهناك
حسن قاعد يشرب في الجبنه ويتفرج في التلفزيون ولبني قاعده جمبو
حسن: سمعتي بي مرض بت عاصم دي يا لبني
لبني: مالا بت عاصم
حسن: والله جاني طرطيش كلام كده انها بقت خرساء
لبني اتخلعت: وووب علي خرساء كده
حسن: والله ما عارف بالضبط بس ده السمعتو
لبني اتكبكبت وجرت لي ادهم فوق وحسن بكورك ليها
حسن: يا مرا مالك جنيتي ولا شنو
ما اشتغلت بيو وطوالي دخلت علي ادهم في الغرفه
ويتبع.....
