هل ستغفر؟ (مكتمله)

الفصل الثامن عشر

الفصل الثامن عشر
التفت كريم للمتحدث و هو مالك
-خير جاي ترميني من البلكونه
-انا عايز اعرف ليه كل ال show (العرض) ده
- شو ايه ده جواز
مالك بحده -جواز ايه انت فاكرني عيل صغير و هصدقك ..ايه اللي حصل بينك و بين هايدي خلاكوا عاوزين تتجوزوا بالسرعه دي
رمقه كريم بأشمئزاز- انت مش ملاحظ انك بتُسئ لسمعه بنت و اللي هي اختك
مالك بنفاذ صبر- طب يلااش دي حبيتها ليه
كريم بمكر-انت حبيت ليلي ليه
امتقع وجه مالك و تحولت معالمه- و انت مالك ميخصكش
-خلاص يبقي انت كمان ميخصكش ..اصلك مفضوح اوي
(ابتسم مالك بسخريه علي حاله) ..ليه متمسك بليلي لما هي مش حاسه بيك
-انا واثق انها في يوم هتحبني
-حاجه حلوه انك واثق بس متخليش الثقه دي محور حياتك عشان بعد كده ثقتك متتكسرش في كل حاجه
مالك بحده- انت عاوز مني ايه..ع العموم انا هعرف كل حاجه لوحدي
كريم و بنفاذ صبر- ماالك..انا مش عدوك انا اتمنالك السعاده و الراحه كل اللي انا عاوزه انك متتعلقش بحاجه و تتكسر لازم تاخد حذرك و تاخد بالك من اختك هي كمان بتحبك متخسرهاش ..و انا هقولك علي كل حاجه بس مش عشان خايف منك او من رد فعلك انا عايز اريحك بس لاني مفيش اي حاجه شخصيه بيني و بينك .. انا عارف في قسم الجرائم في الجورنال فكنت بساعدها في الاخبار عشان كده روحتلها المستشفي انا و زميلي معتز لما رجعت بيتها تواصلنا شويه و كنت سعات بوصلها الجورنال و حبيتها و قررت ان هي دي اللي هكمل عمري معاها بعدها حصلت حادثه ليلي و كانت مدمره و مفيش حد يهتم فيها فخفت عليها اما بقي لو حبيتها ليه (نظر للخارج حيث كانت تجلس ليلي و هايدي و تضحكان و يتبادلا الحديث) ضحكتها حلوه و اخلاقها و قلبها كلهم مكملين بعض هايدي تستاهل انها تتحب.. عرفت ليه بقولك احتويها عشان انتوا ملكوش غير بعض و هي تستاهل ده و انت زيها يا مالك
-انا ماشي
خرج مالك من الشرفه و ترك المنزل خشيت هايدي من ان يكون تعارك مع كريم التي لاحظت وجوده ايضا بالداخل دلفت للشرفه بسرعه
-ايه ..حصل حاجه بينكوا
كريم بأبتسامه- لا خالص فهمتوا اللي كان عايز يفهموا
- ازاي ايه اللي حصل
- مفيش كان عاوز يعرف ايه اللي حصل (و سرد ما حدث و لكن ليس كل التفاصيل)
-برافو عليك انك مريحتوش تعرف ان انا كمان قولتلو كده لما سألني عنكوا ...تعرف يا كريم انا مبحبش الكذب خالص دي اكبر كذبه في حياتي كلهاو اهي الكذبه عماله تكبر..تكبر..تكبر و الله اعلم هتروح فين كمان.. مكنتش عاوزه اكذب بس مضطره جربت الاحساس ده انك مضطر تكذب
ابتسم كريم من حاله - يعني اها مثلا دلوقتي و قبل كده طبعا
- انا اسفه جدا(ابتسم لطمئنتهابينما اتكأت مستنده علي سور الشرفه،قائله)انت عارف انا بحب ماما و مالك بس هما حاجه غريبه بالنسبالي هما مكسروش الحته دي... انا مش عارفه هما ليه بيعملوه كده .. بس انا واثقه انهم هيحبوني و هنبقي عيله سعيده في يوم
(تذكر كريم ذالك الجزء ذاته عند حديثه عن ليلي)
ليقول مازحا- شوفتي نسيت اقولك مبروك يا عروسه هههه
-هههههه
(في صباح اليوم التالي بمكتب ريبناد بالجريده)
-انا برضوا نفسي اعرف ليه علي نص الحقيقه
-انا اقولك يا سوسو انا لما اقولوا انه عايش معاها عشان شغل ولا لما اقوله انه عايش معاها عشان هاا(و غمزت بعينها) كان هيبقي مفعوله اكبر هي بقي تبقي تقوله لو لسه عايشه
صديقتها سلمي- يا بنت ال ايييه.. صح كده طب و خطوتك الجايه ايه
-ولله يا سوسو يا حبيبتي انا سايباها الايام و لو موقعتهاش انا هوقعها
(ذهبت ليلي لمكتبها لتمارس حياتها الطبيعيه كما امر كمال و لكن ليس بالزياده و بعدما استقبلتها زينب بالقبلات الحاره)
-يادي النيله هو انا كل واحده من صحابي هتعمل فيا كده..ولله عيب نتفهم غلط
ضحكت زينب عاليا-ولله لو دفعولي مليون جنيه ما اسيب الشغل معاكي يا ليلو
ليلي و بغرور مصطنع- عارفه و ايه الجديد..انتي تطولي اصلا
(ضحكا معا و خلال جلوسها علي مكتبها و هي تدير اعمالها اضأت شاشه هاتفها بأسم كمال )
- الو ..ازيك يا كمال
- ازيك يا ليلي ..انا الحمد لله بس انتي نسيتي بطاقتك عندنا في المستشفي
- ياخبر ازاي محستش اليومين دول يمكن عشان اول مره اخرج خلاص انا جيالك
- لا خلاص متتعبيش نفسك انا جايلك ..انتي في بيت هايدي
- لا انا في مكتبي عنوانه(.....)
-تمام انا قريب منك
(و بعد نصف ساعه طرق باب ليلي)
-ادخل
-في واحد بره اسمه استاذ كمال
-دخليه بسرعه
(دلف كمال و لكن اثناء خروج زينب غمزت ل ليلي و فعلت بيدها حركه الامتياز دلاله علي وسامته ابتسمت ليلي علي افعال زينب و رحبت بكمال اعطاها ما اتي لاجله و تبادلا الحديث و في وسط الحديث شعرت ليلي بألم في مكان الاصابه)
-مالك ينفع توريني
ليلي بصدمه-اوريك ايه
-الجرح
-نعم
-علي فكره انا اللي عملتلك العمليه فوريني
مزحت ليلي و سط صدمتها- لا ولله مينفعش ..عليا النعمه ما هيحصل
-هههه قديمه انتي اوي..طيب انتي عملتي مجهود زياده
دارت عين ليلي في المكان-لا
-كدابه
-هو فيه ايه انت و هايدي عليا
-انا مينفعش تكدبي عليا انا الدكتور بتاعك
ليلي بأستسلام- طلعت السلم و نزلته مرتين بسرعه
- ايه ده ده انتي لو قاصده تفتحي الجرح مش هتعملي كده
- معلش بقي دي طبيعتي ..صحيح بما انك صديق عزيز علي الكل هيدي و كريم هيتجوزا يوم الجمعه
كمال بصدمه-احلفي معقوله بالسرعه دي ..ايه ده ازاي ميقولوش
-لا كانوا هيقولوا بس انا قولت اقولك الاول اوعي تقولهم اني انا اللي عرفتك
- متخفيش اول واحده هعترف عليها
-بقي كده بتسلمني يا ابو كمال ههه
مرت الايام الثلاث يوم بارد نسبيا
مني بغضب- يعني ايه مش عاوزه فستان ..قولتوا مش عاوزين تكاليف كتير و قولنا ماشي...قولتوا مش عاوزين فرح و قولنا ماشي ..قولتوا هنعيش في بيتي و قولنا ماشي..لكن متوصلش من غير فستان فرح
من نظره شك رمقتها هايدي في عين مني
-هايدي هو في حاجه حصلت انتي مخبيها عليا
هايدي بخجل و نفي- لا طبعا يا ماما خلاص بصي لو عايزاني البس فستان فرحك شخصيا انا موافقه
"و بالفعل كانت العروس الاجمل رقيقه، جميله ،بسيطه كان الفستان من التل و الصدر مطرز بالفصوص الرقيقه زينها الرقيقه زادتها جمال ،بدأت خطوات الزفاف حتي انتهت بالجمله الشهيره
(بارك الله لكما و بارك عليكما و جمع بينكما في خير..مبارك للعروسين)"
لاول مره تري والدتها مبتسمه بسعاده لتقول بداخلها (ايه ماما مبسوطه اني اتجوزت تلاقيها مبسوطه انها ارتاحت مني)
فمن الطبيعي عندما أري منك كل السوء لا اتوقع منك الا السوء حتي و ان كنت تتغني بأسمي في اشعارك
"في وقت شرودها و جدت من يمسك يديها إذا به كريم و الذي قتلها دون ان يدري قبل يدها و رأسها برقه و زقار و احترام قائلا (الف مبروك يا حبيبتي) اعتقدت هايدي انه يتقن دوره امام عائلتها و لكنه اتقنه بمبالغه ،اما هو فأراد ان يفعل ذالك لا يعلم لماذا ..اطمئن بالفعل ،ابتسمت هايدي حتي لا يلاحظ احد شرودها ،صعق الجميع بلا استثناء والدتها شعرت بالسعاده لذالك الحب الكاذب، ليلي التي تعرف الحقيقه، مالك الذي يشك بالامر بالفعل، كمال التي يجهل كل التفاصيل ، ذهب الجميع و بقي العروسين دلف كريم غرفه هايدي التي نقل بها معظم اشيائه بواسطه و والده هايدي ، وجدها واضعه قدميها علي الطاوله و تتناول رقائق البطاطس بطريقه غريبه و مضحكه "
ابتسم - ده ايه ده ان شاء الله
لتقول بمرح عكس خجلها بأداء تمثيلي مبالغ فيه - مبرووووك يا عرررريييس.. و النبي يا كابتين ناويلي كيس الشيبسي و الشكولاطه ده
- ايه ده مالك يا بنتي
-مفيش ليلي جابته ليا بمناسبه جوازي
-ههه..انا هاخد حاجتي و ارجع اوضتي تصبحي علي خير
-و انت من اهلوا
حل الصباح و طرق الباب و ذهبت هايدي لفتحه دلفت ليلي حامله بضع اكياس
-ايه يا ماما سنه بتفتحي
-ايه اللي في ايدك ده
ثالت ليلي بمرح - زينب انتي عارفه انها بتحب الاكل و تحب تطبخ حلفت عليا يمين طلاق تلاته لازم اجبلك دول عشان تتغذي انتي و العريس ههههه
هايدي بأبتسامه و فضول -ايه ده
- محشي بتنجان و كوسه و ورق عنب انما عنب فعلا و فراخ
هايدي بفرحه- الله هو في حلاوه و جمال كده هههه
هبط كريم-انا شامم ريحه اكل حلوه و انا جعان ..ازيك يا ليلي
- انا الحمد لله يا كريم ..يلا نحضر و ناكل
(خلال ذالك طرق الباب و دلفت مني و باركت للعروسين ،جلسوا علي المائده و شرعت هايدي في الاكل بشراهه ،القت مني كلامتها المسمومه)
-ما تاملي براحه يا هايدي ده الراجل نفسه مبيكولش كده
ليلي بتبرير-معلش مهي عروسه بقي يا طنط
- يعني ايه مهو كمان عريس .. في حاجه اسمها اصول و ادب و نظام و الظاهر ان هايدي متعلمتهاش (فهمت هايدي ما ترمي إليه والدتها)
هايدي بسرعه وحزن- الحمد لله انا شبعت اصلا
ليلي بحزن-هايدي انتي...
ركضت هايدي لغرفتها كادت ان تلحقها لكن كريم اوقفها و ذهب هو وجدها تبكي بشده
كريم بخفوت و مواساهو-فيه ايه يا هايدي بتعيطي اوي كده ليه..انتي حساسه اوي كده
هايدي ببكاء شديد -دايما بتحاول تعكسلي صوره ان ابويا فشل في تربيتي و هي عملتلي ايه ..بعدت عني سنين عمري كلها و جايه دلوقتي تحاسيبني و تتحكم فيا
-خلاص أهدي
-انا حاولت اكون منهم مقدرتش و لا هما عمرهم ما هيكونوا مني
(بكأها الحارق جعل النيران تشتعل به كلياً اخدها بين احضانه بقيوه و كأنها الثلج الذي سيطفئ ناره)
- متزعليش يا هايدي و اوعي تعيطي طول ما انا موجود و انتي حلوه زي ماانتي اوعي تتغيري
ارتكزت بأحضانه قليلا و لكنها فجأه نظرت له بعينيها المغرورقه بالدموع و لؤلؤها يسقط و لكنه تجرأ و نظر لها اكثر اقترب منها و قبل رأسها و عيناها
-الالماظ مبيعيطش ابدا يا هايدي الناس اللي بتعيط عليه لانه غالي زيك يا هايدي
"لطالما دق قلب هايدي نحوه و لكنها لم تعيره انتباها ظنته خجلاً ظنته مرضاً لكنه شعور مختلف عن كونه خجل او مرض استطيع ان اقول بكل سرور لقد وقعت الفتاه بالحب (هايدي احبت)"

.....يتبع...

انا اسفه جدا علي التأخير بس اصلي ابتديت دروس ثانويه عامه و مشغوله بيها 😥و ده اكيد مش فصل بس الفصول التانيه هتنزل علي بكره او بعده 💃و شكرا انكم بتستحملوا تأخري💋♥️ انا طولت الفصل علي قد ما اقدر😘🤗 التوقعات بقي شجعوني