هل ستغفر؟ (مكتمله)

حلقه خاصه (هل ستغفر)

احب اوضح حاجه طبعا ده مش جزء تاني ولا انا هعمل جزء تاني بس في ناس طلبت مني اعمل جزء تاني و انا قولت اضيع فراغي الدراسي فقولت اعمل حلقتين كده اضيع بيهم فراغ دراسي و منهم بيقوا زي جزء تاني للروايه بس صغير و شكرا لكل اللي حب الروايه و لكل اللي طلب منها جزء تاني و اللي قاللي انه هيتابع اعمالي القادمه ♥️♥️💋🥰💙💙

(حلقه خاصه)
مرت الايام و السنوات و هناك من غزي الشيب رأسه و هناك من تكونت ملامحه حديثاً فخمسه و عشرون عام ليست بقليله
دلفت الغرفه و هي تصرخ فهذه الصفه تكتسبها كل ام مصريه بالخبره
- قووم يا محمد اختك جهزت و انت لسه نايم
استيقظ و بتثاقب و بتمدد في السرير بمرح -صباح الخير لاحلي ديدا في الدنيا
ابتسمت و لازالت جميله كالسنوات الماضيه ان لم يكن ذلك الشعيرات البيضاء و بعض التجاعيد التي تهدد بالظهور و السمنه البسيطه لكنت قلت ان السنوات لم تحدث اثرها
-صباح الخير يا عيون و قلب ديدا
دلفت مريم بغضب -بقي انتي بتدلعيه و انا بولع قوم وصلني يا زفت انا اتأخرت بسببك
-مريم احترمي اخوكي الكبير
لوحت بيدها بمعني الاستياء و هو بكل برود سحب المنشفه و قال
-سبيها يا ماما هي غيرانه مني عشان انتي بتحبيني انا اكتر منها
(محتضن امه من الخلف كما يفعل ابيه)
ضحكت هايدي بينما بالفعل غارت مريم
-انتي بتحبيه اكتر مني يا ماما
هايدي بنفي -ولا ابدا انتوا الاتنين عندي اغلي من بعض

ليقول و هو يذهب بأتجاه المرحاض -متصدقهاش انا الاكبر و بتحبني اكتر لكن انتي غلطه..يا غلطه
لتصرخ به -انا هستناك تحت ربع ساعه يا زفت انت لو ملقتكش قدامي هسود يومك
ليأتي صوته من داخل المرحاض
-اكتر من كده
لتقول و هي تلتفت -قال كبير قال كبير و اهبل (وقفت فجأه)بابا
هذا الوسيم الذي يسحر الجميع بلحيته الكثيفه المختلطه بالابيض و انقسامات الوجه العريضه لا يزال مبهر -صوتكوا جايب مصر كلها احنا كل يوم نسمع الجيران صوتنا ده لو مسمعوش صوتكوا بيتصلوا يقولولنا
هما مبيزعقوش ليه
- يا بابا قولتلكوا هاتولي عربيه و انتوا مش راضين بدل الحوجه دي لسي محمد بيه
-قولتلك انتي لسه صغيره..نخاف عليكي في السواقه و البهدله
-يا بابا انا مش صغيره انا في ثانيه كليه
-برضوا صغيره كمان سنتين و اوعدك اني هجبهالك
توسعت عيناها و ارادت قطع الجدال
-ماشي يا بابا عن اذنك انا مستنياه تحت

نظر كريم إلي هايدي التي تبتسم له
-صباح الخير يا ديدا
-صباح الخير يا حبيبي
خرج محمد من المرحاض و هو مرتدي جينز ثلجي و تيشرت اسود
ابتسم و فرح لوجود والده -اهلا نورت يا بابا الاوضه صباح الخير
-صباح النور يا حبيبي
سمعوا صراخ من الاسفل
-يااااا محماااااااااد
-يوووو معلش بقي عن اذنكوا هتقتلني
هايدي بتحذير - خد بالك و انت سايق
-حاضر

بعدما ذهب محمد قال كريم بحب و هو يحتضن هايدي بالرغم من ان كلاهما كبر الا انهما حبهما و رومنسيتهما معا لم تقل بتاً
-توم و جيري عايشين معانا
ضحكت -ربنا يحفظهم لبعض انت عارف يولعوا في بعض بس حمي لبعض برضوا ولان مريم جت بعد فتره و كان محمد ٥ سنين حبها جدا فعلا (ضحكت بشده)فاكر لمي مره و هو صغير كان عاوز ياخدها معاه الحمام و يقولي لا دي بتاعتي
بادلها الضحك -ايوه و انتي عامله عقلك بعقلو و تقوليلوا لا دي بتاعتي انا و هو يعيط و انتي تضحكي