هل ستغفر؟ (مكتمله)

الفصل الثالث و الثلاثون

الفصل الثالث و الثلاثون
-و انا صغيره كان شكلي مش حلو مش من الاطفال اللي تحبها كنت زي العواجيز يعتبر كنت وحيده لما كبرت شويه اتغيرت بس برضوا فضلت وحيده كأني مرض عرفت ان الناس وحشه و ما تباخدش غير بالمظاهر انا اكتسفت ان كل الناس وحوش مبيهتموش بجواك ايه بيهتمه بالمظاهر حتي الاطفال اللي زيك ما هتموش
-بصي انا مقدر احساسك بس هايدي علاقتها ايه
-هايدي برضوا كانت من الناس اللي حسستني اني لا شئ في سنين الدراسه كانت اما بنتجمع كانت بتلغيني كنت هوا حتي لما اشتغلنا مع بعض كانت بتعلي كل الناس وحوش حتي هايدي مهما كانت بريئه قدامك بس هي وحشه
-طيب و انتي شايفه نفسك وحش
اومأت بنعم و الدموع تلقلق في عيونها
-ليه
-عشان الناس عاوزه كده عايز تعيش وسط وحوش لازم تكون وحش زيهم (مسحت دموعها و بقوه ابتسمت)اسفه بوظت سهرتك ها هنتكلم عن ايه
-وانا صغير كنت وحيد برضوابس بأختياري احيانا حبيت الوحده ..اتعودت عليها انا لحد دلوقتي ماليش اصحاب هايدي ممكن تكون زيي في الحته دي هي بقي عندها ليلي من ٣ او ٤ سنين انا عشت في عيله مفككه
-وانا كمان بابا و ماما اتطلقوا و رموني في مدرسه داخليهو كل واحد اتجوز انا مش مفككه انا بايظه بس مهما حاولت الناس تضعفني هفضل قويه حتي لو علي حسابهم
-انا اسف لو كنت فكرتك بذكريات وحشه
-لا ابدا كده كده مبتتنسيش
ابتسم و امسك يدها ليهون عليها-اجيبلك مولتون كيك و لا ايس رول..هوبا شكولاطه
ابتسمت ابتسامه ساحره و اومأت بنعم و سعدت لانها تشعر بأهتمام احدهم لاول مره
(في المشفي)
-ليلي يا حبيبتي مالك
ابتسمت -انا كويسه يا هايدي مشاكل مع ..(صمتت)مع محمد بيه
-طيب في حاجه
ليلي بأبتسامتها الاعتياديه و التلقائيه غير لائقه علي الموقف -لا خالص امي طلعت مش امي كذب عليا طول الاسنين دي و طلعت عقده حياته و بس
نظرا كريم و هايدي لبعضهما في استغراب و دهشه
هايدي-ليلي انتي كويسه
كريم -اجيبلك دكتور
ابتسمت بل ضحكت -يا جماعه متخفوش انا ليه كويسه و متجننتش انا سعيده جدا انا سيبت باسم و انا و كمال اعترفنا لبعض و واجهنا بعض عارفين انا مبسوطه ليه عشان بالرغم من اي حاجه حصلت لقيت اجابات علي كل اسألتي بقيت من جوا مرتاحه و فاضيه ..انا دلوقتي حياتي احسن من ٢٤ سنه فاتوا واجهت كل واحد باللي عاوزه اقوله.. هترتاحوا اوي يا جماعه لو واجهته بعض باللي عاوزينه
نظرا كريم و هايدي لبعضها و عانقت هايدي ليلي
-انا مبسوطه انك مرتاحه
-و انا اول مره اخد نفسي و ارتاح و احب النفس اللي بتنفسه
ذهبا كريم و هايدي للمنزل و هايدي تفكر في كلمات ليلي (انا دلوقتي حياتي احسن من ٢٤ سنه فاتوا واجهت كل واحد باللي عاوزه اقوله.. هترتاحوا اوي يا جماعه لو واجهته بعض باللي عاوزينه)
لن تستطيع البوح في مجابهته قررت ان يكون عبر ورقه اتت بورقه و كتبت التالي
(كريم انا بعد فتره حاولت اقولك بس معرفتش كنت بخاف و اتوتر قررت اصارحك و اتمني تصارحني برضوا و يكون عندك نفس المشاعر دي انا بحبك يا كريم بحبك اوي)طرق الباب و دلف كريم ارتبكت و اخفت الورقه بسرعه و لكنه لاحظ و اكمل بهدوء
-مش هتتعشي
-لا اكيد جايه ثواني و هحصلك
راقبها دون ان تدري و شاهدها ترمي الورقه في سله المهملات انتظر حتي ذهبت خشي ان تكون لها علاقه بالقضيه او ان تكون عادت لها دون ان تقول ذهب و سحب الورقه و قرأها ابتسم
-ماشي يا هايدي هتشوفي انا ههمل عشانك ايه
في صباح جديد كان يطلس كريم مع رضا في احدي المقاهي
-ها هتعمل ايه يا كريم
كريم بلامبالاه- مش هعمل
-كريم بلاش تعاند و متعملش راسك براسو
-انا راسي انضف من عشره زيه . انا ماتقرنش بيه و انا عرفت طريقي كويس و مش هتخلي عنه انا مش عاوز اغلط هوه حرام
-انا مش عارف اعمل ايه عشان اعرفك ان اللي انت بتعمله ده خطر عليك و عليها بس انا حذرتك عشان متجيش تزعل مني و اني بعتبرك اخ ليا و عاوز اساعدك
-انا عارف و مش بلومك علي حاجه
سرح بنظره علي طاوله اخري ليجد ريناد و مالك يجلسان عليها
-مالك يا كريم
-مفيش
-ايه ده ضابط زميل
-لا لا ده اخو هايدي
-طيب و مالو
-مش كده البنت اللي هو قاعد معاها مبتحبش هايدي و عايزه تأذيها ..تفتكر بيعمله ايه مع بعض
-شكلهم منسجم ..معرفش بس تحب اجبلك معلومات
-تسلم اظاهر علق زمان خوفتك مني و مخلياك عاوز تساعدني هههه
-ههه لا يا عم انت كنت لسه طالب جديد فقولت اسيبك تتمرن عليا و اهو بالمره اتعلم
-و اتعلمت
-ده انت استااااذ ههه بجد محتاج حاجه
-صدقني لما احتاجك هقولك
-بس عادي يعني متحطش في بالك ممكن متكونش حاجه مهمه
-يا رب متكونش حاجه مهمه
اتت رؤي من العمل و بدلا من ان تصعد لغرفتها ذهبت للمكتب مستغله عدم وجود احد وضعت احدي اجهزه التصنت
اسقل المكتب و عندما حاولت الفرار وجدت الياب يفتح تجلط الدم بعروقها دلف رضا
-رؤي انتي بتعملي ايه هنا
-ممفيش كنت جايه اشوف انكل ممدوح كنت عاوزه اخد منه طلب اجازه يومين
-حاضر بس ماهو كان في الشركه
-ما انا لقيته معاه تليفون فمعرفتش و نسيت
-حاضر
-شكرا (كادت ان تخرج ولكنها وقفت تجمع تلك الكلمه التي تستحي من وجودها في عقلها حتي)علي فكره شكلك
حلو اوي النهارده
توسعت عيناه غير مصدق رؤي تقول ذلك و امامه لم تكن رؤي معقده مع الجميع و كانت ابتسامتها مع رضا للاحترام فقط لانه معرفه منذ ٦ سنوات
ولكنها يمكن ان تأخذها بمعني اخر ايضا وهذا ما ستفعله بل اكثر
عاد مالك للمنزل الفارغ كالعاده وجد هايدي بأنتظاره
-كابتن لوك كويس انك جيت عندي ليك خبر حلو
-لسه برضوا مصممه علي كابتن لوك دي علي اخر مره
-امم حكم الشايب قال كده و ماما شاهده و بعدين لسه فاضلي يومين في الاسبوع و يسقط الحكم هههه
ابتسم -طيب خير
-ماما الدكتور قالي انها خفت خلاص و هتفضل اخر اسبوع تحت المتابعه و هتخرج لينا بالسلامه
ابتسم اكثر-بجد الف مبرووك حلله علي سلامتها
-و ليلي كانت في المستشفي
زالت ابتسامته -اها عرفت منا كنت هناك
-لسه بتحبها يا مالك
-لا كل سئ انتهي بالنسبة لي
-لا لسه ..بص يا مالك احنا يمكن بنهزر و علاقتنا اتحسنت بس انا برضوا مدافعتش عن نفسي و عن اتهاماتك انا اقولك انا قولت ايه ل ليلي هي كانت مضايقه فقولتها محدش جبرك و دي اختياراتك و براحتك اكيد كنت اتمني ان ليلي تبقي مراتك و دلوقتي بقولك ليلي متستهلش حبك و اللي ميقدرش و ميحسش بيك يبقي بلاش منه انت تستاهل احسن من كده لانك مش وحش من جوه اما بالنسبالي فزي ما انت اتحرمت من بابا انا كمان اتحرمت من ماما
-مش زيي يا هايدي..كل مره بتقولي انا اتحرمت من بابا بس مش زيي دلوقتي قدرتي تشوفي مامتك و تحبك لكن لا انا بعدني عنه و كرهني لحد ما مشي مدانيش حتي فرصه اني احضنه مره واحده مكنش عايزني لحد اخر لحظه
-لا لا و الف لا بابا همره ما فكر فيك كده بالعكس بابا كان علطول بيكلمني غليك و كان بيقولي قد ايه بيحبك و مشتاقلك عارف احساس العجز انه مش قادر يشوفك متزعلش منه ادعيله ..مهما اتظلمنا ادعيلوه هو محتاج دعوتك هو دلوقتي لوحده انت معاك ماما و انا هو خد ايه ..مالك انا كل اللي عاوزاه مصلحتك حتي لو مش عاوزني اختك
(عانقت وجهه بين يدها و دمعت عيناها و هي تقول) بس انا هفضل اختك غصب عنك يوم ما تحتاجني هتلاقيني ده لو احتجتيني انا عارفه انك قوي و مش محتاجي انت عارف انا محتاجه ل ايه بس حضنك يا مالك
شعر بوخزه تخترق قلبه هل هي حب،ندم، خزي من نفسه،ذنب و لكنه دون تفكير اخذها بين ذراعه ربما هو الاخر يحتاج لهذا تركها و هو يقول
-نتغدي مع بعض النهارده
ابتسمت فهي المره الاولي التي يطلب منها لطالما فعلت هي -اممم يحي الكابتن لوك
بحزن مصطنع-طب مش واخدك في حته
ضحكوا سويا
(في غرفه ليلي في الفندق)
-هههه لا بجد يا كمال عملت كده ..مش قدره اصدق شكلك برئ ..لا انا مره لبست هايدي في التورته ..كانت هتموتني اليوم ده (طرقات مستمره علي الباب) طيب يا كمال هكلمك بعدين الباب بيخبط(فتحت)
كريم-عاوز خدمه من القمر (توسعت عيناها و ضحكت)

-مالك عايزه اروح ملاهي
-ارحميني بعد الاكل ازاي و بعدين هو انا عفريت طلعلك من المصباح
ضحكت -اصلي فرحانه و فيا طاقه طيب تعالي نجري احنا اصلا في النادي يعني مش هيقولوا حراميه ههه
اخذته من يده و جريا و ضحكا و بالفعل ذهبت لمنزلها
-كريم ..ايه ده انت جيت بدري
اخذها جانبا
-عايزك تجهزي الليله عندنا سهره
-سهره
-ايوه و سهره خاصه كمان هتعجبك تمام
-تمام
-عن اذنك يا مالك هطلع اغير و ننزل نحلي
-ههه لا مفيش مكان و بعدين انا لازم امشي
-طيب (صعدت للغرفه)
كاد مالك ان يذهب ولكن اوقفه كريم بتلك السؤال
-كنت بتعمل ايه مع ريناد
-انت بتراقبني
-طب ولله ابدا انا كنت في حالي و لقيت اخبارك جيالي منك ..اصلي كنت في نفس الكافيه..مجاوبتنيش
ابتسم بسخريه -خايف متستحملش الصدمه
تجاهل مالك سؤاله و ذهب دون أجابه

....يتبع....

•تفتكروا مالك هيعترف لهايدي علي اللي عمله
•و ايه الخدمه اللي طلبها كريم من ليلي
•اللي هيخمن صح هقولوا ايه اللي هيحصل الفصل الجاي 🥰🔥