هل ستغفر؟ (مكتمله)

الفصل التاسع و العشرون

الفصل التاسع و العشرون
في المشفي كادت ان تموت بالفعل كانت تشتعل و هي حيه تبكي و لكن هو ليس بجانبها ليمسح دموعها كالعاده و لكن كانت هناك ليلي الصديقه و الاخت
-الحقيني يا ليلي ..قتلوه ..انا مش عارفه اعمل ايه هموت
-متخفيش هيبقي كويس ..مش كمال اللي معاه جوا يبقي هيعمل اللي عليه
مرت ساعتين خرج كمال ركضت اليه بلهفه -ماله
-اصابته خطيره بس الحمد لله بقي احسن هيفوق علي بكره ان شاء الله
نظر إلي ليلي التي لم تنظر إليه مطلقا و ذهب
(في بيت ريناد)
- بصي بقالنا قد ايه ..و انتي قولتيلي هتتصرفي ..انا همشي الدنيا ..انتي حره بس انا مش هرجع في حقي و وعدي ..مالك سرحانه ليه
-مالك في حاجه عايزاك تشوفها بس مش عارفه هتستخدمها ازاي عشان الموضوع خطير يخصك ..انت اللي هتتصرف
-فيه ايه
اخرجت عده ورقات و اعطتها إياها نظر لهم بعد بضع دقائق توسعت عيناه و رفع رأسه تدريجيا -ينهار اسود
-هتقدم الورق ليها..هتعرفها الحقيقه
صمت قليلا و فاجئها -ايوه (صدمت) انا لازم انتقم منها هي دمرتني و انا هدمرها هي رفضتني انا المره دي اللي هرفضها
ابتسمت بسخريه -انت يا للدرجه بتحبها يا للدرجه دي شرير و مبحبش حاجه تضيع من اديك او ترفضك
اقترب منها- جايز يكون معاكي حق بس الاكيد ان الحب ده هو اللي حولني لشرير ..و بعدين دي حاجه حلوه هعرفها حقيقتها ..المهم هنعمل ايه مع هايدي و كريم
-هو انت للدرجه دي وحش يا مالك انت هتدمرها
-متخفيش ميبقاش قلبك ضعيف ده انتي ريناد حتي هي كده كده هتعرف ..هااا
-براحتك دي مشكلتك .. بالنسبه لهايدي و كريم طول ما انت ماشي في سكه الكريم الكراميل مع هايدي هتاخد عليك و هنعرف ازاي ندمرهم ..عن اذنك هدخل اغير عشان اروح الجورنال
-اوصلك
ابتسمت-ميرسي يا هتلر
ضحك-العفو يا ريا..ضحكتك حلوه
-بجد ..وانت كمان ..شكرا
بعد قليل من الوقت اتصلت هايدي بمالك و اخبرته ان يعتني بوالدته لما حدث مثل كالعاده الصدمه و الخوف و الحب و لكنه وافق، مر يوم و ليلي و هايدي في حاله مزريه بعد المغرب من اليوم التالي افاق كريم حمد الجميع الله وركضت إليه هايدي
-حمدلله علي سلامتك يا كريم انا اسفه انا...
بصعوبه رفع يده و وضعها علي فمها و نطق (متصدعنيش) ضحكت بشده من السعاده و ابتسم هو و في المساء عندما نام قررت البوح بما في داخلها و ليكن
-كريم انا عارفه انك مش سامعني و انتا هتجنني بس برضوا ب..بحب..بحبك انا كنت هموت يا كريم لو جرالك حاجه ..انا مقدرش اعيش من غيرك ..انا شايفاك جوزي انا اول مره اتحط في المشاعر دي اول مره اعيشها اعيشها معاك يا سايكو (مجنون)
بكت بدموع ظلت اسيره عيناها يبوح بها صوتها و انحنت عند يده و ظلت بجانبها فتح عيناه اخيرا بعد جهاد فما لم تعلمه هايدي انه كان مستيقظ و سمع ذالك الاعتراف و لكنه اغلق عيناه من الم و تعب و لم يستطيع فتحهما و لكن كل حواسه مستيقظه ابتسم كريم بسعاده
وبعد يومين تحسن كريم قليلا اتت رؤي ودلفت للغرفه
-كريم حبيبي انت كويس
-انا كويس اهدي
ببكاء -اول ما اونكل ممدوح قالي انا كنت هموت
-بعد الشر عليكي يا عمري..هو انا مهم اوي كده
-طبعا انت بتهزر
كادت هايدي ان تكسر اسنانها بفكها من ضغطها عليه و صدمت و احترقت كالورقه
هايدي بحده-انتي مين
رؤي ببراءه- انا رؤي
كريم و قد فهم -دي اختي يا هايدي..ااختيي
نظرت لها رؤي- انتي هايدي مرات كريم
ابتسمت و اطمئن قلبها -ايوه و انتي رؤي انا بسمع عنك و كان نفسي اشوفك
دلف ممدوح -كريم انت كويس
نظر كريم بعمق -اها الحمد لله
اطمئن الجميع علي وضع كريم
رؤي- هو هيخرج امتي كده
-يعني بعد يومين كدن
-احم ..طيب ينفع بعد اذنك ابقي اجي ازوروا في بيتكوا
-اهاا طبعا يا حبيبتي انتي تيجي علطول و في اي وقت من غير استأذان
انتهت الزياره و ذهب الجميع و اخذت الفتاتان ارقام بعضهما
-مقولتليش مين الاستاذ ده
زفر كريم -ده اللي رباني بعد ما ابويا و امي ماتوا كان شريكه في الشغل و صحاب خلاني اكمل انا و رؤي تعليمنا بعد ما اتقبلت في كليه الشرطه و رؤي ثانوي و اتخرجت من كليه اعلام و رؤي دلوقتي بتشتغل في الشركه بتاعته
-اهاا فهمت ..ربنا يباركله ده عمل خير كبير ربنا هيديله بيه و كان صاحب وفي لباباك (ابتسم كريم بسخريه)
(في بيت ممدوح)
-نظراته مش مريحاني تفتكر هيبعنا
-لا يا باشا معتقدش كريم مش كده و بعدين اللي هيطولنا هيطوله فمش هيقدر بس انا بفضل نبعد عنه الفتره دي
-ماشي يا رضا ..اما نشوف
ذهبت ليلي لزياره كريم و اتاها اتصال من باسم فخرجت للرد و اثناء تحدثها اتي كمال و سمعها
-يا باسم مش هينفع نخرج مشغوله please(ارجوك) متزعلش ..حاجه متتأجلش (ضحكت) ماشي يا سيدي شكرا
التفتت لتجد كمال اختفت ابتسامتها تدريجياو تعاملت برسميه
-ازيك يا كمال
-الحمد لله ..شايف انك مبتخروجيش مع خطيبك
-اهااا ده انت متابع بقي علي العموم دي حاجه شخصيه يعني مثلا انا قولتلك انت خرجت انت و خطيبتك ولا لا
كمال -بس ايه مش حلوه بذمتك
تماسكت و قررت ان ترد الطعنه -بالعكس دي ملكه جمال و هاديه و شكلها متربيه بس نصيحه مني لو خطبتها عشان مامتك مش عشان بتحبها بلاش عشان متجرحهاش ..عن اذنك
دلفت للداخل قبل ان يتحدث قبل ان يلومها قبل ان يتهمها بالخيانه ،في اليوم التالي استغلت ريناد مرض كريم لتتقرب منه و تأخذه من هايدي ذهبت للمشفي لتقوم بتلك الحركات بعد ذهاب ريناد ظلت هايدي تابعه الصمت
-مالك يا هايدي
-مفيش....هي ريناد حلوه صح (ضحك)
ايه بتضحك ليه
-هايدي انتي شوفتي معاملتي كانت عامله معاها ازاي عادي جدا
تصنعت الامبالاه -لا متفهمش غلط انا بس كنت عاوزه اعرف رأيك كراجل في بنت هادي يعني
ولاغاظه هايدي -لا لو كراجل فهي حلوه جدا كمان (زفرت و ادارت وجهها)بس انتي احلي
اطفئ النيران -بجد
-ريناد عينها خضر و شعر و جسم بس انتي قلبك اهم ما فيكي و مش معني كده انك وحشه انتي عنيكي البني دي اجمل عندي من مليون عين ملونه بتسحب اللي قدامها
-انت كمان عنيك حلوه علي فكره
-امم بجد
اقتربوا قليلا و لكن كريم تأوه من جرحه
-ارتاح انت هتخرج بعد يومين خلاص
مر اليومين و عادوا للمنزل و اطمئنت هايدي علي والدتها التي تقدمت كثيرا في علاجها و حزنت كثيرا علي كريم و وضعه التي بقي سر عنها طوال تلك الفتره ،اتت الزيارات لكريم (في المساء)
-بس اختك دي عسل اوي
ابتسم-رؤي..رؤي لمضه بس جميله
-ربنا يحميها
-يارب رؤي دي كانت الحاجه الوحيده اللي مخلياني موجود و عايش و بضحك في عز ما اتحملت صدمات كانت كفيله بموتي
-سبحان الله ربنا بيعوضنا بناس في حياتنا بعلاقات عشان تكملنا يعني عارف علاقتي انا و انت بقي عندك ام زي ماما كأن ربنا بيعوضك اللي خسرتها و انا عندي اخت زي رؤي ..في الوقت اللي كنت مكيور فيه ربنا اداك رؤي تصلحك و اداني ليلي تنسيني ..قدر ربنا جميل
-صح معاكي حق...صحيح انا عاوز احلق دقني طولت
-طيب نحلقها دلوقتي
ذهبوا للمرحاض و ساعدته علي الجلوس و بدأت في وضع رغوه الصابون و بدأت بالحلاقه تقاربت العيون و اخطلت الانفاس
-عنيكي حلوه (ارتبكت و افلتت الشفره فجرحت في وجهه جرح صغير)
-انا ..انا اسفه
-عادي هو في حاجه حصلت اصلا
-انت عارف انك اكتر واحد بعد ليلي بترفع من روحي المعنويه ..يعني لما بعمل حاجه غلط بتدعمني
امسك يدها -اقولك انا علي حاجه (اومأت بنعم) لو انتي قتلتيني برضوا هدعمك ..هو انا دقني مش هتكمل ولا ايه
افاقت -اها طبعا ..انا كنت بحب شكلك بدقن بس دلوقتي طلع شكلك حلو
-بس كده ده انا احلق كل ساعه لو عايزه ضحكوا سويا و مر اليوم و في الليل
-هايدي عايز اطلب منك طلب و مكسوف
-لا طبعا يا كريم قول
-انا هبقي لوحدي في الاوضه و انا تعبان و انتي لازم تكوني قريبه مني ينفع تباتي معايا
نظرت له مفكرهو قد قررت

.....يتبع....