هل ستغفر؟ (مكتمله)

الفصل الثلاثون

الفصل الثلاثون
-تمام ..حاضر
-انا اسف
-متتأسفش انت معاك حق (امسكت وجهه)كريم انت مش مقدر انك ضحيت بنفسك علشاني دي حاجه كبيره اوي عندي
اقتربا من بعضهما قليلا و لكن تلك المره من ابتعدت كانت هايدي قررت ان تكون تلك المره اللاعب و ليس الكره التي يلعب بها
-يلا عشان تنام ..هتغير هدومك
ابتسم- كان علي عيني
احرجت -احم احم
-انا هنام بهدومي
-طيب يلا نام
-انتي هتنامي فين
-علي الكنبه ..مالك شكلك عايز تقول حاجه
-كنت عايز ..اقول يعني..نعمل زي ما عملنا في شرم احسن ليكي عشان متتعبيش و انا محسش بالذنب
-خلاص ..تمام..يلا تصبح علي خير تعالي اساعدك
بالفعل ساعدته في التمدد ذهب كلاهما في النوم في الصباح استيقظ كريم علي تلك الناعسه نظر إليها و ابتسم استيقظت الاخري و ابتسمت لتلك الابتسامه الجميله الحنونه
-صباح الخير
-صباح النور
بعد مساعدتها له و بعد الافطار طرق الباب ،فتحت
-ايوه
-اهلا انا عليا بعتني دكتور كمال عشان اغير علي جرح استاذ كريم
-اها اهلا و سهلا اتفضلي(صعدا للاعلي)
-لو سمحتي يا مدام ساعدي جوزك يقلع القميص
توسعت عين هايدي و احرجت و ضحك كريم فنظرت له بحده فكتم الباقي بالفعل ساعدته انتهت بصعوبه بالغه حتي انتهت كانت لا تنظر إليه بتاتاً (فالحياء شعبه من الايمان)كانت الممرضه منهمكه في عملها ولا تدري ما يحدث من حولها لكنه تأوه فتأوه قلبها
-مالك انت كويس
-الحمد لله
-متخفيش يا مدام هايدي امال متجوزه ضابط ازاي ههه
انتهت الممرضه وذهبت و هي تساعده في ملابسه
-احسن دلوقتي
-اها الممرضه اديها حلوه
رفعت احدي حاجبيها- حلوه ازاي يعني
-يعني محستش بيها
-اهاا ..طب علي فكره انا ليا خبرتي في المواضيع دي ممكن ابقي اغيرلك انا
-ازاي عرفتي بقي
-كنت بشوف عليا دي مع ليلي و هي بتغير علي الجرح و لقطها و عرفت
-اها ده انتي شاطره بقي
ابتسمت و طرق الباب فكانت ليلي فتحت
-ايه يا ديدا عامله ايه و كريم
-كويسين الحمد لله و انتي و باسم
-امم تمام
-مش من قلبك
-فيه ايه يا هايدي و بعدين انتي كمان مش عجباني
-مش عارفه يا ليلي اسمي اللي بينا ايه كل ما اقول هنبعد الاقي حاجه بتقربنا من بعض
-انتي بتحبيه
-لا انا بعزه بس
ليلي بأصرار -لا انتي بتحبيه يا هايدي و متنكريش
-تمام انا بحبه بس كريم و انا لا يمكن يبقي بينا حاجه لان هو اللي عايز كده
-طيب روحي قوليله
-انتي مجنونه انا لا يمكن انا لا يمكن اعترف بده عشان المفروض واحد هو المفروض اللي يعمل كده و اتنين عشان هو مش عايز كده
-طيب لو جربتي
-انتي جربتي تقولي لكمال انك بتحبيه
توسعت عين ليلي غير مصدقه -قصدك ايه يا هايدي
-............
-هايدي انا واحده مخطوبه يعني مينفعش يكون في تفكيري حد تاني غيره دي خيانه
-طب و ليه تعملي كده في نفسك
-بصي يا هايدي مش كل حاجه هنعوزها هنلقيها كمال بيخاف من الارتباط حتي لو بيا ..كمال هو اللي اروح اتجوز ..كمال اتخلي عني .. لايمكن يا هايدي انا و كمال
في حالتنا مستحيله و بعدين انا مش عاوزه اتجوز اصلا و هو ليه حياته و انا ليا حياتي خلاص انتهي احنا صحاب بس انا مش منتظره اكتر من كده ..عشان كده بقولك مش مهم كريم مقالش كريم عمل (اخدتها في احضانها)
لقد علمت ان صديقتها تشكو مما تشكو منه بل اسوء مضي اليوم كغيره
ليلي في الهاتف -يا باسم انا مش عارفه انت مالك قولتلك انا في الاخر هبقي مراتك بلاش حركات المراهقين دي...مش
عايزاك ايه انت عملت ايه عشان ابعدك ..
كل ده عشان مخرجتش معالك علي العشاء..انا عارفه انها تالت مره بس صدقني بيبقي في ظروف..خلاص انا اسفه..انت شايف كده..اوكي سلام
(حاجه قرف)
هايدي في المنزل تساعد كريم بأطعامه لاحظ شرودها
-فيه ايه طنط مني كويسه
-اه الحمد لله مفيش حاجه
-لا في
-ليلي و كمال ..كمال جرح ليلي و الاتنين بيدمروا بعض و اللي بيحصل ده كلوا اكبر غلط
كريم ببرود طبيعي -ليه
-هو ايه اللي ليه يا كريم ..اتنين بيحبوا بعض و هما عارفين كده كويس و بيأذوا بعض
-بصي يا هايدي اكيد كل واحد ليه اسبابوا و في الاخر المكتوب هيحصل جايز تكون ليلي غلطانه او كمال او هما الاتنين بس هما اللي هيفهموا بعض
-كلا مك نصوا صح و نصوا غلط
-ازاي
-عشان في ناس بتغلط و راضيه و هي عارفه نفسها انها بتغلط زي كمال و ليلي كده و انت
-انا ..انا ازاي
-زي انا مش فاهمه طريقتك و تفكيرك و انت فاهم انك كده بتحميني و بتفيدني بس بالعكس انت بتبعدني عنك يا كريم
-هايدي مش لازم اعتقادك يبقي دايما صح و بعدين انتي فكراني مبسوط و انا بتهرب منك انتي فكراني مرتاح و عايز كده انتي مدخلتيش جوايا و احمدي ربنا ان ده محصلش فعلا
-انت صعب اوي يا كريم انت لغر غريب
-بالعكس مش يمكن عشان انتي فضولك اللي عاوز يعرف اكتر مش مريحك
امسك يدها - صدقيني اي حاجه عاوزه تعرفيها هتكون مش من مصلحتك
-طيب سؤال و تجاوبني عليه بصراحه
-اممم
-ليه كدبت وقولت انك خاطب ليه؟..ليه اتصرفت معايا كده؟ ..ليه كلامك حاجه و افعالك حاجه تانيه ؟
صمت قليلا - عشان ..عشان كنت خايف اني احبك و انك تحبيني ..هتصدقي لو قولتلك اني كنت بقنع نفسي سعات اني خاطب فعلا
سحبت يدها -للدرجه دي يا كريم مش عاوز حاجه بيني و بينك للدرجه دي انا كنت هم بالنسبه لك ..انا اسفه بجد
-هايدي انتي فاهمه غلط ده عشان مصلحتك
-انت لو كنت عارف مصلحتي مكنتش عملت كده عارف يا كريم سبب من الاسباب اللي كنت عاوزه اطلق منك علشانو اني خايفه مش بس منك زي ما قولتلك في المستشفي ..انا خايفه اتعود عليك اكتر و فجأه متبقاش جنبي انا عشت طول عمري وحيده لدرجه كنت بحب الوحده لكن لما بقيت في حياتي بقي فيها صوت اتعودت كنت خايفه لادمنوا لاني عارفه انه مش هيكمل قولت اتخلص منه قبل ما اتجنن ..تقدر تقولي ايه مصلحتي و انا متحيره و احنا علاقتنا بايظه ..كنت واجهني لكن متعملش كل ده قولي امشي حذرني و قولي احنا مننفعش لبعض بدل ما تغير معاملتك و تحاول بكل جهدك تكرهني فيك
- انا اسف بجد بس انا شخصيا انا بعمل ايه كنت عاوز احميكي من غلط انا السبب فيه في حياتي
-عن اذنك يا كريم لما تعوزني ابقي نادي عليا
-هايدي (وقفت بظهرها و لم تنظر إليه )....انا سعات بخاف اكتر منك ..سعات بتقوم جوايا حرب و انا من بره لوح تلج ..لوميني.. لوميني علي قد ما تقدري بس هاتيلي حاجه واحده الومها علي اللي وصلتله
ذهبت اليه و عانقته لما شعرت به من الم بداخل المحبوب
-انا اسفه ..اسفه
-انا اللي اسف مكنتش عاوز اوصلك لكده
ذهبت ليلي لمكتبها في الصباح و قابلت زينب
-صباح الخير يا زوزو
-صباح النور يا لولا
-انا داخله ابعتيلي ال file (الملف) اللي كنا شغالين عليه امبارح
-حاضر بس بصي الظرف ده جيت الصبح
لقيته مكتوب عليه اسمك و هام و خاص جداً
ابتسمت -ماشي شكرا
دلفت لغرفتها و فتحت الظرف و تمعنت القراءه و التدقيق في شهادات الميلاد الموجوده امامها حتي كشفت سرها قررت مواجهه ذالك الاب بتلك الحقيقه خرجت مسرعه إلي الشركه و المنزل و لم تجده انتظرت وبعد طول انتظار بالنسبه لها أتي أبيها
اندفعت إليه - كنت عاوزه اقولك علي حاجه
-طيب قولي مساء الخير الاول و بعدين باسم عمال يتصل عليكي و ...
بصراخ -لو سمحت من فضلك ..انت مين و امي مين
توسعت عيناه و و برقت

....يتبع....