هل ستغفر؟ (مكتمله)

الفصل السابع و العشرون

الفصل السابع و العشرون
-هايدي- نتطلق=كريم -مش هنتطلق
-ليه يا كريم
-بصي يا هايدي انا عايزك تعرفي حاجه واحده..انتي لو هتكبري و تعجزي و انتي لسه مراتي في سبيل حمايتك انا مستعد
-كريم من فضلك نتكلم علي انفراد
(دلفوا خارج الغرفه)
-انا عاوزه افهم ليه كل ده
-هايدي احنا مفيش ما بينا لا محاكم و لا اولاد ولا حاجه شخصيه عشان اجبرك تفضلي معايا انا عاوز احميكي..انا عارف انك مش طايقه الوضع ولا طايقه اني اكون جوزك حتي لو ..
-مين قالك كده ..مين قالك ..كريم انت عارف السبب الاساسي في طلاقي منك اني خايفه..خايفه من معاملتك الغريبه انت غامض يا كريم و مجهول بالنسبالي
-خايفه مني ..انا ..انا..ده انا معاملتي دي عشان احميكي
-من ايه
-من نفسي
-ايه كلام الافلام ده
-هايدي انا اخطر بكتير عليكي من كوني بحميكي..انتي خايفه مني..وانا خايف عليكي ..اخر الكلام مفيش طلاق دلوقتي
-عن اذنك
في المساء ذهب مالك ليوسوس في اذن امه بتلك السموم و بتمثيل بارع
-انا قولتلك الحقيقه عشان خايف عليها احنا لازم نمنعها..مالك ساكته ليه
-بقالك اسبوع ساكت و مبسمعش صوتك و يوم ما تتكلم عشان تعترف علي اختك.. انا عارفه كل حاجه يا مالك هي قالتلي ..ارجوك متعملش كده في اختك اي حاجه حصلتلك مش هي السبب فيها
فشلت خطته ليعيد كذبه و تمثيله مره اخري
-يا ماما انا عارف و انا مش عايز اكون وحش معاها قررت اني هحبها و اكون معاها و نبقي اخوات بجد
سعدت مني لتلك الكلمات المزيفه
-ربنا يخليك يا مالك ليها
ابتسم و قرر ان يلجأ الي الخطه الاخري المتفق عليها و هي استعطاف اخته و التمثيل عليها حتي تثق به و يستطيع تدميرها خرج من الغرفه و جلس يفكر ، هايدي اتت حامله اكواب الشاي الساخن اوقع قداحه السجائر التي اصبح يتناولنا في الفتره الاخيره كادت ان تنذلق هايدي و لكنه امسك بها و هو يمثل
-انتي كويسه حصلت حاجه
هايدي بصدمه منه و مما كانت ستتعرض له ستحترق لتوها -ايوه الحمد لله
-خدي بالك يا هايدي بعد كده
دلفت للداخل جلست مع والدتهاو كريم وليلي يمرحون معا دلف مالك ليستأذن بالذهاب لعمله فخرجت خلفه هايدي
-مالك..مالك انا عاوزه اقولك شكرا علي انقاذك ليا و بعدين مالك صدقني انا مش عاوزه حاجه غير مصلحتك انا ليه هأذيك انت اخويا ..انا عمري ما فكرت ابعد عنك ليلي و موضوع بابا و ماما ده انا زيي زيك
نظر لارض و بداخله يقول (لا مش زيي انا لحد اخر لحظه اتحرمت منه)
-انا اسف لاني قولتلك كده بس انا كنت مضايق من موضوع ليلي مش اكتر فقولت اي هبل
-و انا مش زعلانه يعني خلاص هنبقي اخوات و نتكلم و نخرج و نسهر مع بعض
-طبعا
اندفعت الي احضانه لاول مره يعانق اخته ولكنه مزيف ككل شئ كم ان هايدي غبيه صدقت حنان مزيف و كلمات مسمومه ،فلقد قضمت التفاحه السامه و عليها تحمل عواقبها
-يلا يا ليلي روحي
ابتسمت ساخره -انتي بتطرديني يا طنط مني ولا انتوا عشان اغنيه مش حاسين بالغلابه اللي زيينا
-ههههيا بنتي خليكي جاده شويه ايه الاوفر ده بقالك اسبوع قارفاني
-ههه لازم يا طنط امال ازهق مين غيرك يا قمر انت
-طيب يلا روحي عشان الوقت اتأخر و باباكي ميقلقش عليكي
ابتسمت بسخريه -لا من الناحيه دي متقلقيش
-ليلي انا مبحبش اكرر كلامي يلا
-حاضر.. تصبحي علي خير
ذهبت ليلي للمنزل لتتفاجئ بوالدها ينتظرها علي غير العاده -تعالي يا ليلي
-خير في حاجه
-خبر سعيد ..انتي اتقدملك عريس و هو كويس جدا
صدمت ليلي -بس يا بابا انا مش عاوزه اتجوز
غضب بشده -ايه دلع البنات ده..هو اي عريس هيتقدملك هتقولي عليه حاجه مش كفايه مالك اللي فركشتي الموضوع من وراياه الولد المرادي كويس و ابن ناس (باسم المغربي) و انا اعرفه معرفه شخصيه و انتي شوفيه قبل كده
-ثانيه واحده هو ده اللي شوفته في المؤتمر بتاع شرم
-ايوه شوفتي عيونه زرقه و رياضي ورجل اعمال شاطر وكل البنات بتجري وراه
-عيون و جسم و شكل ايه اللي بتتكلم عليه مش كل ده اللي يهمني ..ده مغرور و فاكر نفسه مقطع السمكه و ديلها ..و ده مش الزوج اللي انا عاوزاه
-مهو ده اللي هتتجوزيه يعني هتتجوزيه و طبعا مش دلوقتي اتعرفي عليه في فتره الخطوبه
بكت و ذهبت لغرفتها و قررت ان لا مفر ستفعل مر يومان و اتي الشاب مع والده و والدته دلفت ليلي لمجلسهم بعد فتره
-السلام عليكم
رد الجميع السلام كانت ليلي اقل زينه لها و لكنها كانت جميله لا شك لم تكن ابتسامتها من قلبها و لكنها كانت جميله و فاتنه( سيداتي و سادتي إن لم تكن العيون ملونه و شعر اشقر و لكن جمال الروح و الابتسامه لا يمكن مقارنتها بتلك الاشياء )لم تكن تنظر لاحد كانت الارض اقصي طموحها و لكن ( باسم)كان ينظر لها بأستمرار بعد الاتفاق علي معظم التفاصيل الهامه و كذالك الخطوبه قرروا ان يتركوا العروسين و هو لايزال يحدق بها و هي تحدق بالارض ببرود ،واخيرا تحرك الصنم ليلي و خرجت لتستمتع بالورود في الشرفه و كأن تلك باسم ليس له وجود و لكنه اقترب وقطف ورده واعطاها لها نظرت له دون ان تأخذها و لكن قررت ان لا تكون فظه و بالفعل اخذتها و قالت بكل هدوء (شكرا )
-مقرتيش الفاتحه معاهم يعني
ليلي ببرود- قولت في سري
تفاجأت به يمسك يدها في حنان
-انا عارف ان انتي لسه مش عارفاني و اكيدي خايفه
سحبت يدها بهدوء -انا مش خايفه بس كويس انك عارف ان الوضع غريب و اني معرفكش
-بس انا معجب بيكي من فتره
-بجد ..ازاي و امتي
-انا شوفتك من فتره في شركه باباكي و افتكرتك لما شوفتك في المؤتمر و بعدها سمعتك و انتي بتغني مع صحابك و صوتك حلو جداا
-شكرا كلك ذوق
#flash back
احدي العملاء الاجانب -انسه ليلي اقدم لكي احدي المساهمين في المؤتمر السيد باسم المغربي
تحدث بغرور و قليلا بينما هي تحاول تذكر تلك الوجه المألوف رحبت بأبتسامه مشرقه -جميله زي شغلك ..باسم حسن المغربي
-شكرا للمجامله ..ليلي محمد سليمان
..اتشرفت
-اكيد هيبقي في شغل بينا قريب
-شرف لينا يا فندم.. عن اذنك
التفتت و هي محتنقه من نظراته و بروده و غروره
(في اخر ليله في الرحله في مقهي جميعهم)
هايدي بسعاده -غني يا لولا صوتك حلو ..غني عشان خاطري
ليلي بخجل- طيب اغني ايه..خلاص عرفت (و بصوتاً عذب)
• حبيته بيني و بين نفسي و مقولتلوش ع اللي في نفسي معرفش ايه بيحصلي لما بشوف عنيه
• مبقتش عارفه اقوله معرفش ليه خبيت عليه بضعف اوي و انا جنبه و بسلم عليه
• كل حب الدنيا ديا في قلبي ليه ..ده انت اغلي الناس عليا روحي فيه.. ده انت لو قدام عنيا اشتاق اليه
• علي بالي و لا انت داري باللي جرالي ..والليالي سنين طويله سيبتهالي ..يا انشغالي بكل كلمه قولتهالي
• علي بالي و لا انت داري باللي جرالي ..والليالي سنين طويله سيبتهالي ..يا انشغالي بكل كلمه قولتهالي
• ده الكلام لو كان يعبر ع الحنان كنت قولت اني بحبك من زمان ..كل يوم الشوق بيكبر عليا بااان
• علي بالي و لا انت داري باللي جرالي ..والليالي سنين طويله سيبتهالي ..يا انشغالي بكل كلمه قولتهالي
حياها الجميع لعذوبتها و ابتسم مالك لذالك الصوت الملائكي و الذي كان يراقبها منذ ايام الحفل و اعجب بها بل احبها كلياً (فمن منا لا يحب الملائكه)
#Back
-بتحب الصراحه و لا بتخاف منها
نظربأستغراب -هو المعروف كلنا بنحب الصراحه بس لو انتي عاوزه حاجه تانيه انا ممكن....
-انت معجب بيا ليه صارحني و انا كذالك من غير زعل
-عشان انتي مميزه في كل حاجه في شكلك و تفكيرك ..تسحبي اللي قدامك
-طيب خليني صريحه انا الصراحه انا مش شايفه فيك حاجه و برضوا شيفاك مغرور و بارد
ابتسم ببرود -قديم اوي نظام التطفيش ده
-دي الحقيقه مش بطفشك لو عايز تكمل معايا تمام
امسك يدهاو قال لها و هو ينظر بعينها
-الكل محتاج فرصه انا و انتي عاوزين ندي فرص لبعض
سحبت يدها بهدوء - تمام موافقه و فتره الخطوبه موجوده
-و انا هكتفي بالكلام ده لحد دلوقتي لحد ما احط مكان جواكي ليا نبتدي من اول و جديد و نتعرف (مد يده لها)انا باسم مغربي
لوهله تذكرت ذات الذكره مع كمال لمعت عيناهامن اشتياقها مدت يدها مصافحه إياه- ليلي محمد..سليمان اتشرفت ..عن اذنك
-ليلي..شكرا
(في المشفي)
كمال بنفاذ صبر -يا ماما اوعدك افكر في موضوع العروسه ..سلام
زفر في حنق و ابتسم و هو يتذكر مزاحه هو و ليلي عن ذالك الامر
مرت الايام ببرود مع هايدي و كريم حيث ركز كريم علي حمايتها و هايدي مع والدتها و علاجها، و في يوم تجمع في المشفي حول والده هايدي دلف كمال للغرفه ليحيي مني و لكن ليلي فاجئت الجميع قائله
-يااا جماااعه ..عاوزه اقولكوا علي حاجه ..انا خطوبتي بعد ٤ ايام و كلكوا اكيد هتيجوا
سعدت مني و هايدي و كريم للغايه و باركوا و لكن هناك من مات و هو حي اي كمال و مالك غضب و لكن كمال عيناه تشبثت بليلي و كأنه يلومها و يعاتبها

....يتبع...

رأيكوا مش عارفه ليه مزعلتش ان ليلي هتتخطب عشان كمال هو اللي فرط فيها🤔

توقعاتكوا لعلاقه هايدي و كريم الخربانه دي انا نفسي متلخبطه🤣🤣