هل ستغفر؟ (مكتمله)

الفصل السابع عشر

الفصل السابع عشر
-ااايه..اتخطبتوا امتي و ازاي
- من فتره
-و ازاي متقوليش
-كنا اكيد هنقول
-امتي لما تخلفوا و بعدين مخطوبين و عايشين مع بعض
-مهو ..ااصل احنا .ك..كنا هنتجوز الابوع اللي فات لولا موضوع ليلي و انا كنت في حاله نفسيه وحشه فكان بياخد بالو مني
ابتسم بسخريه من قصه الحب الغير حقيقيه- و انت يا استاذ خطبتها و كنتوا هتتجوزا كده من غير ما ترجع لولي امرها
ليخرسه كريم- ولي امرها مين اللي حاول يقتلها
توسعت عين هايدي و مالك من الصدمه بينما ابتسمت ليلي بفخر من كريم و هي بداخلها تقول بمرح(بوووووم.. الله عليك يا فخر العرب) حاولت ان تكتم ضحكاتها ثم اكمل كريم:انا هروح اكلم مامتها ان شاء الله و الموضوع ده يخصني انا و هايدي بس ..شرفت
"كاد ان يغشي علي هايدي من هول الصدمه هل بالفعل اكمل معها كذبتها بل اتقنها، ذهب مالك و دفع الباب خلفه بعنف احمرت وجنتاه هايدي و لم تستطيع مواجهته ركضت لغرفتها لاعلي لحقتها ليلي ابتسم كريم ابتسامه لا يعرف مصدرها هو فقط سعيد بتلك الكذبه الجميله"
(في غرفه هايدي)
-اهدي بقي يا هايدي
-انا مش قادره افهم يا ليلي انا ازاي قولت كده .. ازاي اترددت اني اقول الحقيقه و اكدب كدبه تانيه و مش اي كدبه ده مصير
-خلاص اهدي هنلاقي حل ..نقول ان الخطوبه اتفسخت مثلا
- مينفعش كده هيطلع ندل قدامهم ..انا حتي مفكرتش هو هيبقي شكله ايه او ظروفه ايه..قراره ايه.. تمام ماشي انا و هو اتخطبنا مينفعش نتجوز و حاليا مينفعش نفسخ الخطوبه
-هو انا الصراحه متوقعتش منه انه يكمل هي الكذبه .....طيب ما تعملوها
-نعمل ايه يا ليلي انتي اتجننتي ده جواز مش لعب
-الموضوع شكله كبير و بعدين لسه لحد ما نلاقي معلومه جديده (اضافت بمرح) و نشوف مين اللي هيضرب الرصاصه الجديده يكون عدي شهر شهرين ..تطلقوا
-ليلي يا حبيبتي هو الدوا اللي انتي اخدتيه ده اثر عليكي ..انتي بتهزري
-طب ولله بتكلم بجد
-واحده اطلقت بعد شهر شهرين من جوازها ..تفتكري منظري هيبقي عامل ازاي
-هو كده كده هيبقي جواز صوري و احنا مش هنعلنه ..يعني بعد اللي حصل ده هيبقي قدام اخوكي و مامتك قصاد الناس اصدقاء عادي الا لو حد استظرف بالكلام ممكن تقولوا انكوا متجوزين
هايدي باستفهام و تفكير-ليلي انتي عاوزاني امثل قدام ماما و مالك اننا اسعد زوجين و قدام الناس just friends و في الحالات الميؤس منها اوي نعلن جوازنا ..تمام جداا. طب نفرض مثلا يعني مثلا اني اتجوزت النهارده و العصابه اتقبض عليها بكره ..هااا ازي المرمطه
اجابت ليلي بمرح و هي تفعل كالافلام القديمه و تلوح بيديها - ساعتها بقي تقولي مش عاوزاها بكرهوو طلقوني منووو
-انتي بتهزري يا ليلي
-بقولك ايه احنا كل اللي احنا فيه ده ليه الكذبه دي بذات ليه مش عسان مامتك و اخوكي ميعرفوش بموضوع العصابه اللي لو عرفوا هيمنعوكي عنها و يسودوا ايامك لما العصابه تتمسك الكل هيعرف كل حاجه كده كده ..هما حلين يا تروحي تقولي علي كل حاجه يا تتجوزي و انتي ساكته..اختاري بقي
هايدي بتفكير - انا كده كده هطلع كدابه ف ابقي و كدابه و عملت اللي عاوزاه و لا كدابه و معملتش حاجه ...(زفرت) هكمل و امري لله
-يااا يا ديدا ده الكذب ده طلع صعب اوي ههه
-هنعمل ايه هوصلوا الكلام ده ازاي
-سيبي الموضوع ده عليا و هو كويس جدا انه مكشفكيش و طلعك كدابه و بعد القصف اللي اداه لمالك ده حبيتوا اكتر ههههه
"اوضحت ليلي ل كريم الوضعبهدوء و شكرته علي بسالته و تضحيته و قد ابدي كريم الشجاعه و المسؤليه استمرت هايدي في تجنب المحادثه و النظر الي كريم علي غير عادتها لمده يومين ذهب لغرفتها و طرق الباب ، فتحت هايدي مبلله الشعر تصبح الاجمل علي الاطلاق عندما تبتل خصلاتها نظر لها كريم و ابتسم بينما هي احنت رأسها لاسفل رفع رأسها بيديه تلك القشعريره التي شعر بها عند لمسها لم يشعر بها من قبل لقد جعلته يعيش الكثير من المشاعر الجديده و الغريبه"
كريم بعتاب-ينفع كده يا هايدي
-انا اسفه بجد يت كريم انا مش عارفه انا عملت ك....
-انا مش بتكلم عن ده..انا بتكلم عن علاقتنا اللي ساءت اوي
- انا مكسوفه منك جدا انا حطيتك في وش القطر و جريت حتي مهتمتش انك تكون عاوز ايه ..حسه اني استغليتك
- يا ستي انا مبسوط بأستغلالك و بعدين انا مش زعلان و انا عارف ان مكنش قصدك حاجه و حشه
-طيب ينفع اسألك سؤال خاص
-اكيد..خير
-هو انت ..م..مفيش ..حد في حياتك
-لا مفيش ..و خلي بالك احنا لازم نكون بنتواصل احنا في خطه مع بعضينا ولازم ننفذها (و ابتسم)
-ماشي (بمرح و راحه و ابتسامه اكبر)
-بكره هقابل مامتك علي الساعه ٣
توردت وجنتاه هايدي و ابتسمت بخفوت
-ايه ..مالك
-مفيش و ضع غريب اول مره اتحط فيه و منك (و ركضت للداخل بينما ابتسم هو لخجلها)
ذهبت هايدي لبيت والدتها التي قالبتها بفتور
-اول مره اشوف واحده تتخطب من غير رأي امها
ابتسمت بفتور -معلش يا ماما ما انا طول عمري لوحدي.. ايه الجديد ..فيها ايه لما اتجوز لوحدي و بعدين هو يهمك اصلا اذا كنت single ولا متجوزه
مني بغضب-هايدي انتي بتتخطي حدودك
-بقالك اسبوعين متعرفيش عني حاجه و ابنك بقالوا شهر و اكتر و هو عايز يضربني و يموتني و انتي بتحاسبيني ..طب ازاي
-انا معشتش طول عمري بيكي ياهايدي بس في أصول لازم نتبعها
-و انا معتشتش طول عمري بيكي يا ماما و عايزاني اجي دلوقتي و اتبعها
-انتي قليله الادب
-لا انا بويا رباني كويس
- رباكي انك تردي علي امك و بعدين العيب مش عليكي العيب علي اللي مجاش يطلبك مني من الاول
-معلش مهي الحقيقه بتوجع مللهاش علاقه بالتربيه و كريم مالوش دعوه انا اللي اصريت يبقي الموضوع سري ..انا مش عايزه اتخانق في يوم زي ده و كنت عاوزاكي في موضوع
-خير
-عوزاكي متطلبيش كتير يعني حاجات رمزيه جداا انا و هو كفايه جدا لبعض
-نعم
- ارجوكي يا ماما انا اللي هتجوز يبقي تسمعي كلامي انا كده هبقي اسعد
-انتي عاوزه ترخصي نفسك قدامو
-الفلوس مش ميزان ..انا غاليه قدامو بأخلاقي و احنا متفقين و الحب اللي بينا هو اللي هيخلينا نكمل سعداء مش الفلوس (تقول لنفسها:الحب اللي مش موجود اصلا)
مني بنفاذ صبر- طيب يا هايدي انا هسمع كلامك عشان اخلص منك و من زنك و محاضراتك
رمقت هايدي والدتها بغضب قليلا و بعد ذالك وجدتها سارحه و تبتسم تدريجيا و لكنها عادت لصلابتها عند طرق الباب
-العريس جه ..روحي افتحي
لم تتوقع عايدي ذالك اليوم ابدا ان تصبح عروس و الادهي ان تمثل بتلك الطريقه و و تغوص في الكذب هكذا ان تكذب و تكذب فهي تكره الكذب بشده فتحت الباب لتجد كريم يرتدي( بذه سوداء رائعه)ابتسمت بيمنا هو نظر لها و جدها ترتدي (اسلوب الملابس القديمه كالافلام الابيض و الاسود كانت بلوزه حمراء و جيبه سوداء طويله واسعه يتوسطها حزام شكل فيونكه كان اشبه بالفساتين تاركه لشعرها سبيله تضع الكحل و احمر الشفاه (انها فاتنه))
-مساء الخير
-مساء النور...اتفضل
جلست والدتها و مالك و هي و هو و تم الاتفاق علي كل التفاصيل كما ارادت هايدي
مني بحماس -بالنسبه للفرح
هايدي بفزع -لاا
مني بأستغراب - ليه لا
-اصل كريم عنده مهمه ضروريه ف مش هينفع فرح دلوقتي
- طيب خلاص نأجل الجواز
-لا حضرتك انا مستعجل
خجلت هايدي و لم يستطيع كريم ان يجد اي مبرر اخر بالرغم من انه كاذب بارع
-ماما احنا متفقين خلينا زي ما اتفقنا انا و كريم
-هو في جواز من غير فرح
- الفرحه في القلب يا ماما
مني بأستسلام-خلاص ..براحتكوا ..كتب الكتاب الاسبوع الجاي يوم الجمعه
اختلطت نظراتهما في الوسط اذا نظر كريم بسعاده نظرت هايدي بخجل و اذا نظر كريم بحرج نظرت هتيدي بحيره من موقفها (فالنظرات رسائل خفيه)
هايدي لنفسها بعدم تصديق- خلاص هتجوزه الاسبوع الجاي هبقي مراته
ابتسم و هو يقول لنفسه- ياااه مدام هايدي سالم حرم كريم محمد الشامي
طرقات الباب قاطعت كل و احد عن عمله او صمته او تفكيره و دلفت ليلي بجمالها الرقيق قرعت طبول قلب مالك و تهللت اساريره مزح الجميع و رقه و مزاح ليلي الساخر و هرب العريس للشرفه
-هو انت فاكرني مصدق انكوا بتحبوا بعض و عايزين تتجوزوا

......يتبع .....

ايه رأيكوا في شخصيه هايدي؟!🤗
و ايه اكتر شخصيه حبيتوها؟!😍
وقوليلي ايه توقعاتكوا 🤔
محدش يطنش انا عاوزاكوا تتفاعلوا كده و توروني حبكوا للروايه كده شكرا ليكوا بجد