هل ستغفر؟ (مكتمله)

الفصل الخامس و الثلاثون

الفصل الخامس و الثلاثون
-اتخطبتوا
-اه ..انا بحبها
-عشان مجاش فرصه وعشان علاقتكوا حلوه
هايدي ببرود -انا عملت زيك قبل كده و مش بلومك ولا هلومك بس خلي بالك منها
مالك بأضطراب -هايدي انتي زعلانه مني
-لا يا مالك دي حياتك الشخصيه و انت حر فيها بس منكرش اني كنت فكراك اول واحده هتقولها زي ما بقولك دايما
..بس انا وريناد نش هنبقي لطاف مع بعضينا الف مبروك..عن اذنك
-هايدي ريناد كويسه و عامله زيي
-لا يا مالك انت احسن منها بكتير انت عمرك ما حاولت تأذي حد
صعدت لغرفتها بينما نظر مالك إلي كريم شذرا و ذهب و لكن كريم لحقه
-مالك
مالك بحنق-افندم
-فاكر يوم ما قولتيلي علي جوازي من هايدي شو اهو انا هقولك نفس الجمله انت بتعمل شو
كاد ان يصرخ به -انت...
كريم قاطعه- بص يا ابني انت انا هصدقك او بمعني اصح هعمل نفسي مصدقك بس اقسم بالله لو طلع الموضوع ده ليه علاقه بهايدي انت هتشوف مني ايام سوده
مالك ببرود-خلصت..عضلاتك دي توريها لحد تاني مش ليا(و ذهب)
صعد إلي هايدي وجدها في حاله سكون
-انتي كويسه
- اممم
-انتي زعلانه
-انا مش زعلانه من مالك انا زعلانه من اختياره
اخذها بين ذراعه و ليخفف من حده الموقف - احم احم هو الحضن ده مش بيفكرك بحاجه امبارح
ابتعدت عنه منتفضه و ضربته ضربه خفيفه بصدره محرجه و ذهبت تاركه اياه
نادي عليها ضاحكا من اعماقه -خدي يا بت هههههه

-انت ازاي تتصرف كده يا مالك يعني ايه مخطوبين
-اعمل ايه يا ريناد حطني قدامها معرفتش اعمل ايه انا حتي كذبت نفس كذبتهم
-اخ يا مالك كده كريم عمره ما هيبصلي
نظر لها بصدمه -هو ده كل اللي همك طيب ايه رأيك بقي انه كريم عمره ماهيبصلك
-يا سلام ليه بقي ده انا حتي احلي من اختك
-الموضوع مش مين احلي الموضوع في اتنين متجوزين و بيحبوا بعض هو بيحبها و بيحترمها عمره ما هيبصلك و ده عرفته من كلامه و تصرفاته
-تقدر تقولي لو قولتلك نفس الكلام علي ليلي هتعمل ايه ولا انت استغلتني انا و بعد كده اولع مش مهم
بصراخ-انتي هبله ..استغلك فيه ايه انا بعترف ان ليكي الفضل لكن ليلي مش متجوزه و بتحب جوزها و هو بيحبها وانا دخلت وسطيهم و عايز افرقهم
-انت كداب يا مالك و بتضحك علي نفسك انت عشان مش عايز تنتقم من اختك بتحملني انا ذنبها بمجرد ما ليلي لبست دبله واحد تاني و كانت هتتجوز زي ما انت بتقول دخلت بينهم و بوظت الموضوع
لم يسطيع الانكار فمعها حق -زيك بالظبط
مقدرتش اتحمل فرحت غيري صح
تملك منها الغيظ و صرخت به-امشي يا مالك اتفضل اطلع بره مش عايزه اشوفك
مالك بصدمه -انتي بتطرديني يا ريناد
بحده -من فضلك
-تمام انا الغلطان من الاول
(ذهب و كاد ان يهشم الباب خلفه بينما بكت بشده هل لفقدانه ام لانهم واجهه بعضهما بحقائقهما و لكنها اهانته بحق ،اختنقت)
مر ٤ ايام كانوا الاجمل لدي كريم و هايدي و كمال و ليلي حتي عند رضا التي
ظلت رضا تبث إليه حبها الكاذب و عاد الشيطان من رحلته و كان الاسوء بين ريناد و مالك لا ينكران انهما افتقدا بعضهما و لكن الفرق ان هايدي لم تسمح لمالك بالحزن عكس ريناد الوحيده و هذا ما جعلها تفتقد مالك انه يملأ فراغها بل يملئها هي شخصيا و راقب كريم الوضع بين مالك و ريناد مما زاد شكوكه اكثر عندما لم يجد تفاعل بينهم و علم ان ورائهم سر ما
هايدي و هي تهندم حالها -كريم انا هروح مع ليلي النادي عشان بقالي كتير مشوفتهاش
كريم و هو مُمد علي الفراش-ماشي يا قلبي(ابتسمت و ارسلت له قبله في الهواء و ركضت ليداعبها بصوت عالي حتي تسمعه قائلا)ما انتي لو جدعه كنتي جيتي تديهالي هنا
ليسمع صوتها بعيدا-بعينك يا روحي ..سلام