جعفر قال ليها شوفي يا سمر الحب ده ما لعبه انا ما زي اخوك القال حبيت مره واحده ده انا متاكد انو ما حب قبل كده لانو لو الحب حب حقيقي ما بخلي حبيبتي دي الا علي رقبتي.. الحب ده رباط بين قلبين صعب انك تعقد علي الرباط ده و تزيدو تماسك وانت بتكذب علي نفسك وبتكذب علي الطرف التاني ده يبقي اسمو نفاق ما حب الكلمه دي صعب تتقال علي اي علاقه لانو ما اي حب بنقول عليو حب
سماح قالت ليو انت ما رديت علي السؤال برضو بعد موشحك ده كلو!!! قال ليها ده ما شي يخص زول واصلا ما مجبور ارد ،؛ وقام علي حيلو مشي ،،؛ سماح قالت اسي ده مالو ده ؟! سمر قالت ليها ما عليك منو متسبب ساي
بعد المغرب ظبطنا الشاي والكيك وبقينا نشرب ونتونس ونسه حلللوه كده،، جاتني مرام براحه كده قالت لي امشي شوفي جعفر مشي وين ما تخليو كده قبيل اختك الهبله دي نرفزتو ؛، قلت ليها بري والله براي بخاف قالت لي سوقي صحبتك وامشي وانا حاشغل ليكم الناس انتو كبو الزوقه طوالي ،، قلت ليها كويس لقتم بتونسو وبضحكو طوالي خشت ليهم في النص قالت ليهم تعالو انا احكي ليكم الموقف ده ،، كلهم انتبهو ليها قمت جريت سهي من يدها براااحه و مشينا بعد بعدنا شويه كده قالت لي مالك يابت واداني وين انتي؟! قلت ليها ارح فتشي معاي جعفر!! قالت لي وانا مالي و مال جعفر بتاعك ده يا زوله اسي كان روحنا قلت ليها ياخ ما بنروح ما حانمشي بعيد اصلا ،، قالت لي يا زوله هيييي انا راجعه مالي و مالك والله ما بمشي معاك ،، قلت ليها طيري اصلا ما منك فايده مشت رجعت
و خلتني وانا بقيت لافه افتش في جعفر يمين و شمال واسال الناس اقول ليهم ما لاقاكم ولد لابس تيشرت بيجي بي بني و بنطلون جينز ازرق يقلو لي ما شفناو!!! بقيت لافه لمن تعبت قررت ارجع بس آي ويييين يا😂 الدرب البرجعني ما لقيتو و كلام سهي لفه وجاء طلع صاح وانا واثقه اني حارجع بقيت راجعه والف هنا واخش هنا و اكتشفت في الاخر اني روحت والدنيا ضلمت وانا ركبي بقو ما شايلني من كتر الخوف الحاسه بيهو وكتها وتلفون في يدي ما عندي عشان اضرب لي زول
اها بهناك ماف زول فقدني الا لمن جعفر جاهم وانا ما كنت معاو طوالي مرام اتخلعت براااحه كده نادتو وبي همس كده قالت ليو ريان وين؟! قال ليها كيف يعني وين انا سبها معاكم هنا قالت ليو مشت تفتشك وانا افتكرتكم مع بعض ،؛ قال ليها لا انتي اكيد بتستهبلي قالت ليو والله جاده معاك يا جعفر
طبعا جعفر و كتها قرب ياكل مرام قال ليها وهو مغيووووظ ويعضعض في شلاليفو عايني مش رقم تلفوني عندك قالت ليو اي قال ليها انا حاطير افتشه لو جات رني علي وما تكلمي زول لحدي ما القاها و اجيبه تطمي تسكتي بس ،، قالت ليو كويس. ومشي خلاها
وانا وكتها من كتر المشي لمن رجليني وجعوني لقيت لي حجر كبير كده قعدته و بقيت ابكي
قعدت قريب عشره دقايق كده ببكي فجاهعاينت لقيت لي شباب جايين مارين طوالي جريت عليهم عاينو لي وقفو قلت ليهم يا شباب لو سمحتو انا رايحه جيت مع اهلي هنا رحله و رحت منهم
عاينو لي بعض كده و نظرتم ما كانت مريحه نهائي واحد فيهم قال لي و عايزانا نحن نعمل ليك شنو يعني؟! انا لحظته خفت شديد بلعت ريقي كده و قلت ليو عايزه بس اضرب تلفون لي اختي حافظه رقمه انا
واحد قال لي يلا يا بت من هنا دي قلة ادب جديده ولا شنو وكت ما بتعرفي الدرب البخليد تزحي من اهلك شنو؟! واحد تاني قال ليو امكن عندها زول عايزه تلاقيو هنا ولا حاجه هههههه وبقو يضحكو
ما رديت عليهم طوالي اتلفت منهم و رجعت بس اتحركت خطوتين كده في واحد ثبتني قال لي دقيقه يا بت تعالي هنا...
انا خلاص لحظته قرب يغمي علي اتلفت عليهم قال لي تعالي انا بساعدك!! قلت ليو لا لا خلاص شكرا انا بفتشم براي قال لي بس الزمن اتاخر وهنا بالليل بتطلع العقارب و الدبايب
بس مع قولت دبايب وعقارب دي لقيت نفسي في نصهم وانا ببكي وهم بعاينو لي بي نظره ما مريحه نهائي قام الود طلع تلفونو قال لي تعالي هنا خليك منهم مليني رقم اختك رقم رقم،؛ بقيت املي فيو الرقم مرام بس احس ليك بي يدو دخله في بلوزتي بي ورا طوالي زحيت منو وضربتو كف قلت ليو زح مني يا تافه يا قليل الادب . وانا وكتها فققمة غضبي وهو صرر وشو كده قال لي انا التافه ولا انتي اشي الكنتي ماشه تلاقيو ده احسن مني في شنو اااا ردي علي هنا
ولوي لي يدي قال لي عشان تاني يدك دي ما تمديها علي يا تافهه يا حقيره
وانا من شدة الألم بقيت اصرخ
ويتبع......
