وصلنا الجبل و كان شي موووبالغه الزراعه و الجمال الفيو انا و سهي زحينا بي جمبه كده وبقينا نتونس
ونحن قاعدين جات سماح اختي بالت لينا هووي هوي انتو قاعدين تسوو شنو هنا قومو ساعدونا عشان نعمل الاكل ده قلت ليها هو الأكل معمول جاهز قالت لي انتي بدل لأئمتك دي امشي رصي الاكل ده عشان الناس تطفح
طبعا احرجتني شديد اصصلللا ما سألتها مرام قالت ليها انتي ما تقومي سمر و سحر اخواتك ديل فالحه في ريان عايني ليهم قاعدين يلعبو في الليدو ولا علي بالم !! قالت ليها مش كفايه انا شغاله؟! مرام قالت ليها وانا كمان شغاله كفااايه امشي يا ريان اتونسي لمن نجهز الاكل بناديك حبيبتي امشي انتي لسه صغيرا علي الشغل ده في ترلات قاعدين الليجو يشتغلو
طبعا خالتي ساميه تحمر لي مران ساااي و مرام ما شغاله بيها عمتي قالت لينا كلكم تشتغلو ماف زول يقعد يلا يا سمر و سحر قومو من الليدو ده و تعالو اشتغلو
مرام قالت اااي كده ممكن يا كلنا نشتغل يا كلنا نقعد ما ناس يشتغلو وناس يقعدو،،
سحر و سمر قامو علي حيلم زعلانيييين ومركبين وش الكلب
بس بدينا نرص في الصحانه ونخت الاكل
جعفر وعبدالعزيز كانو ماسكين الشيه بشوو فيها و محمد و رامي و خالد ديل اخواني كانو بكسرو في التلج للعصير و احمد اخو جعفر و معاو شباب كده بقو بظبطو في الاستريو عشان يفتحو اغاني و ينبسطو و طبعا اللمه دي كلها ابوي ما معانا فيها
قام جعفر جانا قال ليهم عايز لي حاجه افضي فيها الشيه قامت امي ادتو ساخن بارد عريييض كده قالت ليو خت الشيه هنا واقفله طوالي عشان ما تبرد قام جعفر قال ليها عايز زول يساعدني ياخ انا ما حصل شويت قبل كده
طبعا سمر و سحر و سماح كل وحده فيهم تتظارف وتقول ليو خلاص ارح انا بمشي معاك
قال ليهم لا انتو سمان بتكسرو الكراسي انا عايز ريان عشان ضعيفه 😂 غايتو جنس اوووحراج دخلو في ضفورم و الغاظم اكتر ضحك عمتي في كلامو قالت والله انت يا جعفر لسانك ده متبري منك ،، طبعا خالتي ساميه الكلام ما عجبه لي بناته قالت ليها اجييي يا رقيه انتي بدل ما تقولي ليهو عيب ديل اخواتك ما تقول فيهم كده تضحكي؟! عمتي قالت ليها ما هو عشان معتبرم اخواتو قال كده يا ساميه ما تكبري الموضوع ما تدخلو بين العيال
طبعا خالتي ساميه دي مع انها ما زوله كعبه شديييد كده بس بناته بحرشوها طوااالي
جعفر جراني من يدي و مشينا نشوي اللحمه وااااه من اخواتي ومن النار البقت فيهم خلو اي شي و بس بقو يعاينو لينا و مرام و امي كانو مبسوطيييين بي حركة جعفر دي قلت ليو والله يا جعفر انت مجنون قال لي مجنون بيك بس و ربي
اتلفت عليو قلت ليو انت اسي احرجت البنات بي كلامك ده!!! قال لي عايني ما تتلفتي علي نهائي خلي عيونك في الشيه بس.. قلت ليو لييي؟! قال لي ما عايزم يعرفو او حتي يشكو انو بيناتنا في شي عشان اخوانك ديل ممكن يعملو اي شي عشان يفرقو بينا
قلت ليو وانت فاكر انو ما حايعرفو يعني قال لي والله انتي تكلميهم بعدين تعالي هنا ياخ انتي ما عندك تلفون مالك انا ما قادر اصلك في اي زمن قلت ليو انا اهلي شايفسين انو لسه صغيرا عىي التلفون و كده .. قال لي بلا صغيرا معك انا حاجيب ليك واحد قلت ليو اكيد ما جادي و اقول لي ناس امي شنو؟! قال لي كلميها بالشي البينا عادي وهي ما حاترفض و ابوك اصلا ما قاعد يجيكم كتير ما اظن ينتبه ليو ؛، قلت ليو كدي خلي الموضوع ده اسي
بعد شويه سمعنا احمد بكورك ليو يا جعفر يا جعفر ... جعفر اتلفت عليو قال ليو مالك؟ قال ليو الشيه حرقت ومطلعه دخاخين نحن هنا يدوووب انتبنا للشيه و بقينا نتكبكب جعفر قال لي يخرب بيتك ياخ خليتي الشيه تخرق خايفين من الفضيحه الشيه فضحتنا براها😅
بعد ما اكلنا الناس كلهم و شربنا العصير قالو خلو الكيك لي شاي المغرب بس اي وين يا😅 نصو اكلوهو قبل المغرب ما يجي ناس رامي و محمد و احمد و عبدالعزيز و خالد شغلو اغاني وبقو يغنو ويرقصو و مبسوطييييين
بعداك جابو قزازة ببسي فاضيه قالو تعالو نلعب صراحه و جرائه يلا كلللنا قعدنا الشباب مع بعض عملنا دايره و بقينا نلعب اول مره لفو القزازه و قعت علي رامي اخوي قالو ليو صراحه ولا جرائه قال ليهم صراحه عزوز سالو قال ليو حبيت كم مره؟! قال ليهم اممممم مره بس قامو كلهم بي سوط واااحد قال ليو آآآآآآآآ وبقو يضحكو فيو و هو زاتو ضحك تاني وقع علي سحر قالو ليها اختاري قالت صراحه قالو جعفر قال ليها سقطتي كم مره في المدرسه قالت ليهم اييييك كتير ياخ ما تعدو اصلا ما شاطره شديد بقو يضحكو تاني بقو بسالو في الناس و اي زول يقع ليو بختار صراحه مره واحده واقعت علي سهي صحبتي اختارت صراحه عزوز قال ليها بخبث كده حصل دخلتي فعلاقه و فشلت قالت ليو لا ما حصل
قامت ظرام قالت ليو عليك الله هو كان ما سؤالك غبي هي لحقت تعمل ليها شي لسه صغيرا عزوز قال ليها بنات الزمن ده ما بتضمنيهم سهي زعلت من كلامو شديد و صرت وشها بس ما قالت شي قامت في النهايه وقعت علي جعفر طوالي سمر اختي نطت قالت ليو حصل حبيت ولا قاعد تحب ؟!!!!
خلونا المره الجايه نشوف رد جعفر حايكون شنوو..... ويتبع......
