فتحت عيوني لقيت روحي في المستشفي وحسيت بي صدااااع داير يفرتك راسي وما كنت مستوعبه حاجه بعد شويه استحضرت الحصل لي كلو و دخلت في حاله هستيريه و قعدت اكووورك و اقلع في الدرب من يدي و اقول ليهم انا بكرهكم كلكم بكرهكم انتو ما اهلي ولا عندي ام ولا عندي ابو انا وحيده في الدنيا دي وحييييده ما عايزه زول جمبي ياااااارب تاخدني و تريحني من الدنيا دي يااا رب يااااارب جبتني ليييي خليتني اجي الدنيا دي ليي؟! عشان اتعذب ؟ انا ما عايزه اعيش مااا عايزه اعيش
الممرضات جوني جاررييين و بالغصب مسكوني ادوني حقنه مهدئه و هديت و ركبو لي الدربات تااني و تااااني نمت و ما عارفه نفسي نمت قدر شنو،، ولمن فتحت عيوني للمره التانيه كان بالليييل عاينت لقيت امي و حبوبتي نايمين جمبي وانا كنت مصدعه شديييييد و الدنيا دي هاااااااديه برااااحه قلعت الفراشه من يدي و ومشيت دخلت الحمام و جيت عاينت لقيت في ضرفت دلاب صغيييرا كده فتحتها لقيت عبايتي شلتها لبستها و طلعت من المستشفي و مشييييت لحدي ما وصلت الرسيبشن لقيتم ملخومييين مع ناس شكلهم عاملين حادث استقليت الفرصه دي و طلعت طوااالي من غير ما يحسو بي وبقيت مااااشه و مااااشه وما عارفه نفسي انا ماشه وين ....
كل ما اشوف لمه بتاعت شباب ناس بتزكر الشباب الكانو لاقوني في الجبل و بتجيني خوووفه كده و بتدسه منهم لحدي ما يمشو وبعداك بمشي تاني بقيت ماشه بس ما عارفه نفسي وين لمن اتعب بدخل اقرب مسجد محل النساء امشي اشغل المروحه و ارقد انوووووم وبعد اصحي اقوم امشي تاني
قريب تلاته يوم انا بالطريقه دي بمشي و الواطه لمن تليل بدخل المسجد او اي حته تكون ضرا كده بنوووم و الصباح بواصل تلاته يوم انا من غير اكل بس اي مزيره ولا كولر يلاقيني بشرب منو مويه لمن حسيت بي روحي فقدت وما عندي طاقه امشي بيها بقيت
مره لقيت لي زي عريشه كده قعدت فيها وكان في ناس قاعدين حريم و رجال بشربو شاي و جبنه و شيشه اخدت لي ركن كده وقعدته في الارض كنت تعبااانه بس بقيت بعاين فيهم بس وشي كان ظاهر فيهو الارهاق بصوره ما طبيعبه
قامت المره ست الشاي قالت لي يا بتي انتي جايه من وين؟؟ ما رديت عليها بس كنت بعاين ليها و انا مرررهقه شديد قالت لا حول ولا قوة الا بالله .. جابت لي شاي و كيك في صحن كده قالت لي اكلي يا بتي .. و انا من شدت الجوع بقيت باكل بي شراها تاني زادت لي الشاي وجابت لي كيك و بقيت اكل لمن شبعت
واول ما شبعت حسيت بي روحي تعبااانه عايزه انوم رقدت قبلي من غير ما اتكلم مع زول و نمممت لحدي ما المره تاني صحتني قالت لي يا بتي الزمن اتاخر انتي منو وجايه من وين ؟؟!! ما رديت عليها طوالي قمت علي حيلي و مشيت منها و بقيت ماااشه لحدي ما الواطه ليلت لقيت مسجد دخلت لاقاني شيخ المسجد ما اشتغلت بيو مشيت رقدت لي مسطبه كده و نممت الصباح صحيت لقيت في ملايه مغطياني قمت سريع سريع شلت شباشبي لبستهم و طلعت بقيت ماشه في الشارع و ما عارفه نفسي ماشه وين
واثناء ما انا ماشه لقيت لي عربيه بوكس بشحن في بضاعه كراتين كده ما عارفه ودايها وين طوالي اتسحبت وركبت بي ورا و اتدسيت تحت الكراتين
والعربيه اتحركت وده كلللو يا جماعه وانا ما مجنونه واااعيه للحاصل كللو يعني ما طاشه شبكه بس زي فقدت الامل في الدنيا دي اذا دي امي بتعمل فيني كده تاني انا راجيه من الدنيا شنو
ماف زول يقول لي ما امك في النهايه و كانت لحظة غضب و بتاع يا جماع انا معاكم انها امي و اي شي بس ده ما بديها الحق تعمل فيني العملتو ده كلو حسيت انو امي دي بتتفشي غضبه من ابوي فيني انا
وانا ما قادره اسامحه مش ربنا قال العفو عند المقدره انا ما قادره اعفي يا جماعه والله ما قادره و للان ما قادره وكتها كان همي ابعد من اي زول بقرب لي ما كنت ناسيه جعفر بس هو نساني و دي الحته الكانت مخلياني ابعد زياده
البوكس بقي مااااشي و انا ما عرفه اتجاهو وين ولمن رفعت راسي لقيت نفسي في حته شبه خلويه كده جاتني خوووفه كده بس برضو كان همي الاكبر اني ابعد من اهلي و ما يلقوني تاني نهائي
لحدي ما بتاع البوكس وقف في محطه كظه و دخل الحمام انا طوالي نزلت من البوكس و جريييت ما عارفه نفسي انا وين و لا ماشه وين المهم بقيت مااااشه و مااااشه لحدي ما لقيت لي قريه كده فرحت لانو كنت قايله المكان خلا بس جريييت علي القريه و بقيت لافه فيها و ما عارفه اي زول و لا عارفه انا وين بالضبط؟؟!
ويتبع....
