في نفس اليوم الكلمتني فيو دعاء بقيت افكر كتيييير الحل شنو لو الواطه دي اصبحت انا حايسلموني لي اهلي وانا همي كلو اني ما امشي لي اهلي ما كان عندي رغبه نهائي ارجع ليهم ،، انتظرت الناس في البيت كلللها نامت برااااحه اتسحبت و طلعت من البيت وبقيت ماااشه في الشارع و الحته صاااااااانه لحدي ما طلعت من القريه و بقيت جاااااريه و همي كلو ابعد من القريه عشان ماف زول يصلني بقيت جااااريه وانا ما عارفه انا متجهها علي وين بالضبط ......
كدي سيبوني شويه وتعالو نشوف الحصل لي اهلي شنو بعد انا سبتهم
فلاش باك⤴
امي صحت لقتني ماف في السرير في البدايه افتكرتني في الحمام ما ادت الموضوع اهميه نامت تاني و صحت برضو ما لقتني في السرير مشت فتحت الحمام ما لقت زول طلعت بره الغرفه وبقت تسال في ناس المستشفي وكلهم قالو ليها ما شافوني وبقت تكورك فيهم قالت ليهم وديتو لي بتي وين و كذا... بس في واااحد قال ليها انا كنت جيت مع ناس الحادث بتاع امس و شفت لي بت لابسه عبايه طالعه من هنا حتي علقت مع نفسي قلت اسي البت دي في وكت زي ده ماشه وين بس كنت ملخوم وما فاضي اسأله
امي بقت تبكي و تكوورك و ضربو لي ناس جدي و ابوي و جو جاريين لقو امي قاعده تبكي والشكله دورت بين امي و ابوي و كل واحد بحمل في المسئوليه للتاني مرام كانت واقفه و بتحاول تهدي فيهم وهم ما كانو عايزين يهدو والناس بتتفرج فيهم لمن مرام هي زااته هاجت فيهم و قالت ليهم بي طول حسها:
كفااااااايه كفايه حرام عليكم عشرين سنه ونحن بالطريقه دي ارحمونا ياااخ عليكم الله ارحمونا زي ما اسي خسرتو ريان حاتخسروني انا كمان!!! لو ما قادرين علي تربيتنا جايبننا في الدنيا دي لييي؟ ورني ليي جبتونا عشان نتعذب كده؟؟ ياخ دي البهايم بتحس ياخ حسو شويه دي ما عيشه معاكم دي ياخ
وبقت تبكي و بقو بحاولو يهدو فيها جدي قال ليهم ده ما مكان اصلا عشان تتناقشو فيو ارحكم البيت،، امي قالت ليو ارجع البيت من غير بتي يا ابوي ااابدا ما راجعه زي ما دخلت بي ريان بتي ما بمرق الا بيها
جدي كورك فيها قال ليها و ريان الجابه هنا الشنو مش انتي السبب؟! و كمان اسي عايزه تتفاصحي و تقولي بتي وما بتي قفلي خشمك ده و امشي قدامي
اللحظه دي عمار و رامي و خالد اخواني وصلو المستشفي و لقو القيامه قايمه لمن عرفو بالحصل كلو عمار قررب يجن و بقي يشاكل في ناس المستشفي و قال ليهم كيف تسمحو لي مريض انو يطلع من المستشفي من غير علمكم و كانو عايزين يعملو مشكله الا الامن بتاع المستشفي اتدخل و طلعوهم برا المستشفي
خالد قال ليهم لازم نفتش ريان ونلقاها ما ينفع كده ما اظن تكون مشت بعيد،، وبقو يفتشو في الشوارع كلها ونزلو صوري فقربات الفيس بس ما لقوني
و امي بقت لا بتنوم ليل ولا نهار لمن مرضت وهي زاته رقدوها مستشفي و طلعوها تاني
