اها يلا ابوي من يوم ما مشينا من البيت ما سأل فينا و لا جاء شافنا ولا حتي برسل لينا مصاريف زي التقول هم و انزاح من قلبو امي عشان ما تعتمد علي زول ولا تحتاج لي زول في الصرف بقت تعمل الخبايز و الفطاير وتعرضم علي الفيس و حتي مرات بتعمل للمناسابات و كان شغله كويس شديد والحمدلله ما احتجنا لي زول ابدا ابوي سمع انها شغاله و بتصرف علينا براها و عرف انها ما حاتحتاج ليو هو كان عاصر عليها بحكاية المصاريف دي عشان ترجع بيته لانو ما عندها زول يصرف عليها و علي اولاده
خالتي محاسن رجعت البيت بس امي و خالتي ساميه ابدا ما رجعو خالتي ساميه مشت اجرت ليها بيت عندها ماشاء الله ٥ اولاد برا برسلو ليها قروش ده غير سحر و سمر القاعدين معاها
مرام اختي كانت مغيووظه من ابوي و زعلانه منو شديد ومن موقفو اتجاهنا مهما كان نحن بناتو و ما لينا ذنب في الحاصل ده كلو بس امي كانت مثبتاها و بتقول ليها نهائي ما تتكلمي معاو نشوف اخرو شنو؟!
جعفر كان مره مره بضرب لي في تلفون مرام و عشان المكالمه عالميه ما بتكلم معاي كتير يادوب بسلم و بطمن علي و بقفل
يوم قاعده مع خالتي و بتونس معاها قالت لي انتي يا ريان ما مشتاقه لي ابوك؟! قلت ليها اكيد مشتاقه ليو بس هو ما مشتاق لينا قالت لي ما تقولي كده ميه في الميه حايكون مشتاق ليكم بس هو بكابر ساي قلت ليها يا خالتو والله انتو بختكم عشتو واتربيتو وسط امكم و ابوكم و جدي ده زول حنين و عسل و بحبكم شديد
ضحكت فيني و قالت لي فعلا والله ابوي ده زول مثالي بس زي ما بقولو الله ما بدي أي شي عندي اخوان صعبين شديد ومكرهننا حياتنا ما خالننا نتنفس ياخ .
مرام جات قطعت لينا ونستنا و قالت لينا تعالو اجرو شوفو ده قمنا مشينا لقينا عريس ماجده خالتي جاء و معاو اهلو بقينا متنحين و واقفين قلت ليهم ديل منو ديل؟! ماجده خالتي قالت لي وااااي ده قصي راجلي انا نسيت اقول لي امي و ناديه انو جايب اهلو وجاي
جرت علي غرفته و انا جريت وراها قلت ليها انتي اسي مالك بتعملي كده قالت لي انا ما وريت ناس امي و ما حايكون عاملين حسابم
قلت ليها دي مواعيد خالو كلمي و هو راجع يجيب ليك معاو حاجه،، قالت لي فكره كويسه
اتصلنا بي خالو عصام قال لينا كويس بجيب معاي باسطه و بسبوسه و حاجات زي دي قامت قالو لي اجرري فوق نادي لي ندي و وضحي،، ديل نساوين خيلاني قالت لي قولي ليهم ماجده قالت ليكظ تعالو ليها سريع
مشيت كلمتهم و جوها ورتم انو اي وحده عندها شي جاهز تطلعو ندي قالت ليها انا عندي فطايير كنت عاملاها لي محمد بس ما مشكله بطلعه و ضحي قالت ليها امس عصام جاب لينا فواكه بغسلم و بقطعم بعلم سلطة فواكه حاااالا و بجيبم
خالتو ماجده حضنتظ و قالت ليهم الله يخليكم لي .
ونحن في وقفتنا دي امي جات داخله تهرج في خالتو ماجده وقالت ليها كيييف ما تكلمينا اننم جايين و كده نحن ما مستعدين !! ماجده والله نسيت ياخ انا شغاله امتحانات ما مركزه مع اي شي
امي قالت ليها ربك رب الخير انا عامله لي كيكة شوكلاته حانقدمه مع الشاي و خلاص
قالت ليها لا لا قدمي العصير و معاو فواكه و فطاير عاملنهم ندي و ضحي جاهزين لحدي ما ينتهو منهم اعملي الشاي بي كيكة الشوكلاته دي و عصام جايب معاو بسبوسه و حاجات زي دي كده الامور ظابطه
امي قالت ليها شدييييده بتعرفي تدبري حالك😒 و عاينت لينا انا و مرام وقالت لينا قدامي علي المطبخ نمشي ننظم الحاجات دي
وفعلا مشينا مع امي و قسمنا الحاجات و عملنا الشاي و قدمنا ليهم حددو عرس خالتي الشهر الجاي و جابو معاهم حاجات الحبس
......... مرت الايام
و جعفر كان تواصلو متقطع مره سالتو قلت ليو ما حاتجي
وخلصت سنه اولي ثانوي و جعفر ما جاء نهائي من اخر مره سالتو وقلت ليو حاتجي بتين وقال لي قررربت
بس في مره....
ويتبع.....
