قال لي وانتي ليي ما يكون عندك تلفون ،، قلت ليو شكلو ابوي شايفني لسه صغيرا علي التلفون ،،قال لي خلاص ما عندك مشكله انا عندي واحد ما شغال بيو بديك ليو ،، قلت ليو لا لا والله شكرا ليك اصلا ما عزدي مزاج للحاجات دي قال لي تمام براحتك
و وصلنا البيت واول ما دخلنا لاقينا عزوز فوشنا قال لي جايين من وين !؟ قلت ليو انا مشيت جبت رصيد لي مرام ؛، قال لي ما سمعتو بالرحله ؟!
انا واحمد بقينا نعاين لي بعض ومستغربين قلنا ليو بصوت واحد رحلة شنو قعد يضحك فينا قال لينا امي نظمت رحله كل البيت ماشي
احمد فرح شديد وقعد ينطت قال ليو بتين الكلام ده قال لينا يوم الجمعه الجايه ان شاء الله ماشين الجبل احمد قال ليو لا لا انت جاااادي جبل مره عديييل كده
انا اتضايقت و اصلا ما فرحت لانو عارفه حركات اخواني و اخواتي الممكن يعملوها لينا هناك ويمسخو علينا اي شي عزوز قال لي مالك يا ريان ما فرحانه قلت ليو بي خلعه لا لا لا ابدا والله ان شاء الله تكون رحله حلوه .. و طوالي دخلت علي القسم بتاعنا مشيت لي مرام اديته الرصيد و انا زهجاااااااانه قالت لي مالك يا بت؟! قلت ليها صحي في رحله يوم الجمعه الجايه!! قالت لي اي في رحله بس دي حاجه تفرح ما بتزعل علي فكره!! قلت ليها اسي لو مشينا هناك اخواتك يمسخ علينا اي شي ولو ما مشينا كمان تبقي فرصه و ضاعت الزول زاتو ما عارف يعمل شنو قالت لي انتي خايفه من منو بالضبط فيهم؟! قلت ليها من سماح و سمر ديل عقارب ياخ😭 قالت لي خليهم علي انا ما ليك دعوه بيهم حانمشي و حانستمتع ان شاء الله ما علي كيفم
بعد يومين جاتنا عمتي قالت لي امي طبعا الرحله بعد بكره انا قسمت الحاجات محاسن حاتعمل الفطايير و حاتتبل اللحمه بتاعت الشيه لانو الاولاد هناك حايشوها و ساميه حاتعمل التحليه و انتي يا ناديه عليك العصايير و الشاي والكيك و انا بعمل علي اشتري ليكم المواد كلها قلتي شنو
طبعا امي اتكيفت لانو وقعت ليها حاجه ما صعبه قالت ليها كلامك حلو اعتبري حاجاتي جاهزه من اسي
جريت لي مرام قلت ليها اها حانلبس شنو يوم الرحله مرام قالت لي شفتي حانلبس لبسه عاديه الصباحيه ونصل بيها هناك وبعد العصر كده نغير بي وحده تانيه قلت ليها طيب وريني نلبس شنو و نغيير بشنو ؟؟!
وقعدنا نختار و ننقي في الهدوم قامت سهي صحبتي الرمه ضربت لي في تلفون مرام طبعا انا مسمياها الرمه و ده نوع من انواع الغزل علي فكره😂 وبقيت اشاور فيها عشان تنقي معاي الهدوم قالت لي عايني انا عندي ليك فستان حلو ده شنو العولاق العايزه تلبسيو ده طبعا وشي بقي عامل كده😍 قلت ليها ياخ انا بحبك شديد و عزمتها الرحله وقالت لي خلاص بكلم امي كان خلتني بمشي معاكم قلت ليها ان شاااء الله توافق يا رب عشان حاتكون حلوه لو انتي معاي قالت لي خلاص لو جيتي انتي كلمتيها حاتقتنع قلت ليها اديني خمسه دقايق بس و اكون معاكم
لفحت عبايتي ومشيت والزمن كان زي الساعه ٨مساء كده بيتم كان ورانا بشارعين وناس حلتنا بلاي من ٧ كل زول في بيتو تقول جداد بس مشيت لي سهي لقيت امها قاعده في البرندا حقتم و بتخيط ليها في هدوم قعدت جمبها و اتونست شويه وبعداك و ريته في الاول رفضت قالت لي حريم و ابوك وبناتم ديل صعبات قلت ليها نحن ما لينا دعوه بيهم سهي حاتكون معانا انا و مرام بس في النهايه اقتنعت انا و سهي قعدنا ننطت من الفرح
قلت ليها بعد كده ما عنك حجه تانيه يوم الجمعه تكوني جاهزه من بدري قالت لي تمام قلت ليها يلا بعد ده انا ماشه ارح قدميني لانو الساعه ٩ جات قالو لي طيب دقيقه اسوق حمودي اخوي
وفعلا ساقنا حمودي و طلعنا بقينة ماشين بي راحتنا و نتونس في الشارع و الشارع كان فاااااااضي و عواميد الشارع منوره لو جات نمله ماشه بتشوفيها لمن قربنا علي بيتنا لقينا بت و ولد واقفين جمب العمود و بتونسو وبضحكو سهي قالت لي احيييي علينا و كر علينا نحن زووول بعبرنا ماف قلت ليها هههه غيرا و نفوس شريرا سيبي الناس في حالم يا بت ديل شكلهم في قممت رومانسيتم لدرجة انهم بضحكو كده و قريبين من بعضم و ناسين انهم في الشارع قالت لي نحن لي ماف زول بعايين لينا يا ريان مالنا شينات ياخ في الشارع ساي ما بشاغلونا الاولاد ديل ده ظلم والله😭 واللحظه دي كنا قربنا منهم
قامو التفتو علينا واتفاجأ انو ده جعفر الواقف مع البت و يضحك و مبسووط هو اتخلع لمن شافني وانا اتسمرت فحتتي و بقيت اعاين ليو و للبت و البت كانت صراحه مزززززززه بمعني مزه صاروخ جوي عديل كده
سهي بقت تقول لي يا بت مالك ارح ياخ ما تقيفي كده واللحظه دي حسيت بي روحي رخييييصاااا و هبله و حماره و اي نبز يقع في راسكم حسيتو اتجاه نفسي وكتها قلت لي سهي باخر نفس عندي يا سهي خلاص انتو ارجعو بعد ده قالت لي نقدمك حبه قلت ليها وانا زهجانه لا ارجعو!! و طبعا سهي بتعرف جعفر كويس بس ما بتعرف الكلام الحاصل بينا طوالي رجعت باتجاه بيتم وانا فضلت فمكاني ومربعه يديني و بعايين لي جعفر و عيوني مليانه دموع و عايزه تفسير للبحصل قدامي ده جعفر جاء باتجاهي و هو بتكلم قال لي يا ريان اسمعيني وانا و اقفه و متسمره فمكاني قال لي عايني اهدي بس وانا بحكي ليك اي شي
وعايز يمسكني من كتفي دفرتو بيديني و خليتو واقف ومشيت بقي جاري وراي عشان يوقفني ما قدر يوقفني الا جمب باب بيتنا
...ويتبع.....
