عدا كم يوم و كنا مبسوطيين عند ناس جدي خالاتي اتنين وحده متزوجه والتانيه كان الوكت داك كان عاقدين عليها و خيلاني اتنين بي زوجاتم و امي كانت أكبرم عشان كده كانو بحبوها و بحترموها شديد
مره جعفر ضرب لي في تلفون مرام و قال لي انا منتظرك برا تعالي لي قلت ليو انت اكيد مجنون قال لي والله لو ما جيتي انا بدخل ليك جوا ياخ انا اشتقت ليك
مشيت لاقيتو لانو عارفاهو مجنون و بعمله كنت مشتاقه ليو شديد و هو كمان قعدنا اتونسنا وقال لي انو بعد بكرا هم حايسافرو السعوديه قعدت ابكي قال لي يا عبيطه اصلا جامعتي حاتفتح بعد كم شهر منها اكون جدت اقامتي هناك وجيت تاني قلت ليو بس كم شهر ما بسيطه يا جعفر قال لي بتمر ان شاء الله و لمن ارجع حاتكوني كبرتي شويه وخليتي جنونك ده و ان شاء الله و وكتها حانكون قريبين من بعض
هو وكتها كان بصبر فيني بس دموعو خانتو وبقي عايز اليصبرو و بقينا نبكي سوا وانا حسيت وكتها انو الدنيا ضلمت في وشي والحياة بقت مسييييخه قال لي يا ريان عايز منك تكوني قويه عارف الظروف الانتي مارا بيها دي بس ما عاوزك تكوني ضعيفه و ما عندك شغله بامور الكبار دي يزعلو ولا يرجعو ما تتاثري بيهم قلت ليو حاضر قال لي بعد ده انا حاسيبك ترجعي البيت وقبل ماامشي المطار حاجي اودعك ما تنومي كويس طيارتنا الساعه ١صباحا انا الساعه ١٠مساء بكون معاك هنا بودعك و بعدين بمشي قلت ليو حاضر
وفات مشي خلاني و بقشقش في دموعو وهو ماشي انا رجعت البيتو و دخلت الحمام بكييييت بكي ما طبيعي مرام سالتني و كلمتها قالت لي برجع تاني عشان الجامعه ما تخافي و حاولت تصبرني
يوم السفر قاعده منتظره جعفر لحدي الساعه ١١ ما جاء ١١ ونص برضو ما جاء عمتي جات ودعتنا و مشت و غلبني اسأله
قلقت عليو شلت تلفون مرام اتصلت عليو ما كان برد علي استغربت فيو مرام قالت لي ارح نمشي المطار قلت ليها يا بت انتي جنيتي نمشي برانا قالت لي ما بعبد البسي ليك عبايه ارح استئذنه من امي علي اساس اننا عايزين نشتري سندوتشات و راجعين ،، فعلا مشينا المطار وبقينا لافين ما شايفين زول لمن لمحنا عمتي هناااك و معاها ابوي و عزوز و احمد ماشين معاها وجعفر كان بي وراهم بهبش في تلفونو و وكتها كان بحاول يتصل علي مرام عشان يودعني و مرام ما شايله تلفونه ونحن غالبنا نناديو في النهايه مرام شالت ليها حجر و رمتو عليو ضربو في كتفو و اتلفت علينا و اتفاجأ لمن شافنا اول ما شافنه جا علينا و طوالي اخدني فحضنو وقال لي مع رغم اني ضد فكرت جيتك هنا لاي سبب كان بس كويس اني شفتك حبيبتي قلت ليو انت كنت عايز تسافر من غير ما تودعني قال لي ما عايز اشوف دموعك بس والله كده طووول الرحله حاكون مقلق عليك و ما حاكون مرتاح لاني سبتك بتبكي ... قلت ليو بس لو سافرت من غير ما اودعك انا ما كنت حاكون مرتاحه 😭 قال خلاص طيب ما تبكي انا ما عايز اشوف دموعك دي
مرام قالت لينا احم احم نحن هنا راعو لمشاعر السنجل المعاكم دي انعل ابو السنجل زاتو ههههههه ضحكنا فيها و جعفر قال ليها خلاص يا ام سنجل انتي بكرا حايجيك واحد و خاتطلعي عينو قالت ليو ما مشكله بشتري ليو عين صناعيه بس هو كدي يجي 😂😂
بعد شويه عزوز ضربليو قال ليو انت وين؟!! قال ليو شويه بس و اكون معاكم، مرام قالت لي بعد ده سيبيو يا ريان خليو يمشي الطياره حاتفوتو ، وانا كنت ماسكه يدو ما عايزه افكها قال ليها خليها الببويه بتاعتي دي عايزه اشتري ليها شبس و اجي مرام ضحكت وقالت ليو سمح انا بنتظركم هنا ما تتاخرو واعملو حساب انو ابوي ما يشوفكم لانو ما حايحصل كويس قلنا ليها كويس ى
وساقني من يدي وداني المطعم الفوق في المطار وقعد يشتري لي في الشوكلاتات و الشبس قلت ليو انت قايلني شافعه بالجد ولا شنو؟؟! قال لي اي شافعه انتي قايله نفسك كبيرا يعني بعد ما اشترا لي وشيلني كيس مليان شيبس و شوكلاتات وداني لي مرام وقال ليها اخدي بالك منها ،، مرام قالت ليو ان شاء الله يلا بعد ده لازم تمشي،، وبقت تقلع يدي من يدو وانا ما كنت عايزه افكو قال لي و دموعو عشره عشره شفتي يا ريان انا عشان كنت ما كنت عايز اجيك البيت
بس فجأة مرام قالت اللييله هندااك ابوي، طوالي فكيت يدو بقت تضحك قالت في جبانه اووووي😂 جعفر ضحك وقال لينا يلا بعد ده ادوني خاطركم و ودع مرام و جاء ودعني انا و قال لي لا الله الا الله قلت ليو وانا ببكي محمدآ رسول الله
وبي كده جعفر مشي و شال قلبي معاو والله يا جماعه انا حسيت وكتها انو روحي مشت مني لانو جعفر في فتره بسيطه قدر يعوضني عن حاجات انا كنت سنييين مفتقداها قدر يكون لي اب و اخ و حبيب و اي حاجه حلوه تجي في راسكم ده كان جعفر بالنسبه لي
المدرسه فتحت و نزلت المدرسه و اتلهيت شويه مع القرتيه و المزاكره بس والله جعفر نهائي صورتو ما بتروح من بالي لمن الاستاذ يشرح ساااي بتخيلو ده جعفر لو زول ماشي في الشارع برضو بتخيلو جعفر
اتعرضت لي مضايقات كتييير من شباب في الحله لانو حلة ناس امي دي اولادم كلهم قليلين الادب كنت بتضايق شديد بس ما كنت عايزه اعمل مشاكل لانو لحدي اخر لحظه ماف زول فيهم هبشني بس بتكلمو بي لسانم
مره و انا راجعه من المدرسه لقيت مرا كبيرا كده بتبيع الفول و التسالي و الحاجات دي وقفت اشتري منها بس فجاة طلعو لي تلاته من شباب الحله ما عارفاهم جو من وين بقو بشاغلو فيني و ماشين وراي و احد قال لي انتي والله عاجبانا شديد و نحن عايزنك والتاني يقول ليو انت بتستأذن ليي شيل طوالي و جو جارين علي و انا بقيت جاريه منهم و بصرخ بي اعلي صوت لمن رجال الحله جو طالعين من بيوتم و وقفو الاولاد و هرشوهم وانا وكتها قلبي اتقطع قالو لي يا بت انتي مش بت ناس حاج عمر قلت ليهم اي و انا ببكي قالو لي تاني خلي زول يوصلك ما تمشي المدرسه براك
في راجل كبيير كده وصلني لحدي البيت و حكي لي جدي الحصل كلو جدي زعل شديد و قال لي تاني ما تمشي براك المدرسه و بقي يا حليلو كل يوم يوصلني و يجي يسوقني ويقول لي انا لو ما جيتك ما تطلعي من المدرسه
ويتبع...
