عزوز قعد يتكلم معاي كتيير و انا ما شغاله بيو كنت زهجانه شديد قلت ليو يا عزوز ياااخ ما تسكت شويه ما ممكن ساعه بتتكلم انا براي مصدعه ؛، ضحك قال لي خلاص انا زاتو ما قاعد ليك ماشي
نطت عيوني قلت ليو ماشي وين؟! قال لي مالك و مالي يا زوله مش اسي قلت لي ما تتكلم معاي!!! قلت ليو عليك الله يا عزوز ارح مرقني اي حته انا زهجانه😥 قال لي مالي و مالك انا قيلاني فاضي ليك مواعد اصحابي انا ؛؛، قلت ليو طير اصلا ماف منك فايده ،، مشي خلاني عايزه ادخل البيت لقيت جعغر فوشي عاينت ليو ما اتكلمت معاو عايزه ادخل قال لي سامع كلامكم كلو انتي و عزوز قلت ليو،، فيو شي غلط قال لي،، انتي لو عايزه تطلعي ما طلبتي مني ليي؟؟! قلت ليو ليي عشان نتشاكل زي اليوم داك ؟ جراني من يدي و دخلني الحديقه ،، قال لي انتي هبله يا بت انا اليوم داك اتشاكلت معاك من خوفي عليك بس افرضي حصل ليك حاجه وكتها!!! قلت ليو برضو ما كان سبب كافي انك تشاكلني كده !! قرب مني كده وقال لي طيب انا اسف حبيبتي تاني ما بتمالك اعصابي بس ما طول الوكت عشان نكون واضحين
كدي خلو الكلام القالو كللللو قبل كلمة حبيبتي و البعدو كمان واقيفو عند #حبيبتي دي هي يا اخواني قالي حبيبتي😍 والله قاله و اول مره تتقال لي من ولدوني ما بتذكر امي اللي هي امي قالته لي قبل كده و حتي لو قالته من جعفر ليها طعم تاني❤❤
حسيت وكتها انو ركبي ديل ما شايلاتني وقلبي بقي زي الهبابه وحسيت بي طراااااوه كده في هوا حللللووو جاني ما عرفت ارد ليو بقيت اقول في نفسي اسي انا ارد اقول شنو؟! كان قلت ليو حبيبي حايقول دي ما صدقت ولا شنو و ما ينفع انو ما ارد اصلا وووب عليك يا ريان دي ورطت شنو دي
فضلت اني اسكت ساي عشان ما الخبط الدنيا قام مسك يدي لحظته خوووفته شديد بس جاني اساس قوي اني ما عايزه افك يدو دي حسيت بي بالامان اتجاهو حاجه انا فاقداها من ولدوني و جيت للدنيا دي
قال لي عايزك تعرفي حاجه واحده بس انا قبل اي شي انا اخوك و سندك يعني انتي حته مني ما برضي شي كعب يحصل ليك لو انفعلت فيك استحمليني و انا حاستحمل جنونك و نفسنتك دي خليني محور حياتك ارجعي لي في كل صغيرا و كبيرا عاوزه تعمليها ما عشان اسيطر عليك و الفهم ده لا ابدا عشان انتي لسه صغيرا و تصرفاتك طفوليه اكتر من انها تصرفات زول عاقل ما عايزك تحسي بي انك براك في الدنيا دي انا جمبك و ليك و سندك وعايش بس عشان اسعدك.
يا ناااااس ا خوووووانا سامعين الانا سامعاو حاسين بالاحساس الانا حاساو كانو الدنيا كلهاا بقت عباره عن الوان قوس قزح و قلوب ملونه وحاجات حلوه❤❤❤😍😍😍😍
انا وكتها اي احساس سلبي اتجاه نفسي شلتو من راسي اي افكار كعبه زرعوها جواي اخواني مشت مني ياخوووواني والله كننننت مبسسسسوطه انبساط و كاني طايره في السما بالجد الكلمه الطيبه عنوان و جواز سفر بي كلام بسيط قدر انو يخليني فقمة السعاده
قلت ليو وانا خجلانه بس اانا قاطعني وخته يدو فخشمي وقال لي هششش ما تتكلمي و ما تقطعي علينا اللحظه الحلوه دي
وحضني عليو قال لي لازظ تعرفي انك العشق و الريد والحب الابدي
انا اتغمست جوا احضانو ومشيت في حته تانيه بس فجأة نسمع ليك صوت عربيه وقفت جمبنا لمن اتخلعنا جعفر قال لي خشي البيت سريع جوا بس الشمار كاتلني دايره اشوف الجاء ده منو تاوقت بالحيطه اشوف ليك ابوي والمزه الجديده بتاعتو قلت فنفسي والله يا ابوي زوقك طلع حلو ياخ ههههههه
وطوالي مشيت بيتنا ولقيت امي و مرام يعاينو لي سااااي وانا مبسووطه و بغني امي قالت لي البشوفك وانتي زعلانه قبل شويه ما يشوفك اسي قلت ليهم لا انا مبسوووووطه ما عايزه زول يعكنن علي
امي اتنفضت وقالت لي اسمعي هنا يا سجم انتي اسي تحكي لي شنو الخاليك مبسوطه كدا ولا والله والله المرا دي بالخرطوش.. قلت فنفسي الحاجه دي ما ناويه تجيبه لي بر لازم القي ليها موضوع تتلهي بيو طوالي قلت ليها
بضحك يا امي لاني شفت العروس الجديده مزززززه😍 طوالي امي و مرام نطتو عيونم مرام قالت لي شفتيها وين انطقي قلت ليهم ابوي جاء اسي و جابه معاو
بس امي طوالي شالت ليها طرحه و ربطت راسه وبقت تقول احيييي يا راسي الصداااع يا خواني اعمل شنو انا
مرام جرت تتشمر وجات راجعه قالت لينا وااااي لكن كان شفتو كمية الشنط الدخلو بيها
امي قالت ليها اتاااااريهو ليو فتررره يضرب في الجير و يظبط في الغرفه والبرنده حقتو ديك ونحن زي الهبل واقفين نعاين ان شاء الله بركت الله تتهد فيهم يا رب
بعد شويه نشوف ليك خالتي ساميه جايانا مفحطه ووشها جايب اللوان قوز قزح كلها قالت لي امي وااااي يا ناديه كان شفتي الشنط ولا كان شفتي الكراتين للتلاجه بي كرتونته كرررر علينا يا يمه نحن التلاجه وكت اشتريناها جبناها مستعمله ان شاء الله ما تنفعم يارب
امي قالت ليها احييييي انا يا ساميه كلو من الحيوانه الاسمه محاسن دي الاهي تموت هي زاته معاهم في يوم واحد 😭😭😭
خالتي ساميه قالت ليها اسي نسوي شنو نرضي بالواقع ده ولا كيف؟!
امي نطت قالت ليها بررري وحات الله ثانيه ما بقعده ليو في البيت ده ماشه بيت اهلي طوالي انتو لو بتقدرو اقعدو ،،، خالتي ساميه قالت ليها و بناتك ديل ؟!
امي قالت ليها مرام ما عندها مشكله تمشي جامعته من هناك اقرب ليها زاتو وريان بحوله اصلا السنه لسه ما بدت ما بخلي بناتي وراي
خالتي ساميه قالت ليها انا زاتي ياختي بمشي اهلي خليها تشبع بيو وخلي محاسن تخم و تصر .،، مرام قالت ليهم انتو عوورا ليي تمشو تسيبو ليها البيت بالعكس تقعدو ليها في حلقه
ولسه هم بتناقشو سمعنا صوت ابوي بنادي في امي وخالتي ساميه وهم يتكبكبو
ويتبع......
