ابوي ناداهم و قعدم الاربعه في الحوش الكبير واحلي ما في الموضوع انو شبابيك بيتنا او القسم بتاعنا بس الفاتحه علي الحوش الكبير ماف شبابيك ناس تانين فاتحه علي الحوش الكبير طزااالي جرينا انا و مرام نتشمر طفينا نور الاوضه عشان ضلنا ما يظهر😂
و قعدنا نسمع في كلامم بس سمعنا ليك خالتي محاسن بتقول ليو ...
لكن ده كلام ده يا حاج عثمان انت ما كبرت علي الشغله؟؟! و كيفن تتمل حاجه زي دي من غير ما تورينا؟ نبقي زينا وزي الغربه نسمع بعد ٨ يوم من زواجك
طوالي امي نطت وقالت ليو اسمع هنا يا عثمان الفات داك كللللو كوم و الجاي كوم تاني يااااما استحملت غيابك عننا و عن بناتي والعيشه القرف النحن عايشنها دي كمان جابت ليها واحده رابعه مااالك معرس؟! نحن مقصرين معاك فشنو ياتو يوم طلبت من وحده فينا حاجه و ما عملته ليك وريني بس مااالنا ما ملين عينك ولا ما مالين عينك؟!!!!
خالتي محاسن وهي بتنخنخ من البكي قالت ليو اي كدي ورينا نحن مقصرين معاك في شنو وياريت لو عرست ليك وحده تستاهل الزول لمن يجي يعرس بسال و بختار والعفنه دي كانت صحبتي انا كان تجي تسألني عشان اوريك تستاهل ولا لأ
قال ليهم بي دم بااارد كده اها خلصتو كلامكم؟ يلا سندس دي انا اتزوجتها لظروف معينه حتمت علي اعمل كده وما من الاخلاق اوريكم الظروف شنو !! كان رضيتن ولا ابيتن بقت مرتي و خلاص الموضوع منتهي اي زول فيكم يزعله يبقي زعلني انا حركات الحريم و الضراير وكيد النسا دي ما بتنفع معاي عايز منكم تعاملوها كويس لو ما عايزين تعاملوها كويس خلوها فحاله
و بي نهره قال ليهم سمعتو ولا لأ؟؟!!
ماف وحده فيهم ردت و لا هرشت ابوي جابت معاهم نتيجه اول وحده امي وقفت قالت ليو اسمعني هنا ده انت هوووي ٢٠ سنه انت بتتكلم و نحن بنسمع اسي تسمعنا انت ده نحن البيت ده ما قاعدين ليك فيو اشبع بيو انت و سندس بتاعتك دي كفااايه زل لحدي هنا خمسه و عشرييين سنه نحن حياتنا كلها زل في زل لييي يا عثمان نحن ما عبيد عندك
حقوقنا كزوجات وييين؟؟ الاربعه و عشرين ساعه انت يا في الشغل يا مسافر يا محشور في اوضتك المطرفه ديك و جادعنا نحن بي جاي للمشاكل و القرف و مستحملينك كمان داير تجيب لينا وحده ما معروف من وين وعايز تفرض علينا نحترمه؟؟!!!!!!! لا لا لا وحااااتك انت يا غالي بيتك ده اشبع بيو انا ثاااانيه ما بقعده معاك بمشي بقعد مع اهلي وبسوق بناتي معاي
وطوالي اتحركت جايه علي البيت وابوي بنادي فيها ما اشتغلت بيو خالتي محاسن قالت ليو انا زاتي بسوق اولادي و بمشي و عاينت لي سندس قالت ليها ابقي عشره علي البيت ده كلو وعلي الراجل ده سايبن ليك الدنيا كلها يا خرابة البيوت العمرانه
ومشت...
خالتي ساميه قالت ليو وانا زااااتي ما قاعده ليك اذا ناديه دي ليها ٢٥سنه بس انا لي ٣٥سنه و مستحمله القرف ده كفايه لحدي هنا ماشه لي اهلي هديك اولاد الداير يمشي معاي بسوقو العاجبو الحاصل ده و عايز يقد اللي يقعد
ابوي قال ليها حتي انتي يا ساميه انا قلت انك العاقله!!!!!! قالت ليو وانت خليت فيها عقل عليك الله كدي سيبنا كده ولا كده
وكلهم مشو لملمو هدومم وبقو وجابو كراتيز لملمو عدتم و امي قالت بكرا بتجي تشيل عفشه كلو و حالفه كان تخلي ليهم شي😂
وانا في ده كلللو ما هاميني الا جعفر و خصوصا انو قربو يرجعو السعوديه لانو اجازتم علي وشك الانتهاء
المهم قمنا رحلنا عند ناس جدي و جدي ده كان زول ماديا كويس شديد احسن من ابوي بيتو كبيييير و مقسم اجزاء لي اولادو وفي البانين فوق ماشاء الله و الحوش كببيييير وفيو سرايك مجدع كده وبيتم كان حلو شديد واهل امي ناس حلوين شديد ما عارفه اللماها مع ابوي ده شنو!!!! وخلاها ترضي بالعيشه دي
يلا في النهايه اقسام زي ما بقولو
جدي اول ما شافنا فتح لينا دراعتو وحضنا عليو وقال لينا بناتي السمحات و يبوسنا فراسنا و قعدنا جمبو قال لينا شكلو امكم زعلانه من ابوكم صاح؟ الاتنين هزينا ليو راسنا بمعني ااي قال لينا يلا خشو جوا لي خلاتكم لحدي ما اشوف الحاص شنو معاها
وامي طبعا جات ردحت و اتكلمت كتيييير حبوبتي قالت ليها انا من زماااان ما كنت راضيه بي الراجل ده براااك اصريتي عليو
جدي قال ليها يا سعاد دي قسمته خلاص بس يا بتي انتي فارقمعاك فوق شنو لمن عرسك كان معرس٣ غيرك!!!!! قالت ليو يا ابوي استحملت الاتنين الفوق لي كان يجيب لينا وحده زياده علي اساس شنو يعني خلاااص من العيشه المرتاحه المعيشنا ليها ولا من الطرتيبه النحن فيها يا ابوي والله انا من شهر لي شهر بشوقو مره بس بجي يشوفنا محتاجين حاجه ولا ما محتاجين و يمشي و بعد ده كلللللو يعرس الرابعه!!!!! لا لا لا لحدي هنا كفايه
جدي قال ليها علي العموم بيتي ده طووول عمرو مفتوح ليك و انا من باكر الاوضه الفوق دي بخليهم ينضفوها ليك امي قالت الله يديك العافيه يا ابوي بس انا ما عايزه الاوضه الفوق دي!!! قال ليها طيب عايزه شنو؟!،
قالت ليو بكره انا وبناتي بنطلع ننضف الاوضه و البرنده الفي السطوح ديك و نقعد فيها قال ليها لكن الاوضه الفي السطوح دي في البرد ما بتتقعد يا بتي و الشتا داخل علينا قالت ليو ما مشكله يا ابوي بنقعد فيها.
ويتبع......
