كل ما اصرخ كان بلوي لي يدي زيادة بس جو بنات من مسافه ما بعيده شديد لمن سمعو صراخي زي تلاته بنات كده ما بعرفم جايين من وين بالضبط لزو الولد من وراي وانا طوالي وقعت في الارض وبتالم لانو لوي لي يدي شديد و ده غير انو عمار اخوي قبل لوا لي نفس اليد دي ومن يومه يدي ما بقت زي الناس
المهم وحده فيهم قالت ليو بنهره دي مرجلتك مع الرجال!!؟
الود اتخلع والمعاو كمان بقو مخلوعين وانا يدي كان مؤلماني شديد و ببكي من شدة الالم
قامو الاولاد كلهم اتجمعو وجو عليهم بس بس البنات التلاته بقو يكووووركو ويصررررخو بي صووت عالي و ينادو في ناس بي اساميهم بس طووااالي الاولاد خافو وجرو
قامو البنات عاينو لي كده و قالو لي انتي جايه من وين ما قدرت ارد لاني كنت بتألم شديد ساقووني بيت كده وجابو لي خلطه ما عارفه عباره عن شنو بس هي تغريبا زي مجموعه من الاعشاب كده مسحو لي بيها يدي من الكتف لحدي الكف وسبحان الله طوااالي الالم راح و رووقت كده
طوالي بدو يسألو فيني انتي الجابك هنا شنو و انتي من وين و لي مشيتي من اهلك و كلااام كتير بعد جاوبتهم قلت ليهم عايزه تلفون عشان اتصل علي اختي وحده فيهم طلعت بعد مسافه جات شايله ليها تلفون قالت لي ده ما فيو رصيد كتير اختصري
شلت التلفون و اتصلت علي مرام و الوكت ده مرام كانت خلاص اعصابه تلفت امي سالته مني و قالت ليها ريان مع جعفر
لمن اتصلت عليها ردت قلت ليها مرام و الخط طوالي قطع مرام رجعت لي تاني كلمتها قلت ليها انا رايحه الحقوني انا ما عارفه انا وين قالت لي خلي التلفون ده جمبك بدي الرقم لي جعفر هو بفتش فيك احتمال يكون قريب منك ؛، قلت ليها كويس
البنات واقفيين يعاينو فيني بعد مسافه جعفر ضرب وانا من سمعت صوتو قعدت ابكي قال لي يا ريان ما تبكي عشان افهم منك ولا اديني اي زول واقف جمبك اديت التلفون لي وحده منهم قالت ليو نحن في الحته الفلانيه و البيت القاعدين فيو ده ما حقنا عايزين نمشي بيتنا سريع تجو تسوقوها ولا نحن حانسيبه جمب الباب ... وحكت ليو الحصل كلو
جعفر قعد يترجي فيها انها ما تسيبني بس هي رفضت وقالت ليو تجي سريييع
بقيت منتظره جعفر وانا برجف من الخوف حتي البنات شكلهم ما كان مريح بس ارحم من الاولاد ديلاك
في وحده فيهم قعدت جمبي قالت لي اسي عليك الله انتي بت صغيييرا كده و حلوه البجيبك في الحته اللبش دي شنو؟! قلت ليها والله انا عارفه اي شي هنا😭
بعد ربع ساعه كده جعفر ضرب ليهم قال ليهم ادوني ريان ادوني التلفون قال لي عايني يا ريان انا عرفت المكان الانتي فيو ده مكان ما كوييس اعملي حساب نفسك شديد لحدي ما اصلك انا باقي لي ١٠دقايق كده و اصلك
