عاينت ليو وانا وشي كلو دموع لانو حسيت بي اهانه كبيره وكتها ؛، قال لي وهو بمسح لي في دموعي لا لا لا يا ريان ما ما داير اشوف دموعك دي!!
وانا اصلا ما اتكلمت معاهو واصل في كلامو قال لي ما تبقي عبيطه البت دي انا بعرفه من السعوديه زمااااان ما اسي كانو جيرانا هناك وهي ابوها مهندس ونقلوهو مكان تاني و رحلو مننا سنيييين ما اتلاقينا الا اسي بالصدفه هي جات هنا للجامعه وجات لي خالته زيارة ساكنه هنا و انا ما بيني و بينه اي شي قسمآ بالله
صراحه لمن حكي لي قلبي برد شويه بس لسه في زعل جواي وطنت ببكي و قلت ليو وانا بتنهد بالبكا طططيب اااانت ووواقف مممعاها كككده للييي بقي يضحك فيني قال لي والله انا شكلي حاتعب معاك ببويه صغيرا بس
وطلع منديل من جيبو وبقي يقش لي دموعي قال لي انا ما عندي مانع انك تغيري ياخ بالتكس الغيرا حلوه ودلاله علي الحب وانا مبسوط بغيرتك دي بس كمان فحدود المعقول سمعتي يعني ما تخنقيني بيها
قلت ليو برضو ما رديت علي سؤالي قال لي ياتو سؤال قلت ليو لو هي اصلا ما بتعني ليك شي مالك واقف قريب شديد منها كده ياخ انت ما فضل ليك الا تحضنه
ضحك شديد فيني وانا مغيووووظه منو قلت ليو ما تضحك انا جاده معاك قال لي انتي شايفه اني كنت لاصق فيها يعني؟! قلت ليو اي قال لي ابدددا والله انا كنت بعيد منها شويه الا كان عندك مشكله فعيونك ده يبقي موضوع تاني
قلت ليو وانا منفعله والله كنت متلصق فيها انا شفتك بي عيوني ،؛ قال لي يا بت ما تحلفي قلت ليو اقسم..... طوالي قفل لي خشمي بي يدو وهو مغيووظ مني ورفع يدو التانيه نظام داير يديني بنيه كده👊 قال لي ما تحلفي بالله انتي الله ده اخوك ولا قريبك تحلفي بيو كده
وبعدين انت كنت قريب منها بس ما ملاصقه ولا اي شي ،،،،، انا بقيت شغاله ليو اممممببب ما قادره اتكلم قام انتبه لي روحو وزحه يدو ضربتو في يدو وانا مغيوووظه قلت ليو ان شاء الله تنقطع يدك دي بس ،، قال لي فداك ما مشكله طوالي دفرت الباب ودخلت دخل وراي وجاء جاري عرض طريقي قال لي: انا مش قلت ليك ما تطلعي تاني بالليل الممرقك شزو انتي في وكت زي ده؟؟؟!! قلت ليو اي عشان ما عايزني اشوف صياعتك مع البنات و لصيقك فيهم مش؟ قال لي و هو مغييووظ من كلمة لصيق وبعض في شلوفتو التحت دي انا قلت ليك مية مره انا ما اتلصقت فيها
قلت ليو بي صوت عالي انت بتكذب ليي كان ما..... تاني كتم لي خشمي قالي ما تعلي صوتك وتصحي ناس البيت يا مجنونه
انا طوالي عضيتو في يدو وابيت افكها ليو كلو كلو اتفشييييت فيو وهو كاتم الصرخه عشان ماف زول يسمع بعداك فكيت ليو يدو ودخلت جوه خليتو يتلولو من الالم
يوم الجمعه لمن جاء من الصباح الناس بتستعد للرحله وامي تسووط في العصير يا حليله وتعمل في الشاي ومرام بتساعده جاتني سني بددري قاشره و متشيكه عشان ابوها برا برسل ليها هدوم حلوه شديد جات لقتني قاعده بهدوم البيت بقت تشتم فيني انتي يا بت هبله ولا عبيطه قومي البسي سريع
قلت ليها والله انا ما عندي مزاج امشي الرحله دي قالت لي تقولي كلامك ده اسي بعد ما لبست كان توريني ما كان لبست علي الاقل وجيتك من صباح الرحمن كده
مرام قالت ليها هو علي كيفه ماف حاجه اسمه ما حاتمشي جوه عينه يلا سريع خشي الحمام و البسي
قمت دخلت الحمام استحميت وطلعت لبست مرام قالت لي تعالي امكيجك امي نهرته قالت ليها البت دي لسه صغيره اوع تعلميها قهارت البنات دي مرام ما اشتغلت بيها و مسكتني مكيجتني مكياج حلو شديد .
وبعداد قعدنا منتظرين حافله او هاييس يجي يخمنا يودينا بس سهي اتذكرت اليوم داك و جرتني بعيد شويه قالت لي انت اليوم داك كنتي مالك وكده انا طوالي حكيت ليها بقت تضحك فيني قالت لي عشان كده وقفتي اتسمرتي مكانك😂😂😂
ويتبع.....
