طلعنا بعد مشينا بعيد شويه من البيت قال لي مالك يا بت فاضحاني و فاضحه نفسك و ضحك فيني قلت ليو اسي انا عملت شنو قال لي و هو لسه بضحك شنو العملتي شنو ما فضل الا تقولي لي امي امبارح جعغر قال لي و قال لي ،، طبعا طوالي انتهزتها فرصه و قلت ليو وانت لي خايف من انو عمتي تعرف قال لي عشان لسه مواضيعنا و امورنا ما وضحت ؛، تنننننن اللحظه دي حسيت بي قيمة نفسي شديد ياخ والله يا ريان بقي عندك مواضيع و امور عايزه توضيح كمان اششششي ياخ😍 قلت ليو اي بسسس قاطعني! اششششش انا مش قلت ليك ما عايز منك رد أسي انتي مالك مستعجله يا زوله قلت ليو لا بس يا جعفر انت عارف انو....
برضو قاطعني قال لي قلت ليك ما تتكلمي نهائي ولا تضغطتي نفسك في التفكير المواضيع الزي دي ما بتاخذ فيها القرار بالسرعه دي بطلي خفه وضحك ،، طبعا لمن يضحك انا بدخل في النار و بطلع و بتغغغغاااااظ منو بحس بي بستهزء عاين لي كده قال لي يلا يلا ارح البيت ما عايز ولا كلمه
مشيت البيت وكانك يا زيت ما غزيت حسيت بنفسي ما عملت اي شي جيت داخله لاقتني مرام فوشي قالت لي انتي جايه من وين
قعدت اتحكرت حكيت ليها بي اي شي فرحت ونطت وقالت لي انتي عويره اووووع تقولي ليو كده قلت ليها لكن!!! قاطعتني بي نهره ما تقولي لي لكن انني اسكتي بس وانا بتصرف
قلت ليها حاتعملي شنو قالت لي ما ليك دعوه بس اوع ترفضيو او تقفليو قلت ليها كويس نشوف اخر الموضوع ده شنو
مرت زي تلاته يوم كده وما كنت اتلاقيت مع جعفر جاتنا عمتي بالعصر كده و كانت مبسوووطه وشايله ليها صينية كيك وقالت لي مرام اعملي لينا شاي وجات قعدت في حوشنا
واتونسسست و ظرافات شديده قلت دي حاسه بشنو دي !!!!
بعد مشت جاتني مرام قالت لي عمتي دي مالا ما حاجه غريبه قلت ليها حاتكون مالا يعني قالت في ما عارفه بس شكلو نازل منها شديد يا ربي يكون جعفر كلمه قلت ليها لا ما اظن لانو عايز مني رد اول
في نفس اليوم طلعت مشيت اجيب رصيد من الدكان وانا راجعه لقاني احمد اخو جعفر قال لي جايه من وين؟! قلت ليو مشيت اجيب رصيد بس قال لي انتي عندك تلفون قلت ليو لا ده لي مرام اختي انا ما عندي تلفون ضحك قال.....
ويتبع...
