سلمت على صحباتها وقالت
خلينا بعيدين عن الأنظار احسن.هزيت ليها راسي ومشينا قعدنا في ركن هادي كانت بتعاين لمحبسها مبتسمة قلت
اشتقتي ليه يعني؟.ضحكت ورفعت راسها عاينت لي وقالت
حاجة اغرب.عاينت ليها بإستقراب قالت
اذا الزول وهو معاك مشتاق ليه شوق ! يبقى دا شوق💜.ابتسمت قالت
انا مليت خلينا نطلع
مليتي؟
امم م بحب الأجواء دي🌝.ضحكت ومسكت يدها وطلعنا قلت
عاملة زي الزول النفسه محرقاه.ضحكت وجات الصحافة متلمية علينا
أنسة أثينا عرفنا انك اتزوجتي سيد أسيف دا خبر صحيح؟ ولى غلط؟.عاينت لي بضيق قلت
دي حاجة بتخصنا م حد يتدخل لو سمحتوا.مسكت يدي وقالت
امم الكلام صح ويا ريت م حد يتدخل تاني.عاينت لي وإبتسمت انا مع صدمتي اتذكرت انو انا وعدت امي اتزوج وفعلا دا الحصل بس م عارفها منو بعد بعدنا عنهم فكيتها بزهج وقلت
ليه قلتي كدا؟
علشان م يضايقونا تاني
وح تقولي لراجلك شنو؟ ولمرتي انا شنو ؟ طيب ﻷمي انا؟
م تخاف م ح يسألوا اكيد عارفين قلنا كدا ليه.عاينت ليها بزهج ورجعنا طلعت غرفتي بسرعة وانا مخنوق تفكير تلفوني ضرب كانت امي
أسيف مشتاقين ياخ🌚.ضحكت وقلت
مام كيفك وبابا كيف؟
كويسين انت كيفك؟ وينك من الصباح الليلة؟
الشغل بس والله🐸
والشغل دا بشمل زواجك من ميراي ولى حاجة؟
مش زوجتيني انتي؟ ميراي دخلها شنو حسي🌝
م تستهبل انا شفت الحصل حسي☺
امي م كدا والله كل القصة دا كان سبيل هروب☺.ضحكت وقالت
طيب طيب همم انت راجع متين؟
كم يوم كدا وبرجع ان شاء الله🌚💕
طيب يلا حسي نوم
امم حاضر وسلمي لي على بابا❤
امهم.قفلت منها واستحميت ونمت وانا معصب عدت الأيام بملل م كنت بتكلم معاهم غير في الشغل رجعت البيت كان جايط مشيت غرفتي بسرعة كان ليل استحميت ونمت صحيت الصباح مصدع قمت اتجهزت للشغل وطلعت البيت كان مجهز ومزين عاينت بإستغراب جاء ابوي من وراي وقال
امك مستعجلة على العرس.هزيت راسي بفهم وقلت
افهم انو بتحضروا لحفل زواجي؟.اتدخل صوت امي
انا جهزت اي حاجة وح يكون بعد بكرة م تنسى حبيبي.هزيت راسي بإبتسامة وانا موجوع فطرنا وطلعت الشغل عدا اليوم مؤلم تاني يوم صحيت لقيت محمد ووينتل في وشي
وينتل:نايم ليه وانت عرسك بكرة😒.اتقلبت وقلت
بكرة م الليلة خليني في حالي ياخ😴.محمد جرا مني اللحاف وقال
قوم قوم ح نعمل توديع عذوبية يا شيخ
انا:استمتعوا😴
وينتل: استنى انا ح اعرف اصحيه كيف.عاينت ليه بطرف عيني وقلت
انتوا لي زفت كدا؟.قعدوا يضحكوا رميت عليهم المخدات وقمت استحميت وطلعت كنت عايز افتح التلفزيون لقيت وينتل فتحه وبحضر فيلم شلت منو الريموت وغيرت حمر لي وقال
مالك ياخ😑
عايز اشوف الحصل شنو مع أثينا
محمد:انت مالك ومال أثينا خليك مع عرسك وقوم.جراني اتنهدت وطلعنا طلبنا بدلتي وظبطنا حفلة لتوديع العذوبية بالليل وفضلنا لافين وزهيان كان انضم لينا رجعنا المغرب الحلاقين كان وصلوا البيت خففت شعري ولحيتي بعدين اتجهزت للحفلة ومشينا انا م كنت بحب الجوطة كدا نهائي وكنت م حاسي بحاجة غير اني روبوت بعد الحفلة خلصت رجعت البيت تعبان ونعسان بطريقة صعبة استحميت ونمت طوالي صحيت الصباح بصوت أمي
أسيف اصحى حبيبي.فتحت بإبتسامة باست راسي وقالت
صباح الخير💛.ابتسمت ليها قالت
العروسة جهزت وانت م صحيت فتح يلا💛.قمت وقلت
امي انتي متأكدة من الح يحصل دا؟.ختت يدها على خدي وقالت
متأكدة كمان انك ح تتبسط.هزيت راسي وقامت
يلا اجهز سرعة وينتل والباقين في الطريق
طيب.طلعت وانا قمت استحميت وفتحت التلفزيون كانت 3/4 القنوات بتتكلم عن عرسي انا و عرس أثينا ميراي المجهول اتنهدت وقمت اتجهزت حسيت اني زول تاني خالص كنت موجوع شديد حرفيا ،، وينتل وزهيان وفرح ومرته والبيبي الجديد ومحمد وكاتي وابوي وامي واي حد بعرفه والشركات المضادة وكلهم كانوا على الشط امي وقفت جمبي بإبتسامة وقالت
م ح تتراجع سامعني؟.هزيت راسي ربتت على بإبتسامة شوية وجات فرح ماسكة يد العروس كانت ميراي😧 عاينت ﻷمي ورجعت عاينت ليها كانت هي بالجد😳لابسة فستان ابيض سندريلا منفوش وفيه طبقات كتيرة ماسك عند الخصر وعنده ديل بنفس الطريقة واوف شولدر بأكمام طويلة اوفر سايز وماسكة بنهاية اليد وراجعة واسعة مغطية الباقي ومظهرة الأصابع بس وجزء من صدرها كان ظاهر وشعرها كان ويفي ببساطة وطرحتها زي 30 سم وم كانت خاتة ميكب كتير💕 كانت حلوة شديد وقفت وفرح جات مسكت يدي وجرتني معاها ومسكتنا يدين بعض وعاينت لينا بإبتسامة عاينت لميراي خدودها حمروا ونزلت عيونها مسكت يدها ومشينا للمأذون بعد خلصنا جات فرح ومعاها الخواتم عاينت لامي كانت وراها هزت لي راسها بيلا ابتسمت وانا دا كله مصدوم شلت الخاتم لبسته ليها كان المحبس على شكل طيرة وفي راسها تاج ومنحوت عليه باليوناني مملكتي💚 ولبستني محبسي ويدها بترجف
