إستأذنت منهم وطلعت الشركة ضرب لي وينتل
يا سجم طفيت البلد🐸
وينتل الأخبار🐸
شنو لكن😂
امم ميراي مع اهلها الليلة بعد اطلع من الشركة نتلاقى في الكافيه كلم زهيان ومحمد
طيب تمام.قفلت وكملت شغل بعد خلصت ضربت لميراي
يا بيبي لقيتي اهلك ونسيتيني؟
اعمل بيك شنو زهجت منك عديل انا😬
كدا يا ميرو؟😢.قعدت تضحك قلت
ها كيفك؟ اتحسنتي؟
الحمدلله انت كيفك؟ رجعت من الشركة؟
امم في الطريق ح الاقي ناس وينتل وبعدين ح امشي البيت محتاجة حاجة؟
ﻷ بس خلي بالك💛
طيب يلا.قفلت وكنت وصلت نزلت ليهم سلمتا وقعدنا اتونسنا واتغدينا مع بعض ورجعت البيت استحميت ميراي ضربت لي رديت
كأنو اشتقتي لي يا سكر
نوم بدري ونتلاقى في الإستديو بدري اوكي؟🐸
امم م اظن🌚
اسيييف😪.ضحكت وقلت
همم م نفسك تقولي لي بحبك؟.قفلت فيني ضحكت وضربت ﻷنجل اتكلمت معاها شوية وقفلت رجعت لميراي وانا رقدت ردت لي قلت
حبيبي م نفسك اجي اخدك؟.ضحكت وقالت
امم ﻷ
ميرااي🌚
يا بيبي بطل😂.قعدت اضحك قلت
جادي معاك
يا ولد الساعة كم حسي انت جنيت؟
انتي مالك اساسا مافيها حاجة.غزلان جرت منها التلفون وقالت
على فكرة مافي فايدة من انها بايته معانا وهي بتتكلم معاك🌚
مافي فايدة صح؟
اي والله
ظابط يا مانة.قعدت تضحك قفلت فيها وقمت غيرت وطلعت مشيت ليهم رنيت الجرس فتحت لي الشغالة خالتو غرام وعمو وسيم كانوا قاعدين بتونسوا سلمت عليهم كانوا بعاينوا لي بإستغراب
عمو:ميراي نامت عارف كدا؟
انا:عمو ميراي صاحية وهي القالت عايزة ترجع😹.قعدوا يضحكوا جات نازلة ومعاها مهيار كانت لابسة شورت روزي في نص فخذها وتيشيرت كت ابيض وجكت روزي عاينت لي بصدمة مهيار جاء سلم علي
مهيار:اها يا ميراي خلاص ح تتخارجي في زول كدا شكلو م قدر يقعد بدونك🐸
خالتو:والله هم الجوز لانو م كانت بتصحى لحد حسي😹.ميراي وردت وحمرت عديل قلت
نمشي؟.هزت راسها بطيب استأذنا وطلعنا قالت
يا مجنون ليه عملت كدا😑
اعمل شنو انا بالجد م قدرت اقعد بدونك😢.جرت مني المفتاح وقالت
انا ح اسوق يلا😬ضحكت وقلت
طيب يلا.مشينا وم اتكلمت معاي طول الطريق وانا بشاغلها نزلت قبلي وانا نزلت جريتها على العربية وقلت
همم في شنو؟.م ردت قلت
ارجعك؟.حمرت وقالت
لعبة انا؟
اعمل ليك شنو لكن.عاينت لي بطرف عينها بست انفها وطلعنا البيت اتسطحت واتسطحت جمبها وختيت راسي على بطنها مشت يدها على شعري قلت
رايك شنو نمشي نشوف الدكتور بكرة؟
م عارفة انا خايفة شوية.عاينت ليها وقلت
انا معاك طيب؟.هزت راسها بطيب بست يدها وقمت رقدت كويس وضميتها ونمنا صحيت الصباح اتجهزت ولقيتها صحت واستحمت بست راسها قلت
صباح الخير💜
صباح النور💛
يلا سرعة علشان م تتأخري.هزت راسها ومشت جهزت لبست فستان ابيض ضيق من فوق وتحت واسع لحد الركبة اكمامه 3/4 واسعة من تحت ومن الناحية البرا لليد فيها خيوط متشابكة وعملت شعرها ضنب حصان مرخي وجابت شوية منه بقدام وكعب ابيض وشنطة زيتي فطرنا وطلعنا مشت تقدم *لحن* انا كنت ورا الكواليس متابعها كم اتصال بسألوا عن عاشق أثينا وعن انها كانت وين الفترة الفاتت كانت بتعاين لي وبتبتسم بس بعد خلصت مشينا لوينتل سلمنا عليه وطلعنا للدكتور بعد سلمنا عليه سألها من الأعراض وكذا بعدين قال
مستعدة نعمل كم فحص حسي ولى كم يوم تاني؟.عاينت لي بخوف قلت
ح تعمله يا دكتور
الدكتور:طيب ح اخليهم يجهزوا ليكم غرفة واتكلم مع الدكتورة الح تعمل الفحص.هزيت ليه راسي وطلع دموعها نزلت ضميتها وقلت ح تاخدي مهدىء م تخافي ح اكون معاك طيب؟.هزت راسها الممرضة جات ورتنا الغرفة وادتها الملابس غيرت شوية والدكتورة جات سلمت عليها وقالت
طيب علشان التصوير المائي والصبغة مدموجين مع بعض نبدا بيهم موافقة؟.هزت راسها مسكت يدها وبعدين مشينا غرفة الفحص الدكتورة كانت بتشرح ليها ح تعمل شنو وهي م مركزة بتعاين لي بس وانا قاعد جمبها وماسك يدها شوية وضغطت على يدي بألم الدكتورة اشرت لينا على الشاشة قالت
شكل رحمك كويس ومافي داعي للخوف بس الحجم صغير ودا الطبيعي في حالتك هزت ليها راسها قلت
دكتورة مافي حاجة بتخوف يعني صح؟
الدكتورة:ايوا بس باقي نتأكد بالموجات فوق الصوتية وح نعمله بالليل اذا موافقين
ميراي:طيب م ممكن حسي؟
الدكتورة:مفعول الحقنة م فك وم ح نقدر ناخد رؤية واضحة حسي.هزت راسها الدكتورة استأذنت وطلعت قلت
بتقدري تمشي؟.هزت راسها بأي ساعدتها قامت ومشينا الغرفة شربت عصير ونامت مشيت على شعرها وبست راسها نزلت جبت اللابتوب من العربية وقعدت اشتغل لحد بالليل
