وقفت العربية وطلعت سيجارة وضغطت على ولاعة العربية كنت ح اولع السيجارة بس لمحت بت ومعاها واحد واقفين قدام شوية وفاتحين العربية كأنها اتعطلت رجعت السيجارة ونزلت ليهم كانت ميراي ومعاها السواق قالت ليه
عمو لسة يعني؟
استني يا ريو😪.قلت
السلام عليكم💚.التفتوا لي وردت هي قلت
محتاجين مساعدة؟
ميراي:م عارفة بس العربية وقفت فجأة☺
انا:ممكن بعد إذن حضرتك اشوفها؟.هز راسه مشيت فحصتها وقلت
محتاجة شغل شوية.طلعت تلفوني وضربت لكاتي رديت بنعاس قلت
كاتي رسلي لي عامل ياخد العربية الورشة ح ارسل ليك اللوكيشن.وقفلت فيها التفت لميراي وقلت
ح يجوا ياخدوها وانتي الوقت اتأخر يلا اوصلك.هزت راسها بﻷ وقالت
ح اتصل لبابا و ح يجي ياخدني انت كمل طريقك💗
انا:مافي داعي تتعبيه وانا طريقي من طريقك يلا.هزت راسها بطيب التفت للسواق وقلت
العامل م ح يتأخر و ح يوصلك البيت طوالي يلا عن إذنك.ابتسم لي وهز راسه مشيت قدامها للعربية جات وركبت قالت
شكرا
ولى يهمك💙.كانت سرحانة وبتعاين بالشباك وانا بعاين ليها بالمرايا كان شكلها حلو شديد💜وصلتها وحتى م لاحظت انو انا عارف طريق بيتها التفتت بسرعة وقالت
شكرا ليك.ونزلت بسرعة جرت على اخوها مهيار كان لابس ترينك وكان بتمشى وحضنته التفت ليها وباس راسها بإبتسامة ودخلوا البيت انا رجعت البيت مبسوط شديد طلعت الغرفة استحميت ولبست حاجة مريحة ونمت طوالي صحيت الصباح كنت مبسوط لسة استحميت وفتحت القناة سرعة كانت بتتكلم مع وحدة متصلة كانت لابسة بنطلون جلدي ازرق فاتح شديد وتيشيرت ابيض فيه رمادي شوية ولامة شعرها بضفيرة هندية بالجنبة و عاملة روج من لون زهر البنفسج💕.بعد قفلت سكتت مسافة وهي منزلة عيونها
لحن وين الليلة اشتقنا لصوتك يا عاشق.ورفعت راسها للكاميرا حسيتها بتعاين لي وشايفاني بالظبط ابتسمت وشلت تلفوني ووطيت على صوت التلفزيون وضربت قلت ببحة
-وكأنني كعاشق أثينا بها يولاند💜....عاينت بإستغراب وقالت
أثينا ويولاند؟.رديت بإبتسامة
جوايا حاجة💙...
قفلت منها وقمت اتجهزت لبست بنطلون بني و تيشيرت بيج و جكت البدلة اسود ونزلت بست راس ماما وبابا وقعدنا للفطور
ابوي: أسيف م عايز اجبرك على حاجة لكن بعد كدا انا شايف انك كبرت وانت ولدنا الوحيد ونحنا عايزين نفرح بيك اذا ممكن
ماما:فهر..قاطعتها
ابوي انا شايف انو حسي م جاهز بس قريب ان شاء الله.ابتسم لي قمت بوستهم وطلعت السواق كان منتظرني في الطريق فتحت الإنستغرام بتاعها وكنت بشوف في الحلقة و كتاباتها كان اخر واحد
-عيناك ذات العسليتان والأهداب الكثيفة كفريضة الصلاة فرضت علي التوهان ،، عروق يديك البارزة ويدك الباردة اجبرتني السلام فأنت لم تغب عني يا هذا💚...
كان في كومنتات كتيرة رميت التلفون بزهج ومشيت الشركة كاتي جابت القهوة قلت
العربية الرسلتها الورشة امبارح اتصلحت ولى لسة؟
كاتي:المصلح قال ح يخلص منها بالليل.هزيت ليها راسي وانا براجع في الملف طلعت وعديت اليوم شغل حتى فضلت لحد بعد مواعيد الدوام بفترة طويلة اتنهدت وقفلت الملف وقمت طلعت لقيت كاتي قاعدة وماسكة ملف عاينت ليها بإستغراب ابتسمت لي قلت
يا بت دا شنو مش عندك محاضرة المقعدك لحد حسي شنو؟
قلت احتمال تحتاج حاجة وكل الباقين طلعوا☺.قفلت ليها الملف وقلت
طيب يلا انا جيعان نتغداء مع بعض.ابتسمت وهز راسها تلفوني ضرب طلعته وقلت:
ح استناك تحت.ونزلت كانت امي رديت
ايوا يا ماما
انت نسيت نفسك في الشغل تاني يا أسيف؟
معليش يا ماما والله كنت براجع في ملفات مهمة بس
اوكي تعال يلا ح اجهز ليك الغداء
لالا انا ح اتغداء مع كاتي انتي ارتاحي حبيبتي وبابا وين؟
ابوك طلع الغرفة حسي
امم طيب يلا انتي كمان اطلعي
طيب خلي بالك
حاضر❤.قفلت منها وكاتي جات مشينا بعد طلبنا وبناكل شفت ميراي مع روسيم كانت رافعة شعرها بفوضوية لفوق ولابسة ترينك رياضي زيتي التيشيرت اوفر سايز مظهر بطنها الشمس كانت عاكسة عليها ومبينة جمالها ولون عيونها اكتر 💜.. كاتي ضربت رجلي
أسيف البت ح تلاحظ خلاص ح تأكلها.ابتسمت وقلت
بتتكلمي عن شنو؟
أثينا ميراي
م فهمت😐
م تعمل غبي انا عارفة وفاهمة الحاصل وانت عاشق أثينا الهي م عارفاه بطل إستهبال
أنا؟ كاتي انتي يوم لقيتيني بغني او بكتب؟
م حصل بس صوتك واضح
تشابه بس يلا علشان ترجعي تقري تخرجك قرب صح؟.ابتسمت وهزت راسها طلعنا وصلتها بيتها ورجعت البيت الجوء كان هادي طلعت غرفتي استحميت واتسطحت وانا بفكر اوصل كيف ليها لحد م نمت صحيت الصباح بدري دخلت المنحت كان في لوحة قربت تخلص كانت لعيد ميلاد ماما بعد اسبوع طلعت استحميت وفتحت التلفزيون ميراي كانت جاية يادوب كانت لابسة بنطلون جينز مشرط من تحت وتيشيرت من لون الأنناس وكعب اسود حضرت الحلقة كلها في اخر 10 دقايق كل المتصلين بسألوا عني ابتسمت واتصلت وحدي قالت
-قلب أثينا انت تربكها حتى انها لم تعمل بعملها بما لديها يا انت...
ميراي قرنت حواجبها وصرفت نظر حولها وقالت انو الوقت خلص
