صحيت الصباح مبسوط لقيتها صاحية قمت منها وجزء من لحيتي كان عالق على اسورت يدها قلت
ااخخخ.قامت بسرعة وكانت ح تجر يدها مسكتها ووقعت عليها ختيت يد على رجلها والتانية ماسك بيها يدها قالت
مالك😳
لحيتي😬.عاينت ليدها ولحيتي قالت
في حد قال ليك م تخليني اطلعهم؟
كنتي ح تطلعيهم قلت ليك ﻷ؟.هزت راسها قلت
يلا القي حل وفكيها بدون قص لو سمحتي
مافي حل غيره
اتصرفي بس م تقصيها
متأكد؟.هزيت راسي لونها قلب احمر وباستني بقيت مصدوم مسكتها من خصرها وشديت عليها شوية وبعدت عني كانت مطلعة الإسورة من يدها إبتسمت بخجل وبدت تفكها لي وانا ماسكها قالت
همم قربت.هزيت راسي طلعتها وختت الإسورة بالجنبة وانا بعاين ليها قالت
خلصت.هزيت ليها راسي بطيب رفعت حاجبها بإستغراب بستها وانا بفك في توبها مسكت على صدري وقالت
اسيف ﻷ😢.فكيتها بسرعة و قمت وعملت رايح دخلت استحميت وطلعت كانت متكرفسة على نفسها فستانها كان اقصر من نص الفخذ قلت وانا بنشف شعري
ميراي م داخلة الحمام؟.قامت وقالت
همم داخلة التفت ليها كانت بتطلع في الحلق مشيت قعت جمبها وطلعت ليها من شعرها ويدينها فوق قلت
دا كله متين لحقوا عملوه ليك؟.رفعت كتفها ونزلته قالت
أسأل عمتو منار.ابتسمت ليها وهي كانت بتفك من خصرها قعدت طلعت ليها الحجول قلت
على فكرة الحنة حلوة❤.ابتسمت بخجل بست راسها قامت استحمت وانا دخلت ليها الدهب الخزنة شوية وطلعت كانت لابسة بنطلون اسود في الرجل اليسار دانتيل بالجنبة لحد 3/4 الفخذ لونو زيتي ومع الحنة ظهر حلو شديد💕 وتيشيرت زيتي افتح بيد واقعة مبين جزء من صدرها كانت موشمة عليه دخلت يديني على جيوبي وقلت
متين وشمتي؟.هزت راسها بﻷ اشرت على صدرها ختت يدها وقالت
دي حنة😶.ضحكت وقلت
حنة مرة وحدي؟.هزت راسها وعملت رايحة وفضلت ختت يدها مشيت جبت ليها تيشيرت اسود مديته ليها قلت
م عارف تخجلي مني انا راجلك ولى الباقين يلي م صح تظهري اساسا قدامهم كدا
اسيف😐
البسي البسي.شالته مني ودخلت غيرت وجات نزلنا تحتا كانوا بفطروا فطرنا معاهم وقعدنا نتونس خالتو غرام ام ميراي ضربت لماما وتيتا قعدوا اتونسوا وفتحوا الكاميرا ميراي مشت ليها
خالتو:اها كيف كان الجرتق🌚.ميراي ضحكت وقالت
يعني انتي كنتي عارفة؟
خالتو:طبعا طبعا وكنا جايين انا وابوك بس جاتوا عملية مستعجلة😹.ميراي قعدت تضحك وورتها الحنة مشيت سلمت عليها قالت
لوسين وخالتو تحننوا ميراي وم تحننوا أسيف ليه ياخ؟
تيتا:نسينا وراح من بالنا والله
امي:عملتي لينا موضوع والله كلامك صح ح نحننه حسي😹.خالتو غرام قعدت تضحك عاينت ليهم بصدمة قلت
هي استنوا حنت شنو البتحننها ليكم
تيتا:م ح تتحنن لينا لمرتك يا فالح.عاينت لميراي قلت
ميراي حبيبي م عايزة صح؟.ابتسمت وقالت
ليه ﻷ🌚.حمرت ليها وقلت
انا م فاضي وعندي شغل مع السلامة.كنت ح اطلع مهاب وايهم جروني قالوا وين وين استنى يا شيخ🐸.اتنهت وقلت
عاينوا نتفق انا مسافر المانيا لم ارجع انتوا حنوني موافقين؟
تيتا:منار جهزتي الحنة صح؟
عمتو منار:والجنينة الشغالات بجهزوا فيها خلوه يغير بس
انا:يا بابا اتكلم
ابوي:ارد على امي ولى كيف؟.ضربت راسي بيدي
ايهم:تعال تعال
تيتا:ح اقوم اجيب ليك جلابية واجي.تيتا قامت شوية وجات معاها جلابية لونها زيتي ادتني ليها شلتها منها مشيت غيرت ونزلت كانوا بزغردوا وفاتحين اغاني وبهناك مراد بحجز في فنان قلت
انا وميراي بكرة مسافرين اشوف ح تتموضعوا بمنوا تاني😒
عمو عمار:جاي عرس روين.قعدوا يضحكوا طلعنا الجنينة عملوها لي وميراي بتصور وتضحك شميتها شمة😑 بعد م طلعتها كانت كبدية على اسود كدا جات روين
حسي يا مراد مش كان تخليه يعرسني بحنتو الحلوة دي😢.عاينت لميراي لقبتها بتعاين ليها حسيت انها ح تحرقها وجاتني بإبتسامة قالت
حبيبي نطلع؟
خلينا هنا الجو حلو😄.عاينت لي بطرف عينها وإستأذنت وجرتني معاها لم دخلنا قفلت الباب وعايزة تمشي جريتها لصقتها على الباب وقلت
على وين؟
ماشة اشرب عايز؟😒
ومالك زهجانة كدا😹
انت كنت ح تتزوج روين بالجد؟
اي انا كنت ح اتزوج روين بالجد لانو انا كنت وعدت ابوي ووعد المؤمن دين
طيب وانا؟ م حرام تخليني لغيرك؟😢
بس انتي معاي الحمدلله
لو م خالتو ورتك الحصل كنت ح تخليني بالجد؟ انت اساسا م وثقت فيني يا أسيف😢
انا كنت واثق ولو م واثق م كنت سألتك بس انتي بسكاتك وبكاك جاوبتي لي حسي قولي لي انك لو في محلي م ح تعملي العملته💔.ختت يدها على عيونها وبكت ضميتها علي
