-اتخلى عن قلبي الذي ملكتيه أثينا ،، اتراجع عن كل ذاك الجنون ،، ولكني اظل طائر لحنك يا كل معجزات وجدي ،، ربما يشعر الصغير بألم كبير عند اقتلاع ظفره ولكني انا أشعر اضعاف شعوره عند اقتلاعك بعيدا عن قلبي ،، ف أنا اتراجع عن كل م خططت وكل غنوات الحب تلك ،، ذاك الذي يهتم اقترب أثينا اذهبي اذا واتركيني ف أنا لست سوى طائر مسحور حبيبتي
كلما اقترب تبعد الخطوات وتكثر اذا اذهبي فخطاك اقرب حبيبتي💙...
ميراي صوتها اتهز في النهاية ختت الأيباد قفلت التلفون وسقت على الإستديو وصلت وكانت هي داخلة على وينتل دخلت قدامي دقيت الباب ودخلت ابتسموا لي وشكلها كان كئيب جدا قعدت مدت ظرف لي وقالت
طيب مدام انت جيت دي إستقالتي☺.شلته منها وانا يدي بترجف ختيته وقلت
والإستقالة لشنو؟
ح ابدا اجهز لعرسي و طلع قرار انو م عايزين متزوجين صح؟.ابتسمت ليها وقلت
حظ اوفر طيب😊.هزت راسها ووقفت ودعتنا وطلعت وينتل عاين لي بإستياء وجاء قصادي ضربني على راسي قال
م شفت اغبى منك ابدا.قعدت على الكرسي وهو قعد قصادي قلت
في شنو يعني؟
في شنو؟ انت عارف كم زول واقفين على أثينا ميراي؟ عاشق اثينا بس حياته واقفة عليها صوته بقول انو ح يجن اذا م اتكلم.ابتسمت وقلت
م تخاف م ح يحصل ليهم حاجة😊
انت الكلام معاك عقيم عارف؟
وينتل كلامي واضح وانا م قلت ميراي بالقصد
نعم؟ هي الوحيدة المهمة هنا عارف؟
وينتل خلاص انتهينا اذا ممكن.قمت طلعت الشركة عدا اليوم زفت طلعت على البيت وانا بسجر طفيت اخر وحدة ودخلت امي جات علي حضنتني لزتني وضربتني كف م حركت وشي مسكتني من القميص وقالت
مسجر؟ مش انا منعتك؟ مش حذرتك؟.لزتني بقوة وهي بتبكي قلت
ماما..قاطعتني
انا م امك م امك يا أسيف💔.اتخطيتها بزعل ودخلت قعدت على الكرسي وانا بحرك رجولي بعصبية وتوتر دموعي جات واقعة قمت ادوشت وطلعت غرفة الرياضة فضلت اضرب كيس الملاكمة بدون القلفزات لحد م اتجرحت قعدت على الأرض وانا ببكي بوجع عدت فترة طويلة كدا قمت استحميت واترميت على السرير بالعرض ودموعي نازلة💔 غمضت عيوني شديد بوجع لحد م غفيت بدون م الاحظ صحيت الصباح عاينت حولي دا م انا ابدا💔 قمت استحميت وجهزت وطلعت بالباب الخلفي عدا اليوم رجعت البيت لقيت امي قاعدة على سريري وبتقرا في كتاب ومكشرة طلعت جكت البدلة ختت الكتاب ووقفت قدامي
أسيف في حياتي م كنت قاسية عليك وخليتك على راحتك بس انا شايفة انك خربت دا شنو الهبل الحاصل في القناة دا؟
قرار الإرتباط يعني؟.هزت راسها وهي ربعت يدينها اتنهدت وقلت
عايزة تجهز لعرسها متوقعة اخليها وانا اكون شايف دبلتها؟
الشغل م ليه علاقة بحبك.طلعت سيجارة وهزيت راسي قالت
انا رجعتها و م على كيفك سامعني؟.م رديت لفتتني عليها ولم شافت السيجارة جرت لحيتي وقالت
كان مفروض على انك عقلت بس للأسف م دا الحصل😊💔.وطلعت قعدت على السرير وانا مخنوق استغفرت وقمت استحميت وقعدت ادعي كتير في الصلاة علشان ارتاح حتى لو موت قمت قعدت اشتغل لحد وقت متأخر طلبت ساندويتش كان لي يومين م ماكل حاجة الشغالة جابته لي مع حليب اخدتهم واستحميت ونمت الصباح كنت تعبان شديد ومعرق وجسمي مكسر امي جات داخلة لم شافتني كدا قعدت جمبي بخلعة وقاست حرارتي شهقت وقالت
انت عيان.هزيت راس وقلت بتعب
خليني بس.هزت راسها بﻷ وطلعت طلبت الدكتور رجعت ومعاها ابوي جاء وقال
في حاجة بتوجعك؟.هزيت راسي بﻷ وانا تعبان وم مركز صحيت تاني يوم كنت احسن شوية امي وابوي نايمين على الكراسي جمبي قلت بتعب
امي بابا.امي فتحت عيونها وجات جمبي بسرعة ختت يدها على خدي
أسيف انت كويس؟ حاسي بحاجة؟😢.مسحت دموعها وقلت
انا كويس.قعدت تبكي قالت
انا اسفة😭.ابوي صحى وقعد جمبي بالجهة التانية وخت يده على راسي ابتسمت ليه وقلت
صباح الخير😩.باس راسي وقال
شنو يا راجل تخوفنا كدا عليك🌚.التفت لي امي وقال
المدام امك م وقفت بكى سكتها اساسا م حد غيرك بقدر ليها🐸.قعدت بتعب وضميتها قلت
ماما انا اسف.هزت راسها قلت
ممكن توقفي بكى؟.قالت
م كان قصدي ازعلك أسيف😢
امي حبيبتي انتي تعملي فيني العايزاه وانا م ح اتكلم.هزت راسها قلت
يلا وقفي.مسحت ليها دموعها
لوسين ثواني بتسكت مع ولدها اما انا يحليلي🐸.ضحكنا قال
الدكتور والممرضة برة ح اخليهم يجوا يفحصوك يلا لوسين انتي كمان
انا:امي امشي ارتاحي انا كويس.هزت راسها وطلعت مع ابوي جاء الدكتور والممرضين بعد طلع قمت استحميت وطلعت لقيت امي مستنياني ومعاها الفطور ابتسمت ليها ابوي جاء داخل فطرنا مع بعض بعدها طلع الشركة امي كانت كئيبة بسببي💔قلت
امي
همم
ممكن تعايني لي؟.رفعت عيونها كانت مدمعة قالت
م كان اضغط عليك كدا انا اسفة💔
يا الله م تعتذري انتي م غلطتي في حاجة عايزاني اعرس انتي؟.هزت راسها بأي قلت
طيب اختاري العايزاها وانا موافق حتى بدون م اشوفها او اعرفها طيب؟.عاينت لي بفرح وقالت
بالجد؟
امهم☺.رجعت حضنتني وقالت
انا م عايزة اتعبك او اجبرك بس انت لازم تنسى حبيبي.هزيت راسي بوجع الباب دق
