.فضلت ابكي على رجولها وهي بتمشي على شعري لحد م غفيت صحيت بعد فترة طويلة كانت طالعة من المطبخ قالت
قوم غسل وتعال اكل.هزيت راسي بﻷ قالت
أسيف قوم وم تخليني اعصب😊
امي والله م قادر حلقي زاتو واجعني
جبت ليك دوا و م تخليني اعيد كلامي والله العظيم انا زاتي تعبانة😢
طيب يا امي طيب.قمت استحميت وجيت اكلت بالقوة جابت لي حبة اخدتها وقالت
اطلع نوم فوق الدنيا ليل
يلا اوصلك البيت اول
انا م ح اخليك براك😒
امي..قاطعتني
أسيف كلمة زيادة م اسمعها.قمت طلعت الغرفة فتحت تلفوني وفضلت اعاين لصورها وانا ببكي امي جات داخلة قعدت جمبي ومسكت يدي قلت
ورب البيت انا بحبها يا امي ورب البيت😭💔
ح نرجعها بكرة ح تمشي وترجعها
م بقدر م بقدر دي موتت ولدي💔
طيب ممكن توقف بكى وتريح عيونك دي؟
م قادر
م صليت في اليومين ديل صح؟.هزيت راسي بﻷ قالت
اكبر غلط قوم صلي ربنا ح يهون عليك.هزيت راسي بطيب مسحت دموعي النزلت غيرها وقمت اتوضيت صليت وبديت اقرا قران وانا ببكي لحد م خلصت البقرة قمت امي كانت بتصلي معاي طلعت عباية الصلاة وقعدت جمبي ختيت راسي على صدرها بوجع ختت يدها على خدي وقالت
الرجال م ببكوا لم حاجة تضيع بالعكس بقوا علشان يعوضوا بالأحسن
وهل في احسن من ميراي؟
في بس حبك عاميك حبيبي
صدقيني ماف يا امي
نوم عايزاك قوي يا حبيبي.هزيت راسي ونمت صحيت الصباح قمت استحميت بتعب ونزلت ﻷمي كانت مجهزة الفطور ومستنياني قعدت فطرت وانا ببلع يا الله قمت فتحت من التلفون عرسي ووصلته مع التلفزيون وبقيت بحضر امي قعدت جمبي ختيت راسي على رجولها قالت
ليه بتعذب نفسك كدا؟
انا بحب اراقبها من البداية
طيب ح يحصل شنو؟ متأكد م ح ترجعها؟.هزيت راسي بﻷ قالت
ح ترجع البيت متين؟
راجع المانيا
لكن..قاطعتها
خلوني ابعد شوية.مشت على شعري وهزت راسها بطيب كملت فيديوهات عرسنا وتسجيلات الحلقات الحلوة❤امي لقيتها نامت صحيتها نامت في غرفتها وانا فضلت صاحي مكمل في الصور حتى بتاعت الهني مون💜 الصباح الجرس رن فتحت الباب كان بابا دخل قعد وانا قصاده كان معصب قال
امك وين؟
نايمة
طيب احسن.عاينت ليه بإستغراب وكان بعاين لي بحدة زايدة قال
الحاصل شنو؟ميراي في المستشفى ليها ايام ومعاها انجل وانت امك هنا معاك في شنو؟.نزلت راسي م كنت قادر اقول ليه قال
ها مستني جوابك.اتنهدت ومسحت الدمعة النزلت سرعة وقلت
ميراي حاليا طليقتي
نعم؟.هزيت راسي
أسيف انت بتلعب؟
ابوي انا م بلعب لكن دا الحصل انا اعمل شنو؟.صرخ
ودا الحصل كيف يا شاطر انت؟.م رديت كنت بجمع الكلام قال
أسيف انت بتلعب بالجد والله البت قلت بتحبها ورافض غيرها عملنا المستحيل وزوجناها ليك تجي ترميها كدا في بلد م بتعرف فيه حاجة؟ انا بالجد م ربيت راجل والله.قام طلع وانا قاعد وماسك راسي ودموعي نازلة امي جات نازلة رفعت راسي عاينت ليها وقلت
امي ميراي وين؟
في البيت
مافي البيت يا امي ميراي في المستشفى💔
مستشفى شنو يا ولد😳
والله العظيم يا امي والله😭
استنى اضرب لروين
ﻷ اضربي ﻷنجل
انجل بتكون مع راجلها وم كويس نخلعها كدا
انجل معاها في المستشفى.هزت راسها وضربت ليها فتحت الإسبيكر
ايوا يا ماما صباح الخير
امي:صباح النور حبيبتي انتوا كويسين؟
الحمدلله ياخالتو
انجل معليش بس ميراي بالجد في المستشفى؟.اتنهدت وقالت
ايوا عندها انهيار عصبي حاد وضغطها م معتدل ليها كم يوم.قلت بلهفة
في اي مستشفى؟
انجل:اسيف؟
انا:ايوا اسيف الله يخليك قولي ياخ💔
انجل:ح ابعت ليك اللوكيشن.قفلت ورسلته طلعت بسرعة وامي لحقتني مشينا نزلت جري وطلعت غرفتها دقيت الباب فتحت لي انجل بست راسها وطلعت كانت نايمة ومركبين ليها سيروم وجهاز النبض واكسجين وقفت بعيد وبعاين ليها شوية شوية فتحت عيونها ونبضها اتسارع لم شافتني طلعت الأوكسجين وقالت
اسيف😩.دموعي نزلت وقلت
روح اسيف ولحن اسيف يا ميراي💔.دموعها نزلت مسحت دموعي ومشيت قعدت في الكرسي الجمبها ومسكت يدها قالت
ليه اتخليت عني؟ طائري سحره اتنسى يعني؟ بالسرعة دي؟
عرفتي انتي؟.ابتسمت وقالت
شفت مذكراتك بالصدفة تاني يوم من الحصل وصوتك كان مألوف لي لكن م كنت قادرة احدد
كنت غبي اعمل شنو!
م كنت غبي بس كنت بتحبني.ضغطت على يدها
وعلشان كدا غبي اني بحبك
وانا حبيت الغباوة دي💚.عاينت ليدها التانية كانت على بطنها ولسة لابسة المحبس قلت
لسة لابساه ليه؟
لنفس السبب الخلاك تلبسني ليه وتفضل انت لابسه
انا نسيته بس
تبقى كذاب يا باشا.ختيت يدي على يدها على بطنها قلت
كان مفروض نكون بنجهز للبيبي
ربنا م اراد
لا ربنا اراد بس انتي..الباب دق اتنهدت وقمت فتحته كانت امي اديتها نظرة ورجعت عاينت ﻷمي وطلعت وانا ببكي جريت بسرعة على العربية فضلت ببكي هناك انجل جات ركبت جمبي مسكتني من كتفي
اهدا اهدا.مسحت دموعي وقلت
عمري م بكيت عمري م حسيت نفسي ضعيف غير معاها💔
