انا:م حصل سمعتها
مي:ثواني افتحها ليك.هزيت راسي فتحت ومدت لي التلفون والسماعة سمعتها وفتحتها تاني قلت
امم حفظت لحنها.ماما جات قعدت قالت
ها بتعملوا في شنو؟
مهاب:أسيف و رورين يشكلون فرقة غنائية🐸.قعدنا نضحك قالت
يلا سمعونا طيب
روين:جاهز؟.هزيت راسي وبدتها وانا بغني في دوري بس وكنت بعاين للبلكونة جات طالعة اول م شافتنا دخلت قطعتها في اخر جملة وقمت عاينوا لي بإستغراب م اشتغلت بيهم ودخلت غرفتي صرخت وانا برمي المزهرية على المرايا الباب فتح وكانت امي قلت
امي خليني بس خليني💔.اتنهدت وطلعت شوية ودخلت روين ومراد عاينوا بصدمة وانا كنت ببكي التفتت ليه وقالت
مراد اطلع.هز راسه وطلع قعدت جمبي قلت
روين خليني براي
انا عايزة افضل معاك.دموعي نزلت قالت
متشاكلين؟.التفت ليها قالت
انا م غبية وظاهر يعني.ختيت يديني على وشي وقلت
اتطلقنا اتطلقنا ارتحتي؟.ختت يدها على كتفي وقالت
وانت بتحبها اكيد!
نعم فهي طائر طير يسحرني كلحن كل المعجزات💚.ابتسمت ومشت يدها على شعري قالت
قوم نوم انا كدا اطمنت انك واعي وبكرة الساعة 7 القاك قدام بابا غرفتي ح اخدك مكان ح يريحك وانا محتاجاك شوية.هزيت راسي قامت وقالت
يا ريت تنوم وانا ح ابعت الشغالة تنضف امشي الغرفة التانية نضيفة.هزيت راسي طلعت وانا فضلت بعاين للا شيء لحد الصباح الباب دق دخلت روين قالت
اتأخرت ساعة كاملة ي أسيف😐.قمت قلت
ثواني وبلحقك.هزت راسها وطلعت قمت استحيميت ولبست 3/4 جيزن وقميص ابيض واسود وجزمة اسود وشلت مفاتيحي ونزلت كنت مصدع وتعبان لقيتها في وشي قالت
يلا ح نفطر برا.هزيت راسي مسكتني من يدي وطلعنا مشينا وطلبنا كانت بتعاين لي وهي مبتسمة قلت
في حاجة؟هزت راسها بﻷ قالت
هون عليك م ملاحظ انو جاك شيب؟.مشيت يدي على لحيتي قالت
3شيبات شفتهم؟.هزيت راسي قالت
م نفسك مدام بتحبها ترجعها؟
م بقدر اتعامل معاها تاني ح نجوطها زيادة
خلي الكلام حسي وبعدين نتفاهم.هزيت ليها راسي فطرنا وقالت
تعال عايزة رايك في حاجة مهمة
ح نخلص سرعة؟
ايوا بس انت حرك
طيب يلا.مشينا نزلنا قدام مبنى اول م شفتوا حسيت بالراحة ابتسمت وهي كانت اتقدمت التفتت لي وقالت
يلا.ومدت لي يدها دخلت يدي على جيبي وقلت
امشي وانا ح الحقك بوزت لي وشها قالت
ياخ انا جايباك علشان حاجة انت ح تعرفها قريب يلا تعال.هزيت راسي ومسكتها ودخلنا المكان حلو شديد الطابق كله كان عبارة عن صورة مصغرة من الغابة والفوق كان حوض اسماك ودلافين حقيقي وطلعنا البعده كان خاص باللوحات والفنون عاينت بالشباك كان ورا المبنى حديقة كبيرة وفيها كل الأدوات الرياضية للصغار والكبار بنات واولاد قالت
عجبك المكان؟.هزيت راسي وقلت
جدا.ابتسمت وقالت
يلا تحت.نزلنا الطابق التاني وقفنا قدام مجموعة غرف قالت
اختار البتعجبك.عاينت ليها بإستغراب قالت
اختار وح تعرف.اخترت وحدي كان مرسوم فيها اجنحة باللون الأخضر دخلنا وكان فيها مجموعة من الطيور من كل الجهات وببغاء جنب كرسي الطبيب النفسي ومن فوق المنظر كأنو السماء بالجد صوت الطيور كان حلو شديد❤ قالت
انا عارفة انك م ح ترضى تجي لدكتور يساعدك ف جبتك لي موافق؟.عاينت ليها بإستغراب قالت
م تفهمني غلط بس ..قاطعتها
روين انا اذا مشيت لدكتور م معناها حاجة م كويسة بس انتي كان تسأليني
انا عايزاك م تعرفني اعتبرني دكتورتك صحبتك م روين البتعرفها اوكي؟.التفت منها قالت
اقعد محتاجين نفضفض.م رديت قالت
اذا عايز ممكن نرجع.مشيت قعدت من سكات ابتسمت وختت شنطتها وقعدت جمب راسي وبدت تعمل لي مساج قالت
همم انت حصل فكرت في بت غيرها؟ وحبيت ؟
م غيرها ابدا
متأكد؟
همم
ولسة بنفس شغف الحب؟
من بعد عملتها ممكن تقولي اتولد حقد بالقطرات معاي
وعملت شنو هي؟.ابتسمت ومسكت يدينها وقفت المساج ورجعت بالكرسي لورا قلت
كانت حامل ونزلت البيبي💔
وولدك؟.عاينت ليها بإستغراب قالت
احم انتوا خجولين قدام بعض بزيادة م تعامل اتنين متزوجين من شهور صح؟.عاينت حولي وقلت
همم
واتزوجتوا عن حب؟
حب سنة من طرف
والطرف دا كنت انت؟.هزيت راسي قالت
كدا كفاية يلا ننزل تحت عايزة اعمل حاجة.هزيت راسي وقمت طلعنا لقينا دكتور في وشنا
روين:دكتور فادي؟ كيفك؟.عاين لي بإستغراب قالت
أسيف ولد خالي.التفتت لي وقالت.أسيف دكتور فادي زميلي هنا🌚.ابتسمت وسلمت عليه
روين:يلا نستأذن نازلين
فادي:بكرة مداومة؟
روين:امم م معروف انا واسيف بكرة طالعين عندنا موضوع مهم زاتا بكرة م عندي مرضى
فادي:بس كنتي بتجي
امم حسي ما جاية يلا باي🌚.مسكتني من يدي ونزلنا الغابة💛مشت قعدت على مرجوحة مربوطة على الشجرة وجمبها في مساند ارضية قعدت على واحد قلت
انتي مع اي حد غياظة كدا؟
انا مالي حسة؟
ليه بتتكلمي معاه كدا؟
