دخلت لقيتها مع امي وبتكلموا بست راسها وقلت
يلا النوم علشان نقدر نصحى☺
ماما:طيب يلا.طلعنا استحمينا ونمنا صحيت الصباح لقيت ميراي في الحمام قعدت على السرير استتيتها شوية وطلعت بالمنشفة وقصيرة شديد عاينت لي بخلعة ورجعت الحمام بسرعة قمت وقلت
انا طالع اخدي راحتك.طلعت ورجعت بعد ساعة لقيتها بتتسرح دخلت استحميت وطلعت لبست 3/4 بيج وقميص ابيض نص كم ظبطت لحيتي وميراي كانت فوق بتحضر طلعت ليها لقيتها جاهزة لابسة اسكيرت كريمي مكسر تحت الركبة وتيشيرت قطني ابيض نص كم من ناحية الصدر والكتف فيه عصفورتين وحدي لونها تيفني فاتح ووحدي لونها ازرق واسبورت ابيض ومدخلة سلسالها من تحت التيشيرت قامت وقالت يلا خالتو وعمو مستنين.هزيت راسي وطلعنا ليهم فطرنا وطلعنا الطيارة طوالي امي كانت قاعدة مع ميراي وانا وابوي بنتكلم في الشغل شوية وابوي فتح قرأن ونام وامي بقت بتقرا في كتاب قمت قعدت معاهم وفضلنا نتونس
امي:م نفسكم تجيبوا لينا بيبي؟.عاينت لميراي كانت عاملة رايحة وم شاء الله لونها احمر😹ابتسمت وقلت
لسة بدري شوية.ابتسمت وقالت
احم طيب🌝.قلت
ميراي؟.عاينت لي وقالت
نعم
شكلك تعبان.هزت راسها بﻷ
امي قامت وقعدت جمب ابوي عكسينا قعدت جمبها ورفعت الحاجز وضميتها رفعت راسها عاينت لي بغيظ وم بتقدر تتكلم علشان امي ،، ابتسمت ليها وبست خدها قرصتني في رجلي حمرت ليه وهمست قدام شفايفها
بطلي حقارة😒.امي التفتت لينا بعدت عنها بسرعة ضحكت والتفتت مننا ميراي عاينت لي بغيظ
كان في داعي يعني؟
انا م عملت حاجة🌝.حمرت لي والتفتت ليمينها وصلنا السودان🐸❤مشينا بيت العيلة فيه حبوبة تحت والشقة الفوق عمي ومرته وأنجل اختي من ابوي والبيوت الحولها عمي التاني والجمبه عمتي😪وصلنا بالليل كانوا مستنيننا كلهم كنت ماسك يد ميراي انجل اول م شافتنا جات جارية حضنت بابا انا مشيت لحبوبة بست يدها وراسها وضمتني
أسيف كيفك يا ولد ليه م بتسأل مني اهون عليك؟
معقولة بس يا تيتا😐بس الشغل والله.مشت على شعري وقالت
انت كويس؟
انا كويس انتي كيفك؟
الحمدلله.عاينت ليدي ولميراي قلت
تيتا دي ميراي مرتي🌚.ابتسمت ميراي باست يدها وسلمت عليها انجل جات حضنتني عاينت لبطنها كانت حامل زي 7شهور عاينت ليها بخلعة ابتسمت بخجل جريت ليها خدودها وقلت
يا شافعة وانا اخر من يعلم🐸💔
لالا والله العظيم انا عرفت الشهر دا يادوب🙈.قعدت اضحك وسلمت على اعمامي وعمتي وقعدنا تيتا كانت حاضنة امي قالت
لو م امك كانت بتتكلم معانا ورسلت كلمتنا لعرسك م كنت ح تتذكرنا لا انت لا ابوك صح؟
انا:والله يا حبوبة انا الفترة ديك كنت مضغوط شديد وحسي جازفتها بالقوة علشان اجيك😐💕.عاينت لميراي قالت
كيف الولد دا معاك؟ شرير صح؟.ابتسمت وعاينت لي بخجل وقالت
ﻷ والله يا تيتا
انا:انا شرير؟ كويس يا تيتا يلا راجع بلدي.اتدخل صوت بت جات من برا
ارجعي يلا اساسا من 9 سنة م سألت عننا جات على الليلة يعني؟😏.التفت ليها كانت بت عمتي روين انسانة كريهة ومن صغار م بطيقها وهي بتتحكحك قلت
ويبقى لم اطلب حضورك وكلامك تتفضلي يا انسة طيب؟😊.عاينت لي بغيظ وسلمت على الباقين وجات مدت لي يدها سلمت عليها جوا باقي الاولاد نازلين
مراد تؤام روين 25 سنة اولاد عمتو منار و أيهم 24 و مهاب 26 اولاد عمو احمد واخوان انجل ومعاهم مي 22 و لارا 23 اولاد عمو عمار جوا سلموا علينا
تيتا:يلا اطلعوا ارتاحوا للصباح
انجل:ميراي تعالي اوصلك غرفتكم🌚
روين:ميراي صحي انتي منو؟.وقفت ومسكت يدها قلت
انجل ارتاحي انا كمان طالع مش شقتنا نضيفة؟
تيتا:يا ولد استنى طالع ب أي مفتاح؟🐸.امي ضحكت تيتا ادتني المفتاح وطلعنا دخلنا غرفتنا البيت كان مظبط💗 قلت
م تتقربي من روين ابدا سامعاني؟
روين اي وحدي؟
الجات براها☺.هزت راسها ودخلت استحمت ونست م اخدت منشفتها ختيتها ليها على السرير وقلت
ميراي انا برا في البلكونة بعد م تخلصي قولي لي.قالت
طيب.طلعت وولعت سيجارة انجل جات طالعة وهي بتلبس في عبايتها وراجلها مستنيها قفلها ليها ولبسها الطرحة وباس راسها وكان خاتي يدو على بطنها شكلهم كان حلو💕 جات ميراي جمبي وقالت
انجل اختك صح؟
هزيت راسي قالت
بس م بتشبهك ليه؟
انجل اختي من بابا ،، جدو الله يحرمو اصر على بابا يتزوج امها وانا وقتها كنت مولود صغير يعني عمر5سنوات لانو امها وابوها اتوفوا وبابا الكبير وكان جدو عايزها تعيش معاهم و م ينفع غير يتزوجها لانها بت عمو وماما وقفت مع جدو وفعلا اتزوجها وجاب أنجل بعد فترة ابوي عرف انو عمو احمد كان بحبها شديد وحتى هي بس م حد عارف بحب دا لدا ف طلقها وجدو وقتها كان اتوفى وتيتا كانت ملاحظة ف زوجتهم و لم كنا مسافرين رفضوا ناخد انجل دي كل القصة.هزت راسها قلت
يلا نومي انا ح ادخل الحمام
طيب☺.دخلت استحميت وطلعت كانت نامت
