بعد صليت كانت بتتقلب ومفتحة قلت
مالك؟.هزت راسها بﻷ قعدت على الكنبة قالت
نوم جنبي
كدا مرتاح
رقبتك ح توجعك
م ح اقدر امسك نفسي وم اضمك.ابتسمت بخجل وقالت
حاول وانا مصرة لانو ربنا ح يحاسبني☺.اتنهدت ونمت جنبها واديتها ضهري صحيت الصباح كانت بتنشف شعرها ابتسمت وقلت
صباح الخير🌚.ابتسمت لي وقالت
صباح النور.قمت استحميت وطلعت كانت لابسة اسكيرت اسود لين 3/4 وتيشيرت بينك من نفس القماش نص كم شاكاه لقيت دبلتها ومحبسها في السرير قلت
محبسك..قاطعتني
همم ح البسه حسي.هزيت راسي وطلعت الهول لقيت بابا بحضر سلمت عليه وقلت
امي وين؟
لقت حبوبتك تاني م ح تسأل فينا صدقني🐸.ضحكت وقلت
يمكن😂
م يمكن دا الح يحصل فعلا😹.ميراي جات طالعةونزلنا كانوا مستنيننا بالفطور قلت
انجل م جات؟
تيتا:ح تمشي لدكتورها وتجي.هزيت راسي
مهاب:أسيف م نفسك تستقر هنا؟
انا:م نفسي ابدا والله😹
أيهم:ليه كدا؟
تيتا:حسي ح يقول ليك جوكم سخن🐸
انا:بالظبط زي م قالت تيتا😹
عمتو جود(مرت عمو احمد):خلاص ح نخلي ميراي معانا صح يا ميرو؟
انا:اطمنك يا عمتو ميراي م بتقعد في حته بدوني🐸.قعدوا يضحكوا
مهاب:مافي امل يعني؟
انا:مستحيل اخلي البنيته كله هناك وارجع لبلد مافيها مستقبل لتخصصي
أيهم:كلامه صح والله
عمو احمد:الماكينة الجديدة خلصت؟
انا:تحت الفحص والتجريب كم شهر و ح تنزل.كملنا فطور جات عمتي ومراد وروين و ناس عمو عمار كنا بنتونس عادي قمت طلعت الجنينة كنت بعاين ليها ولذكرياتنا فيها طلعت سيجارة ميراي جات جرتها مني وقالت
بطل تدخين
ممكن ترجعيها؟.هزت راسها بﻷ قربت عليها وقلت
ميراي😒.خبتها وراها وقالت
على فكرة انت عندك غيرها وانا ح ادخن دي موافق؟.حمرت ليها قالت
م تعاين لي كدا.جريتها علي ومسكت يدينها من ورا سمعنا صوت حمحمة كانت انجل فكتني بسرعة انجل ضحكت وقالت
في نص الجنينة كدا لكن😹.عملت رايح قلت
كيفك؟
الحمدلله بخير.سلمت على ميراي وقالت
يلا جوا.حضنتها ومشينا انجل كانت كيوته شديد ومن وانا صغير بحبها جدا بس في اخر سنة انشغلنا من بعض هي عرست وانا بالشغل وقصة أثينا حبي ميراي💚 راجلها كان قاعد اسمو نايف سلم علينا وقعدنا وهي لسة حاضناني
روين:انجل حبيبتي ريحي اخوك واقعدي كويس😏.انجل بوزت
انا:روين انتي دخلك شنو؟.لوت وشها بست راس أنجل
وقلت
مرتاحة؟.هزت راسها بأي.جريت ليها انفها
نايف:كملت لي مرتي ياخ خليها خلاص من قبل يومين م عندها غيرك أسيف اسيف🐸.ضحكت وقلت
وانت زعلان ليه هي اختي قبل مرتك😹.قعدوا يضحكوا عدا اليوم حلو وحتى ميراي بدت ترجع تبتسم طلعنا بالليل الشقة بتاعتنا كان فيها 5 غرف وهولين و مطبخ كبير وحمامين خارجي ميراي كانت طلعت قبلي دقيت الباب ودخلت كانت بتتكلم بالتلفون ومدياني ضهرها ولسة بالمنشفة قفلته بسرعة ودخلت غرفة الملابس لبست انا مشيت استحميت ونمت صحيت الصباح بيد على خصري اتقلبت كانت ميراي صاحية يادوب عاينت ليها بإستغراب قالت
كنت نايم؟.هزيت راسي بأي قالت
أسفة💔.ابتسمت وقلت
عادي في حاجة؟.هزت راسها بﻷ قلت
قومي ادوشي اذا عايزة.هزت راسها وقامت انا شوية وطلعت البلكونة اسجر جات جرتها مني وودتها على شفايفها كنت ح اشيلها منها رجعت لورا فضلنا راجعين لحد دخلنا الغرفة ووصلنا الحيطة قلت
رجعيها.هزت راسها بﻷ مسكتها من بطنها وبستها شوية وآنت بوجع بعدت عنها السيجارة كانت مولعة وهي ضغطتها على خصرها وحرقتها كانت لابسة فستان حرير وبدا يتحرق فتحت السست سرعة ونزلته منها مسكته ناحية صدرها قلت
فكيه ح يحرقك.هزت راسها بﻷ ختيت يدي على ضهرها وقلت
طيب قومي الحمام قومي قومي.مشت دخلت جبت ليها منشفة خفيفة وقلت
م تدوشي اوعي افتحي شيلي دي مني
طيب انا موجوعة😢
طيب هاك اطلعي.مديت ليها فتحت شوية ومدت يدها مسكتها جرتها جرت مني المنشفة وغطت بيها نفسها قلت
على فكرة انا راجلك😒.م ردت شلتها نزلتها في السرير وغطيتها وهي قاعدة خليت ضهرها مكان الحرق بس ودخلت الحمام جبت مرهم الحروق وجيت ختيته ليها كان دائرة كبيرة يعني قلت
كانت حته بس بسبب هبالتك كبرت كدا😒.قعدت تبكي قلت
الببكي شنو حسي😒
موجوعة😢.هببت بيدي وقلت
شوية وبروق.هزت راسها قمت وقلت
م تغيري خليك كدا شوية وبجيك.قمت استحميت وجيت لقيتها عايزة تقوم قلت
على وين؟
ح افضل كدا؟
طيب شوفي حاجة خفيفة.هزت راسها واتلفت وقامت غرفة الملابس لبست فستان كحلي غامق فيه ورود كبيرة بالبني والبينك المايل على أبيض وصفقاتها لونها اخضر فاتح شديد على باهت نص كم ورقبته ٧ مبينة جزء من صدرها و بتربط خلف خلاف عند خصرها ومع الركبة من تحت وخلت شعرها فاكي نزلنا تحت فطرنا العيلة كلها كانت قاعدة البنات طلعوا الجنينة ونحنا الأولاد فضلنا مع بعض بنتونس لحد الغداء بعد خلصنا
أنجل:يلا نطلع يا بنات ميراي قومي
انا:على وين؟
مي:ح نمشي لوحدة صحبتنا
