ودقيت الباب لناس انجل ودخلت ليهم كانت نايمة وهو كان بعاين ليها ابتسمت التفت لي وقال
نامت قبل ثواني.هزيت ليه راسي قلت
تعبت شوية.هز راسه وقال
تعال برا.طلعنا هول جمب الغرفة قلت
البيبي كويس؟
الحمدلله ،، انجل تعبت؟
بالعكس بس خوافة شديد.ضحك وقال
كنت عارف ح تكون خايفة كدا.ابتسمت وقلت
ح تسموها منو؟
لوليا انجل بتحب الإسم دا💚.ابتسمت وقلت
امم من صغيرة بتحبه❤.ابتسم قلت
يلا انا بجي الصباح تعال عايزك تتكلم مع ميراي ترجع البيت
ميراي هنا؟.هزيت راسي وقلت انا ح اطلع قدامك بعد ااشر ليك من البلكونة امشي ليك
طيب تمام.دخلت بست انجل قالت بضيق وهي نايمة
نايف خليني عايزة انوم.ابتسمت وطلعت ميراي كانت قاعدة على الكرسي وبتعاين لرجولها نزلت واشرت من تحت لنايف شوية وجات نازلة انا كنت عارف انها ح ترجع بس عايزة تتأكد مني مشيت وراها لحد م نزلت وانا بعد مسافة نزلت لقيتها قاعدة في الهول وماسكة رجلها مشيت ليها كان لونها اتغير وهي بتبكي قلت
ميراي؟.رفعت راسها بدموع عاينت لي ورجعت عاينت لرجلها وهي بتبكي بدون م احس ضميتها ومسحت ليها دموعها قلت
اشش اهدي.بعدتني عنها قلت
م تكابري يلا الدكتور.هزت راسها بﻷ.شلتها وطلعنا المستشفى الدكتور لفاها ليها واداها مسكنات رجعنا البيت وانا ماسكها وهي بتعرجع وصلتها غرفتها بعد غطيتها مسكت يدي قالت
شكرا.ابتسم ليها وطلعت نزلت الجنينة بقيت قاعد بعصبية روين جات قعدت جمبي
همم في شنو؟
ولى حاجة
ح تغش على دكتورتك برضو؟.اتنهدت وقلت
في الشهرين ديل كأنها بقيت احلى؟.ابتسمت وقالت
انت بس شايف كدا.ضحكت وقلت
لانو قلبي مسحور اعمل شنو؟
انت دايما مشبهها بالسحر ليه؟
لانو انا شفت خيوط السحر بالجد
يلا كدا انت اكدت لي انك مجنون وعايز دكتور فادي يديك كهرباء ضربتها على راسها وهي بتضحك قلت
انا جادي عايني بسمتها وضحكتها عيونها وملامحها مشيتها وصوتها وطريقتها في الكلام💚.ابتسمت لي قمت دخلت غرفتي وبديت اتذكر انا كنت كيف كنت بغمس نفسي في الشغل علشان م افكر فيها مش علشان انساها ﻷ علشان م افكر فيها علشان م ابكي وعلشان م اضعف قمت استحميت وطلعت نمت من التعب صحيت الضهر متأخر لقيتهم كلهم مافي فطرت ومشيت بيت انجل لانو طلعوها من المستشفى كانوا قاعدين في الهول بتونسوا وميراي م معاهم عيوني كانت بتفتش عليها سلمت عليهم وقلت
انجل وين؟
خالتو جود:بتنوم في لوليا وهي كمان عايزة تنوم
نايف:قوم اطلع ليها لانها سألت منك اول م صحت
انا:الغرفة وين؟
تالت غرفة على يمينك.هزيت راسي وقمت مشيت دقيت الباب قالت
اتفضل.دخلت ليها بإبتسامة كانت بتشرب البيبي في البزازة ابتسمت لي وقالت
أسيف تعال💛.مشيت قعدت جمبها وبست راسها قلت
كيفك؟ الحلوة دي م عذبتك تاني صح؟.هزت راسها بﻷ ادتني ليها كانت كتكوته شديد😻قالت
حلوة صح؟.هزيت راسي بأي قالت
م نفسك تجيب زيها
امم انا؟ م اظن وبعدين لوليا كفاية❤.الباب دق ودخلت ميراي كانت لابسة جمبسوت ابيض فيه ورود متوسطة لونها احمر واصغر خماسية لونها بيج اوف شولد باكمام طويلة واسعة وبتربط من ناحية الصدر وطوله شورت لحد 3/4 الفخذ واسبورت وشنطة ابيض ومرجعة شعرها لورا ولابسة السلسال ولسة م قدرت اشوف المحبس لانها مغطية يدها انجل قرصتني واشرت لي بعيونها نزلت عيوني وفضلت العب مع لوليا ميراي جات وهي بتعرج سلمت على انجل ومدت لي يدها سلمت عليها وقعدت بتعب قلت بدون م الاحظ
ليه فكيتي رجلك؟.قالت بهدوء
فك براه وم عرفت الفه.التفت لأنجل كانت بتعاين لينا بإبتسامة قلت
عندك شريط طبي؟
في حمام الدرج التاني.هزيت راسي وختيت لوليا وقمت جبته وجبت مرهم قعدت على الأرض وطلعت جزمتها ولفيتها ليها كانت بتعاين لي ودموعها نازلة.ختيت مسند تحت رجلها وقمت مشيت بست لوليا انجل ختت يدها على راسي وقالت
خلي بالك من نفسك.هزيت راسي التفت لميراي كانت بتبكي بدون صوت وخاتة يدينها على وشها نزلت تحت بسرعة لقيت روين في وشي مسكت يدها وجريتها معاي لاقانا ابوي قريب للهول عاين لينا بإبتسامة وعاين ليدينا قال تعالوا عايزكم.اتنهدت ومشينا قعدنا وقال
يا جماعة انا خال روين صح بس عايز اطلبها لأسيف
مراد:يا خالو..قاطعنا صوت صرخة ،، مراد قام جاري بسرعة وانا لحقته كانت ميراي مراد خت راسها على رجوله وبحاول يصحيها مشيت بسرعة ليهم راسها كان بنزف م قدرت استحمل فكيتها ليه ووقفت بعيد وانا عيوني قلبت احمر وجسمي برجف مراد شالها وطلع بسرعة ونايف لحقه ومعاهم امي وتيتا روين جات مسكتني وادتني موية شربتها قالت
اهدا م حصل حاجة.ضغط على الكباية لحد م اتكسرت انجل جات نازلة بتعب قالت
في شنو؟.روين مشت ليها وقالت
ولى شي اطلعي فوق.عاينت لي وقالت
اسيف انا سمعت صرخة ميراي وانت يدك بتنزف ليه؟.هزيت راسي بﻷ وقلت
روين طلعيها انجل حبيبي مافي شي م تخافي انا اتكسرت الكباية في يدي بس.هزت راسها وروين طلعتها
