.هزيت راسي بأي قالت
ﻷ
امي الله يخليك.ضمتني وقالت
عندك اسبوع بس طيب
طيب.فكتني طلعت غرفتي وحجزت على اليونان وطلعت بسرعة وانا مخنوق مشيت المطار الطيارة كانت بعد نص ساعة وباقي للساعة 12 ساعة فكرة انو هي دايما بتكون بتبكي علشاني انو ح تبدا سنتها الجديدة حزينة بسببي وهي دايما بتخليني مبسوط مشيت اشتريت بولين وكيك وهدايا ليها ومشيت بيتي غيرت لبنطلون جينز وتيشيرت رمادي صوفي كان جابته لي هي💛 ومشيت البيت وكان باقي 3 دقايق ضربت لبابا يطلعها الجنينة لحد بعد اخلص ظبطت الهول وضربت ليه جات والأضوية كانت مطفية ولعت الشموع وغنيت ليها ﻷنها بتحب صوتي شديد💜 جات حضنتني وهي بتبكي قلت
كل سنة وانتي طيبة حبيبتي💚
انت هنا؟
مستحيل ابعد عنكم💗.ابوي ضرب كتفي وقال
م تبكيها تاني انا م بحب اشوفها كدا وانت زاتك خربتها لي زمان كنت بسكتها بس حسي بقت م بتسكت لي😐.ضحكنا قلت
يلا اطفي الشموع🌚.ابتسمت لي وطفتهم قعدنا نتكلم لحد وقت متأخر
ابوي يلا يلا غرفتك عايزين ننوم نحنا ياخ🐸.ضحكت وقلت
يا حاج شنو لكن😹
امي:انا ح اقعد مع ولدي م عندي شغلة بيك🐸.ضحكت وقال
يلا يلا.كشانا طلعت ادوشت وانا مبسوط وبتناسى قلبي صحيت الصباح البيت كان اتزين زي م انا طلبت امي جات وراي وقالت
في شنو هنا؟
عندي حفلة شغل الليلة و ح تكون هنا.جرت لي اضاني
بتغش على منو انت؟.ضحكت وقلت
خلاص اسف اسف ح نعمل عيد ميلادك هنا واعزمي العايزاه طيب؟
امم يلا يلا الفطور🌝
ثواني نسيت حاجة ح الحقك.هزت لي راسها رجعت الغرفة وضربت لأثينا ميراي كان نفسي اتكلم بس م قدرت وانا مخنوق قفلت لم سمعت صوتها و طلعت فطرنا وطلعت الشركة عزمت كاتي وكملت شغل طلعت نهاية الدوام رجعت البيت طلعنا اتغدينا مع بعض وطلعت شفت الهدية كانت اتغلفت واتجهزت ورجعت نمت كنت تعبان صحيت بالليل قريب مواعيد الحفلة استحميت واتجهزت لبست بدلة ازرق على لون السماء بالليل بالظبط وقميص ابيض طلعت لقيت بابا معاه زهيان وفرح ومحمد والضيوف بدوا يوصلوا مشيت شلت فرح بوستها وقلت
كيف يا حلو😻.ابتسمت وجرت لحيتي وهي بتضحك سلمت على زهيان ومحمد قلت
وينتل وين؟
زهيان: جاي في الطريق.هزيت راسي امي جات طالعة ومعاها ميراي😨 اتوترت وبقيت بهز يديني كانت لابسة فستان من لون بدلتي اوف شولدر فيه اكمام 3/4 وطوله برضو على جسمها فيه كسرتين على رجلها اليسار في الخصر وفي خطوة من 3/4فخذها وعاملة شعرها ويفي ولابسة اسورتين لونهم اسود وكعب اسود كانت حلوة شديد💙.كاتي ضربتني التفت ليها قالت
للمرة الألف م تعاين ليها كدا🌚.ابتسمت وقلت
امي انتي مالك؟
انت م بتعاين ﻷمك م تغش على نفسك☺.ومشت امي جاتني معاها قالت
أسيف ميراي بنت غرام ووسيم اصحابي بتعرفهم اظن صح؟.هزيت راسي مديت ليها يدي وقلت
وبعرفها هي برضو😊.سلمت علي بإبتسامة جابوا الكيك وكذا وينتل كان جاء وواقف معاها م قدرت ابعد عيوني عنهم شوية وبدت اغنية هادية امي جرتني وجرتها معاي وغمزت لي م كان في حل غير ارقص معها😧 ختيت يدي على خصرها وانا متوتر ووشي قلب احمر ختخت يدها على صدري وهي مبتسمة بخجل ظهر محبسها قلبت عيوني بزهج وضغطت عليه بعصبية بدون م احس قالت بوجع
ممكن م تضغط؟.فكيتها وقلت
أسف.ومشيت طلعت غرفتي وفضلت ماشي وجاي بعصبية جاء زهيان ومعاه فرح جاتني جارية شلتها وانا بضحك ﻷنها بسهولة قلبت مودي بوستها زهيان ابتسم وطلع قلت
رايك شنو تاكلي كيك؟.هزت راسها وقلت
طيب يلا.طلعت المطبخ ختيتها على الصفرة وختيت ليها قالت
بابا بابا.كانت بتعاين وراي التفت لقيتها ميراي م ابديت اي ري أكشن بس هي كانت مبتسمة قالت
بتك؟.هزيت راسي بﻷ جات ومشت على شعرها قالت
اسمك منو؟
فرح:فرح😁.ابتسمت شكلهم كان حلو شديد💕 التفتت لي وقالت
اسفة على الإزعاج
عادي مافي ازعاج😊.ابتسمت ومشت ريحتها علقت على فرح بوست خدها واديتها الكيك اكلته وبدت تنعس وديتها غرفتي خليتها نايمة وطلعت كنت بعاين لأمي ووينتل وميراي ومنظر محبسها م طالع من راسي والمؤلم امي معاهم وانا هنا بتعذب💔ابتسمت بإستهزاء كاتي جاتني ومعاها محمد هم خاطبين اساسا
كاتي:بطل نظراتك يا انت
انا:كاتي ممكن اعرف مالك معاي؟
محمد:انت مكشوف لكن م هي براها شايفة كلنا شايفين🌝.اتنهدت وقلت
خلوني في حالي.مشيت ﻻبوي قعدت معاه عدت الحفلة عادي وكانت حلوة بغض النظر عن الحاصل بعد كل الضيوف مشوا دخلت استحميت ونمت صحيت الصباح للشغل وعدا اليوم من غير شيء م فتحت القناة ابدا م كنت قادر اتحمل اي حاجة صحيت رجعت تعبان نمت لحد تاني يوم وصحيت فتحت التلفزيون كان في خبر زواج أثينا ميراي💔.ضغطت على يدي بعصبية كان مكتوب انو مجهول الهوية ولسة م صرحت بيه منو وم عملت العرس برضو بس كتب الكتاب بدا برنامجها كان صوت بس ضربت
-حبيبتي ومحبوبتي و عشيقتي ومعشوقتي اريد اخبارك واجبارك على ذاك الحب الذي اصبح يكوي قلبي كيا ويجرحني جرحا بعمق محيط بحرك💛...
